לוקס 24:44

תנ ך עברי מודרני

ויאמר אליהם אלה הם הדברים אשר דברתי אליכם בעוד היותי עמכם כי המלא ימלא כל הכתוב עלי בתורת משה ובנביאים ובתהלים׃

משאבים נוספים

פסוקים מקושרים

  • תה׳ 110:1-7 : 1 ¶ לדוד מזמור נאם יהוה לאדני שב לימיני עד אשית איביך הדם לרגליך׃ 2 מטה עזך ישלח יהוה מציון רדה בקרב איביך׃ 3 עמך נדבת ביום חילך בהדרי קדש מרחם משחר לך טל ילדתיך׃ 4 נשבע יהוה ולא ינחם אתה כהן לעולם על דברתי מלכי צדק׃ 5 אדני על ימינך מחץ ביום אפו מלכים׃ 6 ידין בגוים מלא גויות מחץ ראש על ארץ רבה׃ 7 מנחל בדרך ישתה על כן ירים ראש׃
  • תה׳ 118:22 : 22 אבן מאסו הבונים היתה לראש פנה׃
  • תה׳ 72:1-9 : 1 ¶ לשלמה אלהים משפטיך למלך תן וצדקתך לבן מלך׃ 2 ידין עמך בצדק וענייך במשפט׃ 3 ישאו הרים שלום לעם וגבעות בצדקה׃ 4 ישפט עניי עם יושיע לבני אביון וידכא עושק׃ 5 ייראוך עם שמש ולפני ירח דור דורים׃ 6 ירד כמטר על גז כרביבים זרזיף ארץ׃ 7 יפרח בימיו צדיק ורב שלום עד בלי ירח׃ 8 וירד מים עד ים ומנהר עד אפסי ארץ׃ 9 לפניו יכרעו ציים ואיביו עפר ילחכו׃ 10 מלכי תרשיש ואיים מנחה ישיבו מלכי שבא וסבא אשכר יקריבו׃ 11 וישתחוו לו כל מלכים כל גוים יעבדוהו׃ 12 כי יציל אביון משוע ועני ואין עזר לו׃ 13 יחס על דל ואביון ונפשות אביונים יושיע׃ 14 מתוך ומחמס יגאל נפשם וייקר דמם בעיניו׃ 15 ויחי ויתן לו מזהב שבא ויתפלל בעדו תמיד כל היום יברכנהו׃ 16 יהי פסת בר בארץ בראש הרים ירעש כלבנון פריו ויציצו מעיר כעשב הארץ׃ 17 יהי שמו לעולם לפני שמש ינין שמו ויתברכו בו כל גוים יאשרוהו׃ 18 ברוך יהוה אלהים אלהי ישראל עשה נפלאות לבדו׃ 19 וברוך שם כבודו לעולם וימלא כבודו את כל הארץ אמן ואמן׃ 20 כלו תפלות דוד בן ישי׃
  • מע״ש 13:33 : 33 ככתוב במזמור השני בני אתה היום ילדתיך׃
  • לוק 9:22 : 22 ויאמר מן הצרך הוא אשר בן האדם יענה הרבה וימאס מן הזקנים והכהנים הגדולים והסופרים ויהרג וביום השלישי קום יקום׃
  • לוק 9:44 : 44 שימו אתם באזניכם את הדברים האלה כי עתיד בן האדם להמסר בידי בני האדם׃
  • תה׳ 16:9-9 : 9 לכן שמח לבי ויגל כבודי אף בשרי ישכן לבטח׃ 10 כי לא תעזב נפשי לשאול לא תתן חסידך לראות שחת׃ 11 תודיעני ארח חיים שבע שמחות את פניך נעמות בימינך נצח׃
  • תה׳ 22:1-9 : 1 ¶ למנצח על אילת השחר מזמור לדוד אלי אלי למה עזבתני רחוק מישועתי דברי שאגתי׃ 2 אלהי אקרא יומם ולא תענה ולילה ולא דומיה לי׃ 3 ואתה קדוש יושב תהלות ישראל׃ 4 בך בטחו אבתינו בטחו ותפלטמו׃ 5 אליך זעקו ונמלטו בך בטחו ולא בושו׃ 6 ואנכי תולעת ולא איש חרפת אדם ובזוי עם׃ 7 כל ראי ילעגו לי יפטירו בשפה יניעו ראש׃ 8 גל אל יהוה יפלטהו יצילהו כי חפץ בו׃ 9 כי אתה גחי מבטן מבטיחי על שדי אמי׃ 10 עליך השלכתי מרחם מבטן אמי אלי אתה׃ 11 אל תרחק ממני כי צרה קרובה כי אין עוזר׃ 12 סבבוני פרים רבים אבירי בשן כתרוני׃ 13 פצו עלי פיהם אריה טרף ושאג׃ 14 כמים נשפכתי והתפרדו כל עצמותי היה לבי כדונג נמס בתוך מעי׃ 15 יבש כחרש כחי ולשוני מדבק מלקוחי ולעפר מות תשפתני׃ 16 כי סבבוני כלבים עדת מרעים הקיפוני כארי ידי ורגלי׃ 17 אספר כל עצמותי המה יביטו יראו בי׃ 18 יחלקו בגדי להם ועל לבושי יפילו גורל׃ 19 ואתה יהוה אל תרחק אילותי לעזרתי חושה׃ 20 הצילה מחרב נפשי מיד כלב יחידתי׃ 21 הושיעני מפי אריה ומקרני רמים עניתני׃ 22 אספרה שמך לאחי בתוך קהל אהללך׃ 23 יראי יהוה הללוהו כל זרע יעקב כבדוהו וגורו ממנו כל זרע ישראל׃ 24 כי לא בזה ולא שקץ ענות עני ולא הסתיר פניו ממנו ובשועו אליו שמע׃ 25 מאתך תהלתי בקהל רב נדרי אשלם נגד יראיו׃ 26 יאכלו ענוים וישבעו יהללו יהוה דרשיו יחי לבבכם לעד׃ 27 יזכרו וישבו אל יהוה כל אפסי ארץ וישתחוו לפניך כל משפחות גוים׃ 28 כי ליהוה המלוכה ומשל בגוים׃ 29 אכלו וישתחוו כל דשני ארץ לפניו יכרעו כל יורדי עפר ונפשו לא חיה׃ 30 זרע יעבדנו יספר לאדני לדור׃ 31 יבאו ויגידו צדקתו לעם נולד כי עשה׃
  • מתי 16:21 : 21 מן העת ההיא החל ישוע להורות את תלמידיו שהוא צריך ללכת ירושלים ויענה הרבה בידי הזקנים והכהנים הגדולים והסופרים ויהרג וביום השלישי קום יקום׃
