מרקוס 8:2

תנ ך עברי מודרני

נכמרו רחמי על העם כי זה שלשת ימים עמדו עמדי ואין להם לחם לאכל׃

משאבים נוספים

פסוקים מקושרים

  • מתי 9:36 : 36 ובראותו את ההמנים נכמרו רחמיו עליהם כי הם מתעלפים ונדחים כצאן אשר אין להם רעה׃
  • תה׳ 145:15 : 15 עיני כל אליך ישברו ואתה נותן להם את אכלם בעתו׃
  • מיכ׳ 7:19 : 19 ישוב ירחמנו יכבש עונתינו ותשליך במצלות ים כל חטאותם׃
  • מתי 4:2-4 : 2 ויהי אחרי צומו ארבעים יום וארבעים לילה וירעב׃ 3 ויגש אליו המנסה ויאמר אם בן האלהים אתה אמר לאבנים האלה ותהיין ללחם׃ 4 ויען ויאמר הן כתוב לא על הלחם לבדו יחיה האדם כי על כל מוצא פי יי׃
  • מתי 6:32-33 : 32 כי את כל אלה מבקשים הגוים הלא ידע אביכם אשר בשמים כי אתם צריכים לכל אלה׃ 33 אך בקשו בראשונה את מלכות אלהים ואת צדקתו ונוסף לכם כל אלה׃
  • מרק 6:34 : 34 ויצא וירא המון עם רב ויהמו מעיו עליהם כי היו כצאן אשר אין להם רעה ויחל ללמד אותם דברים הרבה׃
  • מרק 9:22 : 22 ופעמים רבות הפיל אתו גם באש גם במים להאבידו אך אם יכל תוכל רחם עלינו ועזרנו׃
  • לוק 7:13 : 13 וכראות אתה האדון נכמרו רחמיו עליה ויאמר לה אל תבכי׃
  • לוק 15:20 : 20 ויקם ויבא אל אביו עודנו מרחוק ואביו ראהו ויהמו מעיו וירץ ויפל על צואריו וישקהו׃
  • יוח 4:6-8 : 6 ושם באר יעקב וישוע היה עיף מן הדרך וישב לו על הבאר והעת כשעה הששית׃ 7 ותבא אשה משמרון לשאב מים ויאמר אליה ישוע תני נא לי לשתות׃ 8 כי תלמידיו הלכו העירה לקנות אכל׃
  • יוח 4:30-34 : 30 ויצאו מן העיר ויבאו אליו׃ 31 טרם יבאו ותלמידיו בקשו ממנו לאמר אכל נא אדני׃ 32 ויאמר אליהם יש לי אכל לאכל אשר אתם לא ידעתם׃ 33 ויאמרו התלמידים איש אל רעהו הכי הביא לו איש לאכל׃ 34 ויאמר אליהם ישוע מאכלי הוא לעשות רצון שלחי ולהשלים מעשהו׃
  • עבר 2:17 : 17 על כן היה עליו להדמות לאחיו בכל דבר למען אשר יהיה כהן גדול רחמן ונאמן בעניני אלהים לכפר על חטאת העם׃
  • עבר 4:15 : 15 כי אין לנו כהן גדול אשר לא יוכל להצטער על חליינו כי אם המנסה בכל כמונו אך בלי חטא׃
  • עבר 5:2 : 2 והוא יכול לחמל על השגגים והתעים בהיותו גם הוא ידוע חלי׃
  • מתי 14:14 : 14 ויצא ישוע וירא המון עם רב ויהמו מעיו עליהם וירפא את החלשים אשר בהם׃
  • מתי 20:34 : 34 ורחמי ישוע נכמרו ויגע בעיניהם ופתאם החלו עיניהם לראות וילכו אחריו׃
  • מרק 1:41 : 41 וירחם עליו וישלח את ידו ויגע בו ויאמר רצה אנכי טהר׃
  • מרק 5:19 : 19 ולא הניח לו כי אם אמר אליו שוב לביתך אל בני משפחתך והגד להם את הגדלות אשר עשה לך יהוה ויחנך׃
  • תה׳ 103:13 : 13 כרחם אב על בנים רחם יהוה על יראיו׃
  • תה׳ 145:8 : 8 חנון ורחום יהוה ארך אפים וגדל חסד׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • מתי 15:32-38
    7 פסוקים
    91%

