מרקוס 5:16

תנ ך עברי מודרני

ויספרו להם הראים את אשר נעשה לאחוז השדים ואת דבר החזירים׃

משאבים נוספים

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • מרק 5:7-15
    9 פסוקים
    91%

    7ויצעק בקול גדול ויאמר מה לי ולך ישוע בן אל עליון באלהים אני משביעך אשר לא תענני׃

    8כי הוא אמר אליו צא רוח טמא מן האדם הזה׃

    9וישאל אתו מה שמך ויען ויאמר לגיון שמי כי רבים אנחנו׃

    10ויתחנן אליו מאד לבלתי שלחם אל מחוץ לארץ׃

    11ועדר חזירים רבים היה שם במרעה ההרים׃

    12ויתחננו לו כל השדים לאמר שלחנו אל החזירים ונבאה אל תוכם׃

    13וינח להם ויצאו רוחות הטמאה ויבאו בחזירים וישתער העדר מן המורד אל הים כאלפים במספר ויטבעו בים׃

    14וינוסו רעי החזירים ויגידו זאת בעיר ובשדות ויצאו לראות מה נהיתה׃

    15ויבאו אל ישוע ויראו את אחוז השדים אשר הלגיון בו והוא יושב מלבש וטוב שכל וייראו׃

  • לוק 8:26-39
    14 פסוקים
    86%

    26ויעברו ויבאו אל ארץ הגדריים אשר ממול הגליל׃

    27ויצא אל היבשה ויפגשהו איש מן העיר אשר שדים בו מימים רבים ובגד לא לבש ובבית לא ישב כי אם בקברים׃

    28וירא את ישוע ויפל לפניו ויקרא בקול גדול מה לי ולך ישוע בן אל עליון מבקש אני ממך אשר לא תענני׃

    29כי צוה את הרוח הטמא לצאת מן האיש כי ימים רבים חטף אתו ונאסר בזיקים ונשמר בכבלים והיה בנתקו את המוסרות ונדחף ביד השד אל המדברות׃

    30וישאל אתו ישוע לאמר מה שמך ויאמר לגיון שמי כי שדים רבים נכנסו בו׃

    31ויתחנן לו לבלתי צות אתם לרדת אל התהום׃

    32ויהי שם עדר חזירים רבים על המרעה בהר ויתחננו לו כי יניח להם לבוא אל תוכם וינח להם׃

    33ויצאו השדים מן האדם ההוא ויבאו בחזירים וישתער העדר מן המורד אל הים ויטבע׃

    34וינוסו הרעים כראותם את אשר נעשה ויגידו הדבר בעיר ובכפרים׃

    35ויצאו לראת את אשר נעשה ויבאו אל ישוע וימצאו שם את האדם אשר יצאו ממנו השדים ישב לרגלי ישוע מלבש וטוב שכל וייראו׃

    36ויספרו להם הראים איך נרפא אחוז השדים׃

    37ויבקשו ממנו כל המון חבל הגדריים ללכת מאתם כי אימה גדולה נפלה עליהם וירד אל האניה וישב׃

    38ויבקש ממנו האיש אשר יצאו ממנו השדים לשבת אתו וישלח אתו ישוע באמרו׃

    39שוב לביתך וספר הגדלות אשר עשה לך האלהים וילך לו וישמע בכל העיר את הגדלות אשר עשה לו ישוע׃

  • מתי 8:28-34
    7 פסוקים
    85%

    28ויהי כבאו אל עבר הים אל ארץ הגרגשים ויפגשוהו שני אנשים אחוזי שדים יצאים מבתי הקברות והמה רגונים מאד עד אשר לא יכל איש לעבר בדרך ההוא׃

    29והנה הם צעקים לאמר מה לנו ולך ישוע בן האלהים הבאת הלם לענותנו בלא עתנו׃

    30ועדר חזירים רבים היה שם במרעה הרחק מהם׃

    31ויתחננו אליו השדים לאמר אם תגרשנו שלחנו בעדר החזירים׃

    32ויאמר אליהם לכו לכם ויצאו ויבאו בעדר החזירים והנה השתער כל עדר החזירים מן המורד על הים וימותו במים׃

    33וינוסו הרעים ויבאו העירה ויגידו את הכל ואת אשר נעשה לאחוזי השדים׃

    34והנה כל העיר יצאה לקראת ישוע וכראותם אתו ויבקשו ממנו לעבר מגבולם׃

  • מרק 5:17-20
    4 פסוקים
    84%

    17ויחלו להתחנן לו לסור מגבוליהם׃

    18ויהי ברדתו אל האניה התחנן אליו האיש אשר היה אחוז שדים לתתו לשבת עמו׃

    19ולא הניח לו כי אם אמר אליו שוב לביתך אל בני משפחתך והגד להם את הגדלות אשר עשה לך יהוה ויחנך׃

    20וילך לו ויחל לקרא בעשר הערים את הגדלות אשר עשה לו ישוע ויתמהו כלם׃

  • מרק 5:1-4
    4 פסוקים
    77%

    1¶ ויבאו אל עבר הים אל ארץ הגדרים׃

    2והוא יצא מן האניה והנה איש בא לקראתו מבין הקברים אשר רוח טמאה בו׃

    3ומושבו בקברים וגם בעבתים לא יכל איש לאסרו׃

    4כי פעמים הרבה אסרוהו בכבלים ובעבתים וינתק את העבתים וישבר את הכבלים ואין איש יכל לכבשו׃

  • מרק 9:20
    76%

    20ויביאהו לפניו ויהי כאשר ראהו הרוח וירוצצנו פתאם ויפל ארצה ויתגולל ויורד רירו׃

  • מתי 9:32
    75%

    32המה יצאו והנה הביאו אליו איש אלם אחוז שד׃

  • מרק 1:23
    75%

    23ואיש היה בבית כנסתם אשר רוח טמאה בו ויצעק לאמר׃

  • מרק 1:26
    74%

    26ויסחבהו רוח הטמאה ויצעק בקול גדול ויצא ממנו׃

  • מרק 1:34
    74%

    34וירפא רבים אשר היו חולים חליים שונים ויגרש שדים הרבה ולא נתן את השדים לדבר כי ידעהו׃

  • לוק 4:33
    73%

    33ואיש היה בבית הכנסת ובו רוח שד טמא ויצעק בקול גדול לאמר׃

  • מרק 1:32
    73%

    32ויהי בערב כבוא השמש ויביאו אליו את כל החולים ואת אחוזי השדים׃

  • מרק 3:11
    73%

    11והרוחות הטמאות כראותן אתו נפלו לפניו ותצעקנה לאמר אתה הוא בן אלהים׃

  • מתי 12:22
    73%

    22אז הובא אליו איש עור ואלם אשר אחזו שד וירפאהו וידבר האלם וגם ראה׃

  • לוק 6:18
    73%

    18וגם הנלחצים ברוחות טמאות וירפאו׃

  • לוק 11:14
    72%

    14ויהי היום ויגרש שד והוא אלם ויהי אחרי צאת השד וידבר האלם ויתמהו העם׃

  • לוק 5:26
    72%

    26ושמה החזיקה את כלם ויברכו את האלהים וימלאו יראה ויאמרו כי נפלאות ראינו היום׃