  • יוח 5:46 : 46 כי לו האמנתם למשה גם לי תאמינו כי הוא כתב עלי׃
  • זכ׳ 6:12 : 12 ואמרת אליו לאמר כה אמר יהוה צבאות לאמר הנה איש צמח שמו ומתחתיו יצמח ובנה את היכל יהוה׃
  • זכ׳ 9:9 : 9 גילי מאד בת ציון הריעי בת ירושלם הנה מלכך יבוא לך צדיק ונושע הוא עני ורכב על חמור ועל עיר בן אתנות׃
  • זכ׳ 11:8-9 : 8 ואכחד את שלשת הרעים בירח אחד ותקצר נפשי בהם וגם נפשם בחלה בי׃ 9 ואמר לא ארעה אתכם המתה תמות והנכחדת תכחד והנשארות תאכלנה אשה את בשר רעותה׃ 10 ואקח את מקלי את נעם ואגדע אתו להפיר את בריתי אשר כרתי את כל העמים׃ 11 ותפר ביום ההוא וידעו כן עניי הצאן השמרים אתי כי דבר יהוה הוא׃ 12 ואמר אליהם אם טוב בעיניכם הבו שכרי ואם לא חדלו וישקלו את שכרי שלשים כסף׃ 13 ויאמר יהוה אלי השליכהו אל היוצר אדר היקר אשר יקרתי מעליהם ואקחה שלשים הכסף ואשליך אתו בית יהוה אל היוצר׃
  • זכ׳ 12:10 : 10 ושפכתי על בית דויד ועל יושב ירושלם רוח חן ותחנונים והביטו אלי את אשר דקרו וספדו עליו כמספד על היחיד והמר עליו כהמר על הבכור׃
  • זכ׳ 13:7 : 7 חרב עורי על רעי ועל גבר עמיתי נאם יהוה צבאות הך את הרעה ותפוצין הצאן והשבתי ידי על הצערים׃
  • לוק 24:26-27 : 26 הלא על המשיח היה לסבל את כל זאת ולבוא אל כבודו׃ 27 ויחל ממשה ומכל הנביאים ויבאר להם את כל הכתובים הנאמרים עליו׃
  • תה׳ 69:1-9 : 1 ¶ למנצח על שושנים לדוד הושיעני אלהים כי באו מים עד נפש׃ 2 טבעתי ביון מצולה ואין מעמד באתי במעמקי מים ושבלת שטפתני׃ 3 יגעתי בקראי נחר גרוני כלו עיני מיחל לאלהי׃ 4 רבו משערות ראשי שנאי חנם עצמו מצמיתי איבי שקר אשר לא גזלתי אז אשיב׃ 5 אלהים אתה ידעת לאולתי ואשמותי ממך לא נכחדו׃ 6 אל יבשו בי קויך אדני יהוה צבאות אל יכלמו בי מבקשיך אלהי ישראל׃ 7 כי עליך נשאתי חרפה כסתה כלמה פני׃ 8 מוזר הייתי לאחי ונכרי לבני אמי׃ 9 כי קנאת ביתך אכלתני וחרפות חורפיך נפלו עלי׃ 10 ואבכה בצום נפשי ותהי לחרפות לי׃ 11 ואתנה לבושי שק ואהי להם למשל׃ 12 ישיחו בי ישבי שער ונגינות שותי שכר׃ 13 ואני תפלתי לך יהוה עת רצון אלהים ברב חסדך ענני באמת ישעך׃ 14 הצילני מטיט ואל אטבעה אנצלה משנאי וממעמקי מים׃ 15 אל תשטפני שבלת מים ואל תבלעני מצולה ואל תאטר עלי באר פיה׃ 16 ענני יהוה כי טוב חסדך כרב רחמיך פנה אלי׃ 17 ואל תסתר פניך מעבדך כי צר לי מהר ענני׃ 18 קרבה אל נפשי גאלה למען איבי פדני׃ 19 אתה ידעת חרפתי ובשתי וכלמתי נגדך כל צוררי׃ 20 חרפה שברה לבי ואנושה ואקוה לנוד ואין ולמנחמים ולא מצאתי׃ 21 ויתנו בברותי ראש ולצמאי ישקוני חמץ׃ 22 יהי שלחנם לפניהם לפח ולשלומים למוקש׃ 23 תחשכנה עיניהם מראות ומתניהם תמיד המעד׃ 24 שפך עליהם זעמך וחרון אפך ישיגם׃ 25 תהי טירתם נשמה באהליהם אל יהי ישב׃ 26 כי אתה אשר הכית רדפו ואל מכאוב חלליך יספרו׃ 27 תנה עון על עונם ואל יבאו בצדקתך׃ 28 ימחו מספר חיים ועם צדיקים אל יכתבו׃ 29 ואני עני וכואב ישועתך אלהים תשגבני׃ 30 אהללה שם אלהים בשיר ואגדלנו בתודה׃ 31 ותיטב ליהוה משור פר מקרן מפריס׃ 32 ראו ענוים ישמחו דרשי אלהים ויחי לבבכם׃ 33 כי שמע אל אביונים יהוה ואת אסיריו לא בזה׃ 34 יהללוהו שמים וארץ ימים וכל רמש בם׃ 35 כי אלהים יושיע ציון ויבנה ערי יהודה וישבו שם וירשוה׃ 36 וזרע עבדיו ינחלוה ואהבי שמו ישכנו בה׃
  • לוק 24:46 : 46 ויאמר אליהם כן כתוב וכן נגזר אשר יענה המשיח ויקום מן המתים ביום השלישי׃
  • יוח 3:14 : 14 וכאשר הגביה משה את הנחש במדבר כן צריך בן האדם להנשא׃
  • יוח 5:39 : 39 דרשו בכתובים אשר תחשבו שיש לכם חיי עולמים בהם והמה המעידים עלי׃
  • זכ׳ 14:4 : 4 ועמדו רגליו ביום ההוא על הר הזתים אשר על פני ירושלם מקדם ונבקע הר הזיתים מחציו מזרחה וימה גיא גדולה מאד ומש חצי ההר צפונה וחציו נגבה׃
  • מל׳ 3:1-3 : 1 ¶ הנני שלח מלאכי ופנה דרך לפני ופתאם יבוא אל היכלו האדון אשר אתם מבקשים ומלאך הברית אשר אתם חפצים הנה בא אמר יהוה צבאות׃ 2 ומי מכלכל את יום בואו ומי העמד בהראותו כי הוא כאש מצרף וכברית מכבסים׃ 3 וישב מצרף ומטהר כסף וטהר את בני לוי וזקק אתם כזהב וככסף והיו ליהוה מגישי מנחה בצדקה׃