    32ויקרא ישוע אל תלמידיו ויאמר נכמרו רחמי על העם כי זה שלשת ימים עמדו עמדי ואין להם מה לאכל ואינני אבה לשלחם רעבים פן יתעלפו בדרך׃

    33ויאמרו אליו התלמידים מאין לנו די לחם במדבר להשביע את ההמון הגדול הזה׃

    34ויאמר ישוע אליהם כמה ככרות לחם לכם ויאמרו שבע ומעט דגים קטנים׃

    35ויצו את המון העם לשבת לארץ׃

    36ויקח את שבע ככרות הלחם ואת הדגים ויברך ויפרס ויתן אל התלמידים והתלמידים נתנו לעם׃

    37ויאכלו כלם וישבעו וישאו מן הפתותים הנותרים שבעה דודים מלאים׃

    38והאכלים היו ארבעת אלפי איש מלבד הנשים והטף׃

  • מרק 8:1
    89%

    1¶ ויהי בימים ההם בהקבץ עם רב ואין להם מה יאכלו ויקרא אל תלמידיו ויאמר אליהם׃

  • מרק 8:3-9
    7 פסוקים
    86%

    3והיה בשלחי אותם רעבים לבתיהם יתעלפו בדרך כי יש מהם אשר באו ממרחק׃

    4ויענו אתו תלמידיו מאין יוכל איש להשביע את אלה פה במדבר לחם׃

    5וישאל אותם כמה ככרות לחם יש לכם ויאמרו שבע׃

    6ויצו את העם לשבת לארץ ויקח את שבע ככרות הלחם ויברך ויפרס ויתן אותם לתלמידיו לשום לפניהם וישימו לפני העם׃

    7ויהי להם מעט דגים קטנים ויברך ויאמר לשום לפניהם גם את אלה׃

    8ויאכלו וישבעו וישאו מן הפתותים הנותרים שבעת דודים׃

    9והאכלים היו כארבעת אלפי איש וישלחם׃

  • מרק 6:34-38
    5 פסוקים
    80%

    34ויצא וירא המון עם רב ויהמו מעיו עליהם כי היו כצאן אשר אין להם רעה ויחל ללמד אותם דברים הרבה׃

    35ויהי כאשר רפה היום לערוב ויגשו אליו תלמידיו לאמר הנה המקום חרב והיום רד מאד׃

    36שלח אותם וילכו אל החצרים והכפרים מסביב לקנות להם לחם כי אין להם מה לאכל׃

    37ויען ויאמר אליהם תנו אתם להם לאכלה ויאמרו אליו הנלך לקנות לחם במאתים דינר ונתן להם לאכלה׃

    38ויאמר אליהם כמה ככרות לחם יש לכם לכו וראו וידעו ויאמרו חמש ושני דגים׃

  • לוק 9:12-13
    2 פסוקים
    79%

    12והיום רפה לערב ושנים העשר קרבו ויאמרו אליו שלח נא את העם וילכו אל הכפרים והחצרים אשר סביבותינו ללון שם ולמצא מזון כי פה אנחנו במקום חרבה׃

    13ויאמר אליהם תנו אתם להם לאכל ויאמרו אין לנו כי אם חמשת ככרות לחם ודגים שנים בלתי אם נלך ונקנה אכל לכל העם הזה׃

  • מתי 9:36
    78%

    36ובראותו את ההמנים נכמרו רחמיו עליהם כי הם מתעלפים ונדחים כצאן אשר אין להם רעה׃

  • מתי 14:14-21
    8 פסוקים
    77%

    14ויצא ישוע וירא המון עם רב ויהמו מעיו עליהם וירפא את החלשים אשר בהם׃

    15ויהי לפנות ערב ויגשו אליו תלמידיו ויאמרו המקום חרב וגם נטה היום שלחה את המון העם וילכו אל הכפרים לקנות להם אכל׃