  • מל׳ 4:2-6 : 2 וזרחה לכם יראי שמי שמש צדקה ומרפא בכנפיה ויצאתם ופשתם כעגלי מרבק׃ 3 ועסותם רשעים כי יהיו אפר תחת כפות רגליכם ביום אשר אני עשה אמר יהוה צבאות׃ 4 זכרו תורת משה עבדי אשר צויתי אותו בחרב על כל ישראל חקים ומשפטים׃ 5 הנה אנכי שלח לכם את אליה הנביא לפני בוא יום יהוה הגדול והנורא׃ 6 והשיב לב אבות על בנים ולב בנים על אבותם פן אבוא והכיתי את הארץ חרם׃
  • בר׳ 3:15 : 15 ואיבה אשית בינך ובין האשה ובין זרעך ובין זרעה הוא ישופך ראש ואתה תשופנו עקב׃
  • בר׳ 14:18 : 18 ומלכי צדק מלך שלם הוציא לחם ויין והוא כהן לאל עליון׃
  • בר׳ 22:18 : 18 והתברכו בזרעך כל גויי הארץ עקב אשר שמעת בקלי׃
  • בר׳ 49:10 : 10 לא יסור שבט מיהודה ומחקק מבין רגליו עד כי יבא שילה ולו יקהת עמים׃
  • ויק׳ 16:2-9 : 2 ויאמר יהוה אל משה דבר אל אהרן אחיך ואל יבא בכל עת אל הקדש מבית לפרכת אל פני הכפרת אשר על הארן ולא ימות כי בענן אראה על הכפרת׃ 3 בזאת יבא אהרן אל הקדש בפר בן בקר לחטאת ואיל לעלה׃ 4 כתנת בד קדש ילבש ומכנסי בד יהיו על בשרו ובאבנט בד יחגר ובמצנפת בד יצנף בגדי קדש הם ורחץ במים את בשרו ולבשם׃ 5 ומאת עדת בני ישראל יקח שני שעירי עזים לחטאת ואיל אחד לעלה׃ 6 והקריב אהרן את פר החטאת אשר לו וכפר בעדו ובעד ביתו׃ 7 ולקח את שני השעירם והעמיד אתם לפני יהוה פתח אהל מועד׃ 8 ונתן אהרן על שני השעירם גורלות גורל אחד ליהוה וגורל אחד לעזאזל׃ 9 והקריב אהרן את השעיר אשר עלה עליו הגורל ליהוה ועשהו חטאת׃ 10 והשעיר אשר עלה עליו הגורל לעזאזל יעמד חי לפני יהוה לכפר עליו לשלח אתו לעזאזל המדברה׃ 11 והקריב אהרן את פר החטאת אשר לו וכפר בעדו ובעד ביתו ושחט את פר החטאת אשר לו׃ 12 ולקח מלא המחתה גחלי אש מעל המזבח מלפני יהוה ומלא חפניו קטרת סמים דקה והביא מבית לפרכת׃ 13 ונתן את הקטרת על האש לפני יהוה וכסה ענן הקטרת את הכפרת אשר על העדות ולא ימות׃ 14 ולקח מדם הפר והזה באצבעו על פני הכפרת קדמה ולפני הכפרת יזה שבע פעמים מן הדם באצבעו׃ 15 ושחט את שעיר החטאת אשר לעם והביא את דמו אל מבית לפרכת ועשה את דמו כאשר עשה לדם הפר והזה אתו על הכפרת ולפני הכפרת׃ 16 וכפר על הקדש מטמאת בני ישראל ומפשעיהם לכל חטאתם וכן יעשה לאהל מועד השכן אתם בתוך טמאתם׃ 17 וכל אדם לא יהיה באהל מועד בבאו לכפר בקדש עד צאתו וכפר בעדו ובעד ביתו ובעד כל קהל ישראל׃ 18 ויצא אל המזבח אשר לפני יהוה וכפר עליו ולקח מדם הפר ומדם השעיר ונתן על קרנות המזבח סביב׃ 19 והזה עליו מן הדם באצבעו שבע פעמים וטהרו וקדשו מטמאת בני ישראל׃
  • במ׳ 21:8 : 8 ויאמר יהוה אל משה עשה לך שרף ושים אתו על נס והיה כל הנשוך וראה אתו וחי׃
  • במ׳ 35:25 : 25 והצילו העדה את הרצח מיד גאל הדם והשיבו אתו העדה אל עיר מקלטו אשר נס שמה וישב בה עד מות הכהן הגדל אשר משח אתו בשמן הקדש׃
  • דב׳ 18:15-19 : 15 נביא מקרבך מאחיך כמני יקים לך יהוה אלהיך אליו תשמעון׃ 16 ככל אשר שאלת מעם יהוה אלהיך בחרב ביום הקהל לאמר לא אסף לשמע את קול יהוה אלהי ואת האש הגדלה הזאת לא אראה עוד ולא אמות׃ 17 ויאמר יהוה אלי היטיבו אשר דברו׃ 18 נביא אקים להם מקרב אחיהם כמוך ונתתי דברי בפיו ודבר אליהם את כל אשר אצונו׃ 19 והיה האיש אשר לא ישמע אל דברי אשר ידבר בשמי אנכי אדרש מעמו׃
  • תה׳ 2:1-9 : 1 ¶ למה רגשו גוים ולאמים יהגו ריק׃ 2 יתיצבו מלכי ארץ ורוזנים נוסדו יחד על יהוה ועל משיחו׃ 3 ננתקה את מוסרותימו ונשליכה ממנו עבתימו׃ 4 יושב בשמים ישחק אדני ילעג למו׃ 5 אז ידבר אלימו באפו ובחרונו יבהלמו׃ 6 ואני נסכתי מלכי על ציון הר קדשי׃ 7 אספרה אל חק יהוה אמר אלי בני אתה אני היום ילדתיך׃ 8 שאל ממני ואתנה גוים נחלתך ואחזתך אפסי ארץ׃ 9 תרעם בשבט ברזל ככלי יוצר תנפצם׃ 10 ועתה מלכים השכילו הוסרו שפטי ארץ׃ 11 עבדו את יהוה ביראה וגילו ברעדה׃ 12 נשקו בר פן יאנף ותאבדו דרך כי יבער כמעט אפו אשרי כל חוסי בו׃
  • יש׳ 7:14 : 14 לכן יתן אדני הוא לכם אות הנה העלמה הרה וילדת בן וקראת שמו עמנו אל׃
  • יש׳ 9:6 : 6 כי ילד ילד לנו בן נתן לנו ותהי המשרה על שכמו ויקרא שמו פלא יועץ אל גבור אביעד שר שלום׃
  • יש׳ 11:1-9 : 1 ¶ ויצא חטר מגזע ישי ונצר משרשיו יפרה׃ 2 ונחה עליו רוח יהוה רוח חכמה ובינה רוח עצה וגבורה רוח דעת ויראת יהוה׃ 3 והריחו ביראת יהוה ולא למראה עיניו ישפוט ולא למשמע אזניו יוכיח׃ 4 ושפט בצדק דלים והוכיח במישור לענוי ארץ והכה ארץ בשבט פיו וברוח שפתיו ימית רשע׃ 5 והיה צדק אזור מתניו והאמונה אזור חלציו׃ 6 וגר זאב עם כבש ונמר עם גדי ירבץ ועגל וכפיר ומריא יחדו ונער קטן נהג בם׃ 7 ופרה ודב תרעינה יחדו ירבצו ילדיהן ואריה כבקר יאכל תבן׃ 8 ושעשע יונק על חר פתן ועל מאורת צפעוני גמול ידו הדה׃ 9 לא ירעו ולא ישחיתו בכל הר קדשי כי מלאה הארץ דעה את יהוה כמים לים מכסים׃ 10 והיה ביום ההוא שרש ישי אשר עמד לנס עמים אליו גוים ידרשו והיתה מנחתו כבוד׃
  • יש׳ 28:16 : 16 לכן כה אמר אדני יהוה הנני יסד בציון אבן אבן בחן פנת יקרת מוסד מוסד המאמין לא יחיש׃
  • יש׳ 40:1-9 : 1 ¶ נחמו נחמו עמי יאמר אלהיכם׃ 2 דברו על לב ירושלם וקראו אליה כי מלאה צבאה כי נרצה עונה כי לקחה מיד יהוה כפלים בכל חטאתיה׃ 3 קול קורא במדבר פנו דרך יהוה ישרו בערבה מסלה לאלהינו׃ 4 כל גיא ינשא וכל הר וגבעה ישפלו והיה העקב למישור והרכסים לבקעה׃ 5 ונגלה כבוד יהוה וראו כל בשר יחדו כי פי יהוה דבר׃ 6 קול אמר קרא ואמר מה אקרא כל הבשר חציר וכל חסדו כציץ השדה׃ 7 יבש חציר נבל ציץ כי רוח יהוה נשבה בו אכן חציר העם׃ 8 יבש חציר נבל ציץ ודבר אלהינו יקום לעולם׃ 9 על הר גבה עלי לך מבשרת ציון הרימי בכח קולך מבשרת ירושלם הרימי אל תיראי אמרי לערי יהודה הנה אלהיכם׃ 10 הנה אדני יהוה בחזק יבוא וזרעו משלה לו הנה שכרו אתו ופעלתו לפניו׃ 11 כרעה עדרו ירעה בזרעו יקבץ טלאים ובחיקו ישא עלות ינהל׃
  • יש׳ 42:1-4 : 1 ¶ הן עבדי אתמך בו בחירי רצתה נפשי נתתי רוחי עליו משפט לגוים יוציא׃ 2 לא יצעק ולא ישא ולא ישמיע בחוץ קולו׃ 3 קנה רצוץ לא ישבור ופשתה כהה לא יכבנה לאמת יוציא משפט׃ 4 לא יכהה ולא ירוץ עד ישים בארץ משפט ולתורתו איים ייחילו׃
  • יש׳ 49:1-8 : 1 ¶ שמעו איים אלי והקשיבו לאמים מרחוק יהוה מבטן קראני ממעי אמי הזכיר שמי׃ 2 וישם פי כחרב חדה בצל ידו החביאני וישימני לחץ ברור באשפתו הסתירני׃ 3 ויאמר לי עבדי אתה ישראל אשר בך אתפאר׃ 4 ואני אמרתי לריק יגעתי לתהו והבל כחי כליתי אכן משפטי את יהוה ופעלתי את אלהי׃ 5 ועתה אמר יהוה יצרי מבטן לעבד לו לשובב יעקב אליו וישראל לא יאסף ואכבד בעיני יהוה ואלהי היה עזי׃ 6 ויאמר נקל מהיותך לי עבד להקים את שבטי יעקב ונצירי ישראל להשיב ונתתיך לאור גוים להיות ישועתי עד קצה הארץ׃ 7 כה אמר יהוה גאל ישראל קדושו לבזה נפש למתעב גוי לעבד משלים מלכים יראו וקמו שרים וישתחוו למען יהוה אשר נאמן קדש ישראל ויבחרך׃ 8 כה אמר יהוה בעת רצון עניתיך וביום ישועה עזרתיך ואצרך ואתנך לברית עם להקים ארץ להנחיל נחלות שממות׃
  • יש׳ 50:2-6 : 2 מדוע באתי ואין איש קראתי ואין עונה הקצור קצרה ידי מפדות ואם אין בי כח להציל הן בגערתי אחריב ים אשים נהרות מדבר תבאש דגתם מאין מים ותמת בצמא׃ 3 אלביש שמים קדרות ושק אשים כסותם׃ 4 אדני יהוה נתן לי לשון למודים לדעת לעות את יעף דבר יעיר בבקר בבקר יעיר לי אזן לשמע כלמודים׃ 5 אדני יהוה פתח לי אזן ואנכי לא מריתי אחור לא נסוגתי׃ 6 גוי נתתי למכים ולחיי למרטים פני לא הסתרתי מכלמות ורק׃