    16ויאמר אליהם אינם צריכים ללכת תנו אתם להם לאכל׃

    17ויאמרו אליו אין לנו פה כי אם חמשת ככרות לחם ושני דגים׃

    18ויאמר הביאום אלי הלם׃

    19ויצו את העם לשבת על הדשא ויקח את חמשת ככרות הלחם ואת שני הדגים וישא עיניו השמימה ויברך ויפרס ויתן את הלחם לתלמידים והתלמידים נתנו לעם׃

    20ויאכלו כלם וישבעו וישאו מן הפתותים הנותרים שנים עשר סלים מלאים׃

    21והאכלים היו כחמשת אלפי איש מלבד הנשים והטף׃

  • יוח 6:5
    74%

    5וישא ישוע את עיניו וירא עם רב בא אליו ויאמר אל פילפוס מאין נקנה להם לחם לאכל׃

  • לוק 9:17
    74%

    17ויאכלו כלם וישבעו וישאו מן הפתותים הנותרים להם שנים עשר סלים׃

  • מרק 3:20
    74%

    20ויבאו הביתה וישב המון העם להתאסף עד כי לא יכלו אף לאכל לחם׃

  • מרק 6:31
    73%

    31ויאמר אליהם באו אתם לבדד אל מקום חרבה ונוחו מעט כי רבים היו הבאים והיצאים עד לאין עת להם לאכול׃

  • מתי 16:8-10
    3 פסוקים
    72%

    8וידע ישוע ויאמר אליהם קטני האמונה מה תחשבו בלבבכם כי לא לקחתם אתכם לחם׃

    9העוד לא תשכילו ולא תזכרו את חמשת ככרות הלחם לחמשת אלפי איש וכמה סלים נשאתם׃

    10ואת שבע ככרות לחם לארבעת אלפי איש וכמה דודים נשאתם׃

  • מרק 6:44
    72%

    44והאכלים מן הלחם היו כחמשת אלפי איש׃

  • יוח 6:9
    72%

    9יש פה נער אשר לו חמש ככרות לחם שערים ושני דגים אך אלה מה המה לעם רב כזה׃

  • יוח 4:33
    72%

    33ויאמרו התלמידים איש אל רעהו הכי הביא לו איש לאכל׃

  • מרק 8:19-20
    2 פסוקים
    72%

    19כאשר פרסתי את חמשת ככרות הלחם לחמשת אלפי איש כמה סלים מלאי פתותים נשאתם ויאמרו אליו שנים עשר׃

    20ובשבע לארבעת אלפי איש כמה דודים מלאי פתותים נשאתם ויאמרו אליו שבעה׃

  • מרק 8:16
    72%

    16ויחשבו ויאמרו איש אל רעהו על כי לחם אין אתנו׃

  • לוק 6:3
    72%

    3ויען ישוע ויאמר אליהם הלא קראתם את אשר עשה דוד בהיותו רעב הוא ואשר היו אתו׃

  • יוח 6:11-12
    2 פסוקים
    72%

    11ויקח ישוע את ככרות הלחם ויברך ויתן לתלמידיו והתלמידים אל המסבים וככה גם מן הדגים כאות נפשם׃

    12ויהי כאשר שבעו ויאמר אל תלמידיו אספו את פתותי לחם הנותרים למען לא יאבד מאומה׃

  • יוח 21:5
    72%

    5ויאמר אליהם ישוע בני היש לכם אכל מאומה ויענו אתו אין׃

  • מרק 6:42
    72%

    42ויאכלו כלם וישבעו׃

  • מרק 3:9
    71%

    9ויאמר אל תלמידיו כי יכינו לו אניה קטנה מפני העם למען לא ילחצוהו׃