  • יש׳ 52:13-53:12 : 13 הנה ישכיל עבדי ירום ונשא וגבה מאד׃ 14 כאשר שממו עליך רבים כן משחת מאיש מראהו ותארו מבני אדם׃ 15 כן יזה גוים רבים עליו יקפצו מלכים פיהם כי אשר לא ספר להם ראו ואשר לא שמעו התבוננו׃ 1 ¶ מי האמין לשמעתנו וזרוע יהוה על מי נגלתה׃ 2 ויעל כיונק לפניו וכשרש מארץ ציה לא תאר לו ולא הדר ונראהו ולא מראה ונחמדהו׃ 3 נבזה וחדל אישים איש מכאבות וידוע חלי וכמסתר פנים ממנו נבזה ולא חשבנהו׃ 4 אכן חלינו הוא נשא ומכאבינו סבלם ואנחנו חשבנהו נגוע מכה אלהים ומענה׃ 5 והוא מחלל מפשענו מדכא מעונתינו מוסר שלומנו עליו ובחברתו נרפא לנו׃ 6 כלנו כצאן תעינו איש לדרכו פנינו ויהוה הפגיע בו את עון כלנו׃ 7 נגש והוא נענה ולא יפתח פיו כשה לטבח יובל וכרחל לפני גזזיה נאלמה ולא יפתח פיו׃ 8 מעצר וממשפט לקח ואת דורו מי ישוחח כי נגזר מארץ חיים מפשע עמי נגע למו׃ 9 ויתן את רשעים קברו ואת עשיר במתיו על לא חמס עשה ולא מרמה בפיו׃ 10 ויהוה חפץ דכאו החלי אם תשים אשם נפשו יראה זרע יאריך ימים וחפץ יהוה בידו יצלח׃ 11 מעמל נפשו יראה ישבע בדעתו יצדיק צדיק עבדי לרבים ועונתם הוא יסבל׃ 12 לכן אחלק לו ברבים ואת עצומים יחלק שלל תחת אשר הערה למות נפשו ואת פשעים נמנה והוא חטא רבים נשא ולפשעים יפגיע׃
  • יש׳ 61:1-3 : 1 ¶ רוח אדני יהוה עלי יען משח יהוה אתי לבשר ענוים שלחני לחבש לנשברי לב לקרא לשבוים דרור ולאסורים פקח קוח׃ 2 לקרא שנת רצון ליהוה ויום נקם לאלהינו לנחם כל אבלים׃ 3 לשום לאבלי ציון לתת להם פאר תחת אפר שמן ששון תחת אבל מעטה תהלה תחת רוח כהה וקרא להם אילי הצדק מטע יהוה להתפאר׃
  • יר׳ 23:5 : 5 הנה ימים באים נאם יהוה והקמתי לדוד צמח צדיק ומלך מלך והשכיל ועשה משפט וצדקה בארץ׃
  • יר׳ 33:14 : 14 הנה ימים באים נאם יהוה והקמתי את הדבר הטוב אשר דברתי אל בית ישראל ועל בית יהודה׃
  • יח׳ 17:22 : 22 כה אמר אדני יהוה ולקחתי אני מצמרת הארז הרמה ונתתי מראש ינקותיו רך אקטף ושתלתי אני על הר גבה ותלול׃
  • יח׳ 34:23 : 23 והקמתי עליהם רעה אחד ורעה אתהן את עבדי דויד הוא ירעה אתם והוא יהיה להן לרעה׃
  • דנ׳ 2:44 : 44 וביומיהון די מלכיא אנון יקים אלה שמיא מלכו די לעלמין לא תתחבל ומלכותה לעם אחרן לא תשתבק תדק ותסיף כל אלין מלכותא והיא תקום לעלמיא׃
  • דנ׳ 7:13 : 13 חזה הוית בחזוי ליליא וארו עם ענני שמיא כבר אנש אתה הוה ועד עתיק יומיא מטה וקדמוהי הקרבוהי׃
  • דנ׳ 9:24-27 : 24 שבעים שבעים נחתך על עמך ועל עיר קדשך לכלא הפשע ולחתם חטאות ולכפר עון ולהביא צדק עלמים ולחתם חזון ונביא ולמשח קדש קדשים׃ 25 ותדע ותשכל מן מצא דבר להשיב ולבנות ירושלם עד משיח נגיד שבעים שבעה ושבעים ששים ושנים תשוב ונבנתה רחוב וחרוץ ובצוק העתים׃ 26 ואחרי השבעים ששים ושנים יכרת משיח ואין לו והעיר והקדש ישחית עם נגיד הבא וקצו בשטף ועד קץ מלחמה נחרצת שממות׃ 27 והגביר ברית לרבים שבוע אחד וחצי השבוע ישבית זבח ומנחה ועל כנף שקוצים משמם ועד כלה ונחרצה תתך על שמם׃
  • הוש׳ 1:7-9 : 7 ואת בית יהודה ארחם והושעתים ביהוה אלהיהם ולא אושיעם בקשת ובחרב ובמלחמה בסוסים ובפרשים׃ 8 ותגמל את לא רחמה ותהר ותלד בן׃ 9 ויאמר קרא שמו לא עמי כי אתם לא עמי ואנכי לא אהיה לכם׃ 10 והיה מספר בני ישראל כחול הים אשר לא ימד ולא יספר והיה במקום אשר יאמר להם לא עמי אתם יאמר להם בני אל חי׃ 11 ונקבצו בני יהודה ובני ישראל יחדו ושמו להם ראש אחד ועלו מן הארץ כי גדול יום יזרעאל׃
  • הוש׳ 3:5 : 5 אחר ישבו בני ישראל ובקשו את יהוה אלהיהם ואת דויד מלכם ופחדו אל יהוה ואל טובו באחרית הימים׃
  • יואל 2:28-32 : 28 והיה אחרי כן אשפוך את רוחי על כל בשר ונבאו בניכם ובנותיכם זקניכם חלמות יחלמון בחוריכם חזינות יראו׃ 29 וגם על העבדים ועל השפחות בימים ההמה אשפוך את רוחי׃ 30 ונתתי מופתים בשמים ובארץ דם ואש ותימרות עשן׃ 31 השמש יהפך לחשך והירח לדם לפני בוא יום יהוה הגדול והנורא׃ 32 והיה כל אשר יקרא בשם יהוה ימלט כי בהר ציון ובירושלם תהיה פליטה כאשר אמר יהוה ובשרידים אשר יהוה קרא׃
  • עמ׳ 9:11 : 11 ביום ההוא אקים את סכת דויד הנפלת וגדרתי את פרציהן והרסתיו אקים ובניתיה כימי עולם׃
  • מיכ׳ 5:1-4 : 1 ¶ עתה תתגדדי בת גדוד מצור שם עלינו בשבט יכו על הלחי את שפט ישראל׃ 2 ואתה בית לחם אפרתה צעיר להיות באלפי יהודה ממך לי יצא להיות מושל בישראל ומוצאתיו מקדם מימי עולם׃ 3 לכן יתנם עד עת יולדה ילדה ויתר אחיו ישובון על בני ישראל׃ 4 ועמד ורעה בעז יהוה בגאון שם יהוה אלהיו וישבו כי עתה יגדל עד אפסי ארץ׃
  • חג׳ 2:7-9 : 7 והרעשתי את כל הגוים ובאו חמדת כל הגוים ומלאתי את הבית הזה כבוד אמר יהוה צבאות׃ 8 לי הכסף ולי הזהב נאם יהוה צבאות׃ 9 גדול יהיה כבוד הבית הזה האחרון מן הראשון אמר יהוה צבאות ובמקום הזה אתן שלום נאם יהוה צבאות׃
  • יוח 16:4-5 : 4 אבל הגדתי לכם את אלה למען אשר בבא השעה תזכרום כי אנכי אמרתי אליכם וכאלה לא אמרתי אליכם מראש כי הייתי עמכם׃ 5 ועתה הלך אנכי אל שלחי ולא ישאלני איש מכם אנה תלך׃
  • יוח 16:16-17 : 16 הן מעט ולא תראוני ועוד מעט ותחזוני כי אני הלך אל אבי׃ 17 ומקצת תלמידיו נדברו איש אל אחיו לאמר מה זה אמר אלינו הן מעט ולא תראוני ועוד מעט ותחזוני ואמרו אני הלך אל אבי׃
  • יוח 17:11-13 : 11 ואני אינני עוד בעולם והם בעולם המה ואני בא אליך אבי הקדוש נצר בשמך את אשר נתתם לי למען יהיו אחד כמנו׃ 12 בהיותי עמהם בעולם אני נצרתי אתם בשמך את אשר נתתם לי שמרתי ולא אבד מהם איש זולתי בן האבדון למלאת דבר הכתוב׃ 13 ועתה הנני בא אליך ואלה אני מדבר בעולם למען תמלא להם שמחתי בקרבם׃
  • יוח 19:24-37 : 24 ויאמרו איש אל אחיו אל נא נקרעה לקרעים אך נפיל עליה גורל למי תהיה למלאת דבר הכתוב יחלקו בגדי להם ועל לבושי יפילו גורל ויעשו כן אנשי הצבא׃ 25 ועל יד צלב ישוע עמדו אמו ואחות אמו מרים אשת קלופס ומרים המגדלית׃ 26 וירא ישוע את אמו ואת תלמידו אשר אהב עמדים אצלו ויאמר אל אמו אשה הנה זה בנך׃ 27 ואחר אמר אל תלמידו הנה זאת אמך ומן השעה ההיא אסף אתה התלמיד אל ביתו׃ 28 ויהי מאחרי כן כאשר ידע ישוע כי עתה זה כלה הכל למען ימלא הכתוב כלו אמר צמאתי׃ 29 ושם כלי מלא חמץ ויטבלו ספוג בחמץ וישימהו על אזוב ויקריבהו אל פיו׃ 30 ויקח ישוע את החמץ ויאמר כלה ויט את ראשו ויפקד את רוחו׃ 31 ולמען לא תשארנה הגויות על הצלב ביום השבת כי ערב שבת היה וגדול יום השבת ההוא שאלו היהודים מן פילטוס לשבר את שוקיהם ולהוריד אתם׃ 32 ויבאו אנשי הצבא וישברו את שוקי הראשון והשני הנצלבים עמו׃ 33 ויבאו אל ישוע ובראתם כי כבר מת לא שברו את שוקיו׃ 34 אך אחד מאנשי הצבא דקר בחנית את צדו וכרגע יצא דם ומים׃ 35 והראה זאת העיד ועדותו נאמנה והוא יודע כי האמת יגיד למען גם אתם תאמינו׃ 36 כי כל זאת היתה למלאת הכתוב ועצם לא תשברו בו׃ 37 ועוד כתוב אחר אמר והביט אליו את אשר דקרו׃
  • מע״ש 3:18 : 18 והאלהים ככה מלא את אשר הגיד מקדם בפי כל נביאיו כי יענה המשיח׃
  • מע״ש 3:22-24 : 22 הן משה אמר אל אבותינו נביא יקים לכם יהוה אלהיכם מקרב אחיכם כמני אליו תשמעון ככל אשר ידבר אליכם׃ 23 והיה כל הנפש אשר לא תשמע אל הנביא ההוא ונכרתה מעמיה׃ 24 וגם כל הנביאים משמואל ואשר נבאו אחריו כלם הגידו מראש את הימים האלה׃
  • מע״ש 7:37 : 37 הוא משה אשר אמר אל בני ישראל נביא מקרב אחיכם כמני יקים לכם יהוה אלהיכם אליו תשמעון׃
  • מע״ש 13:29-31 : 29 וכאשר השלימו את כל הדברים הכתובים עליו הורידו אותו מן העץ ויניחהו בקבר׃ 30 אבל האלהים הקימו מן המתים׃ 31 וירא ימים רבים אל העלים אתו מן הגליל ירושלימה והמה עתה עדיו אל העם׃
  • מע״ש 17:2-3 : 2 ופולוס נכנס אליהם כמשפטו ושלש שבתות דבר עמהם בדברי הכתובים׃ 3 פתוח והוכח להם כי צריך היה אשר יענה המשיח ויקום מן המתים וכי זה הוא המשיח ישוע אשר אני מגיד לכם׃
  • קור״א 15:3-4 : 3 כי מסרתי לכם בראשונה את אשר גם קבלתי כי המשיח מת בעד חטאתינו כפי הכתובים׃ 4 וכי נקבר וכי הוקם ביום השלישי כפי הכתובים׃
  • עבר 3:5 : 5 והן משה נאמן בכל ביתו כעבד לעדות העמדות להאמר׃
  • עבר 7:1 : 1 ¶ כי זה מלכי צדק מלך שלם כהן לאל עליון אשר יצא לקראת אברהם בשובו מהכות את המלכים ויברכהו׃
  • עבר 9:8 : 8 ורוח הקדש מודיע בזאת כי לא נגלה הדרך אל הקדש כל הימים אשר המשכן החיצון יש לו לעמד׃
  • עבר 10:1 : 1 ¶ כי התורה בהיות בה צל הטבות העתידות ולא מראה עצם הדברים אין ביכלתה להשלים את הקרבים בקרבנות ההם אשר יקריבו תמיד מדי שנה בשנה׃
  • פט״א 1:11 : 11 בחקרם לדעת מתי ואיך תהיה העת אשר הודיעה רוח המשיח אשר בקרבם בהגידו מראש את ענויי המשיח ואת הגדלות אשר אחריהם׃
  • התגל׳ 19:10 : 10 ואפל לפני רגליו להשתחות לו ויאמר אלי ראה אל תעשה זאת עבד כמוך אנכי וחבר לך ולאחיך אשר להם עדות ישוע השתחוה לאלהים כי עדות ישוע היא רוח הנבואה׃
  • מתי 17:22-23 : 22 ויהי בהתהלכם בארץ הגליל ויאמר אליהם ישוע עתיד בן האדם להמסר בידי אנשים׃ 23 ויהרגהו וביום השלישי קום יקום ויתעצבו מאד׃
  • מתי 20:18-19 : 18 הננו עלים ירושלימה ובן האדם ימסר לראשי הכהנים ולסופרים והרשיעהו למות׃ 19 ומסרו אותו לגוים להתל בו ולהכות אותו בשוטים ולצלב אותו וביום השלישי קום יקום׃
  • מתי 26:54 : 54 ואיככה אפוא ימלאו הכתובים כי כן היה תהיה׃
  • מתי 26:56 : 56 וכל זאת היתה למלאת כתבי הנביאים אז עזבוהו התלמידים כלם וינוסו׃
  • מרק 8:31-32 : 31 ויחל ללמדם כי צריך בן האדם לענות הרבה וימאס על ידי הזקנים והכהנים הגדולים והסופרים ויומת ומקצה שלשת ימים קום יקום׃ 32 והוא בגלוי דבר את הדבר הזה ויקחהו פטרוס ויחל לגער בו׃
  • מרק 9:31 : 31 כי היה מלמד את תלמידיו לאמר אליהם כי עתיד בן האדם להמסר בידי בני אדם ויהרגהו ואחרי אשר נהרג יקום ביום השלישי׃
  • מרק 10:33-34 : 33 הנה אנחנו עלים ירושלימה ובן האדם ימסר לראשי הכהנים ולסופרים וירשיעהו למות וימסרו אתו לגוים׃ 34 ויהתלו בו ויכהו בשוטים וירקו בפניו וימיתהו וביום השלישי קום יקום׃
  • תה׳ 40:6-8 : 6 זבח ומנחה לא חפצת אזנים כרית לי עולה וחטאה לא שאלת׃ 7 אז אמרתי הנה באתי במגלת ספר כתוב עלי׃ 8 לעשות רצונך אלהי חפצתי ותורתך בתוך מעי׃
  • תה׳ 88:1-9 : 1 ¶ שיר מזמור לבני קרח למנצח על מחלת לענות משכיל להימן האזרחי יהוה אלהי ישועתי יום צעקתי בלילה נגדך׃ 2 תבוא לפניך תפלתי הטה אזנך לרנתי׃ 3 כי שבעה ברעות נפשי וחיי לשאול הגיעו׃ 4 נחשבתי עם יורדי בור הייתי כגבר אין איל׃ 5 במתים חפשי כמו חללים שכבי קבר אשר לא זכרתם עוד והמה מידך נגזרו׃ 6 שתני בבור תחתיות במחשכים במצלות׃ 7 עלי סמכה חמתך וכל משבריך ענית סלה׃ 8 הרחקת מידעי ממני שתני תועבות למו כלא ולא אצא׃ 9 עיני דאבה מני עני קראתיך יהוה בכל יום שטחתי אליך כפי׃ 10 הלמתים תעשה פלא אם רפאים יקומו יודוך סלה׃ 11 היספר בקבר חסדך אמונתך באבדון׃ 12 היודע בחשך פלאך וצדקתך בארץ נשיה׃ 13 ואני אליך יהוה שועתי ובבקר תפלתי תקדמך׃ 14 למה יהוה תזנח נפשי תסתיר פניך ממני׃ 15 עני אני וגוע מנער נשאתי אמיך אפונה׃ 16 עלי עברו חרוניך בעותיך צמתותני׃ 17 סבוני כמים כל היום הקיפו עלי יחד׃ 18 הרחקת ממני אהב ורע מידעי מחשך׃
  • תה׳ 109:4-9 : 4 תחת אהבתי ישטנוני ואני תפלה׃ 5 וישימו עלי רעה תחת טובה ושנאה תחת אהבתי׃ 6 הפקד עליו רשע ושטן יעמד על ימינו׃ 7 בהשפטו יצא רשע ותפלתו תהיה לחטאה׃ 8 יהיו ימיו מעטים פקדתו יקח אחר׃ 9 יהיו בניו יתומים ואשתו אלמנה׃ 10 ונוע ינועו בניו ושאלו ודרשו מחרבותיהם׃ 11 ינקש נושה לכל אשר לו ויבזו זרים יגיעו׃ 12 אל יהי לו משך חסד ואל יהי חונן ליתומיו׃ 13 יהי אחריתו להכרית בדור אחר ימח שמם׃ 14 יזכר עון אבתיו אל יהוה וחטאת אמו אל תמח׃ 15 יהיו נגד יהוה תמיד ויכרת מארץ זכרם׃ 16 יען אשר לא זכר עשות חסד וירדף איש עני ואביון ונכאה לבב למותת׃ 17 ויאהב קללה ותבואהו ולא חפץ בברכה ותרחק ממנו׃ 18 וילבש קללה כמדו ותבא כמים בקרבו וכשמן בעצמותיו׃ 19 תהי לו כבגד יעטה ולמזח תמיד יחגרה׃ 20 זאת פעלת שטני מאת יהוה והדברים רע על נפשי׃
  • לוק 18:31-34 : 31 ויקח אליו את שנים העשר ויאמר להם הננו עלים ירושלימה וימלא כל הכתוב בידי הנביאים על בן האדם׃ 32 כי ימסר לגוים ויהתלו בו ויתעללו בו וירקו בפניו׃ 33 ואחרי הכותם אתו בשוטים ימיתוהו וביום השלישי קום יקום׃ 34 והם לא הבינו מאומה ויהי הדבר הזה נעלם מהם ולא ידעו את הנאמר׃
  • לוק 21:22 : 22 כי ימי נקם המה למלאת כל הכתוב׃
  • לוק 22:37 : 37 כי אמר אני לכם אשר צריך עוד להתמלא בי הכתוב הזה ואת פשעים נמנה כי כל הכתוב עלי בא עד קצו׃
  • לוק 24:6-7 : 6 איננו פה כי קם זכרנה את אשר דבר אליכן בעוד היותו בגליל לאמר׃ 7 כי צריך בן האדם להמסר לידי אנשים חטאים ולהצלב וביום השלישי קום יקום׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • לוק 24:25-28
    4 פסוקים
    83%

    25ויאמר אליהם הוי חסרי דעת וכבדי לב מהאמין בכל אשר דברו הנביאים׃

    26הלא על המשיח היה לסבל את כל זאת ולבוא אל כבודו׃

    27ויחל ממשה ומכל הנביאים ויבאר להם את כל הכתובים הנאמרים עליו׃

    28ויקרבו אל הכפר אשר הם הלכים שמה וישם פניו כהלך לו לדרכו׃

  • לוק 24:45-48
    4 פסוקים
    78%

    45אז פתח את לבבם להבין את הכתובים׃

    46ויאמר אליהם כן כתוב וכן נגזר אשר יענה המשיח ויקום מן המתים ביום השלישי׃

    47ואשר תקרא בשמו תשובה וסליחת החטאים בכל הגוים החל מירושלים׃

    48ואתם עדים בזאת׃

  • לוק 22:37
    77%

    37כי אמר אני לכם אשר צריך עוד להתמלא בי הכתוב הזה ואת פשעים נמנה כי כל הכתוב עלי בא עד קצו׃

  • לוק 24:17-20
    4 פסוקים
    75%

    17ויאמר אליהם מה המה הדברים האלה אשר אתם נשאים ונתנים בהם יחדו בדרך ופניכם זעפים׃

    18ויען האחד אשר שמו קליופס ויאמר אליו האתה לבדך גר בירושלים ואינך ידע את הקרת בה בימים האלה׃

    19ויאמר אליהם ומה המה ויגידו אליו מעשה ישוע הנצרי אשר היה איש נביא גבור בפעל ובאמר לפני האלהים ולפני כל העם׃

    20ואת אשר כהנינו הגדולים וזקנינו הסגירהו למשפט מות ויצלבהו׃

  • לוק 24:43
    74%

    43ויקח ויאכל לעיניהם׃

  • מתי 21:4
    73%

    4וכל זאת היתה למלאת הנאמר ביד הנביא לאמר׃

  • מתי 26:54
    72%

    54ואיככה אפוא ימלאו הכתובים כי כן היה תהיה׃

  • מרק 14:49
    72%

    49ויום יום הייתי אצלכם מלמד במקדש ולא החזקתם בי אבל למען ימלאו הכתובים׃

  • מע״ש 3:18
    72%

    18והאלהים ככה מלא את אשר הגיד מקדם בפי כל נביאיו כי יענה המשיח׃

  • לוק 18:31
    72%

    31ויקח אליו את שנים העשר ויאמר להם הננו עלים ירושלימה וימלא כל הכתוב בידי הנביאים על בן האדם׃

  • לוק 24:14-15
    2 פסוקים
    71%

    14והם נדברו איש אל רעהו על כל הקרות האלה׃

    15ויהי בדברם ובהתוכחם יחד ויגש ישוע אף הוא וילך אתם׃

  • יוח 14:25
    71%

    25את אלה דברתי אליכם בעוד היותי עמכם׃

  • לוק 24:35-36
    2 פסוקים
    71%

    35ויספרו גם הם את אשר נעשה להם בדרך ואיך הכירהו בבציעת הלחם׃

    36עודם מדברים כדברים האלה והוא ישוע עמד בתוכם ויאמר אליהם שלום לכם׃

  • לוק 24:7-8
    2 פסוקים
    71%

    7כי צריך בן האדם להמסר לידי אנשים חטאים ולהצלב וביום השלישי קום יקום׃

    8ותזכרנה את דבריו׃

  • מתי 26:1
    71%

    1¶ ויהי ככלות ישוע לדבר את כל הדברים האלה ויאמר אל תלמידיו׃

  • לוק 24:40
    70%

    40ואחרי אמרו את זאת הראה אתם את ידיו ואת רגליו׃

  • לוק 24:30-32
    3 פסוקים
    70%

    30ויהי כאשר הסב עמהם ויקח את הלחם ויברך ויבצע ויתן להם׃

    31ותפקחנה עיניהם ויכירהו והוא חמק עבר מעיניהם׃

    32ויאמרו איש אל רעהו הלא היה בער לבבנו בקרבנו בדברו אלינו בדרך ויפתח לנו את הכתובים׃

  • לוק 4:21
    69%

    21ויחל ויאמר אליהם היום נתמלא הכתוב הזה באזניכם׃

  • מע״ש 3:24
    69%

    24וגם כל הנביאים משמואל ואשר נבאו אחריו כלם הגידו מראש את הימים האלה׃

  • מתי 12:17
    69%

    17למלאת את אשר דבר ישעיהו הנביא לאמר׃

  • מע״ש 1:16
    69%

    16אנשים אחים מן הצרך היה כי ימלא הכתוב ההוא אשר דבר מקדם רוח הקדש בפי דוד על יהודה אשר היה מוליך את תפשי ישוע׃

  • לוק 22:15-16
    2 פסוקים
    69%

    15ויאמר אליהם נכסף נכספתי לאכל אתכם את הפסח הזה לפני ענותי׃

    16כי אמר אני לכם אינני אכל אותו עוד עד כי ימלא במלכות האלהים׃

  • יוח 5:39
    69%

    39דרשו בכתובים אשר תחשבו שיש לכם חיי עולמים בהם והמה המעידים עלי׃

  • מתי 24:34
    69%

    34אמן אמר אני לכם כי לא יעבר הדור הזה עד אשר יהיו כל אלה׃

  • לוק 4:17
    68%

    17ויתן לו ספר ישעיה הנביא ויפתח את הספר וימצא את המקום אשר היה כתוב בו׃

  • יוח 13:19
    68%

    19מעתה אני אמר לכם בטרם היותה למען בבואה תאמינו כי אני הוא׃

  • מרק 15:28
    68%

    28וימלא הכתוב האמר ואת פשעים נמנה׃

  • מע״ש 13:29
    67%

    29וכאשר השלימו את כל הדברים הכתובים עליו הורידו אותו מן העץ ויניחהו בקבר׃

  • יוח 12:16
    67%

    16וכל זאת לא הבינו תלמידיו בראשונה אך אחרי אשר נתפאר ישוע זכרו כי כן כתוב עליו וכי זאת עשו לו׃

  • מתי 26:56
    67%

    56וכל זאת היתה למלאת כתבי הנביאים אז עזבוהו התלמידים כלם וינוסו׃

  • יוח 19:36
    67%

    36כי כל זאת היתה למלאת הכתוב ועצם לא תשברו בו׃

  • יוח 16:4
    67%

    4אבל הגדתי לכם את אלה למען אשר בבא השעה תזכרום כי אנכי אמרתי אליכם וכאלה לא אמרתי אליכם מראש כי הייתי עמכם׃

  • מתי 13:35
    67%

    35למלאת את אשר דבר הנביא לאמר אפתחה במשל פי אביעה חידות מני קדם׃

  • מתי 4:14
    67%

    14למלאת הנאמר על פי ישעיהו הנביא לאמר׃

  • יוח 15:25
    67%

    25אך למלאת דבר הכתוב בתורתם שנאת חנם שנאוני׃