מתי 21:38

תנ ך עברי מודרני

ויהי כראות הכרמים את הבן ויאמרו איש אל אחיו זה הוא היורש לכו ונהרגהו ונאחזה בנחלתו׃

משאבים נוספים

פסוקים מקושרים

  • בר׳ 37:18-20 : 18 ויראו אתו מרחק ובטרם יקרב אליהם ויתנכלו אתו להמיתו׃ 19 ויאמרו איש אל אחיו הנה בעל החלמות הלזה בא׃ 20 ועתה לכו ונהרגהו ונשלכהו באחד הברות ואמרנו חיה רעה אכלתהו ונראה מה יהיו חלמתיו׃
  • תה׳ 2:2-8 : 2 יתיצבו מלכי ארץ ורוזנים נוסדו יחד על יהוה ועל משיחו׃ 3 ננתקה את מוסרותימו ונשליכה ממנו עבתימו׃ 4 יושב בשמים ישחק אדני ילעג למו׃ 5 אז ידבר אלימו באפו ובחרונו יבהלמו׃ 6 ואני נסכתי מלכי על ציון הר קדשי׃ 7 אספרה אל חק יהוה אמר אלי בני אתה אני היום ילדתיך׃ 8 שאל ממני ואתנה גוים נחלתך ואחזתך אפסי ארץ׃
  • מתי 2:13-16 : 13 הם הלכו משם והנה מלאך יהוה נראה אל יוסף בחלום לאמר קום קח את הילד ואת אמו וברח לך מצרימה והיה שם עד אשר אמר אליך כי הורדוס צדה את הילד לאבדו׃ 14 ויקם ויקח את הילד ואת אמו בלילה ויברח מצרימה׃ 15 ויהי שם עד מות הורדוס למלאת את אשר דבר יהוה ביד הנביא לאמר ממצרים קראתי לבני׃ 16 וירא הורדוס כי התלו בו המגושים ויקצף מאד וישלח וימת את כל הילדים אשר בבית לחם ובכל גבוליה מבן שנתים ולמטה כפי העת אשר חקרה מפי המגושים׃
  • מתי 26:3-4 : 3 ויקהלו הכהנים הגדולים והסופרים וזקני העם אל חצר הכהן הגדול הנקרא קיפא׃ 4 ויועצו יחדו לתפש את ישוע בערמה ולהמיתו׃
  • מתי 27:1-2 : 1 ¶ ויהי לפנות הבקר ויתיעצו כל ראשי הכהנים וזקני העם על ישוע להמיתו׃ 2 ויאסרו אתו ויוליכהו משם וימסרהו אל פונטיוס פילטוס ההגמון׃
  • מרק 12:7-8 : 7 והכרמים ההם אמרו איש אל רעהו הנה זה הוא היורש לכו ונהרגהו ולנו תהיה הירשה׃ 8 ויחזיקו בו ויהרגו אותו וישליכהו אל מחוץ לכרם׃
  • לוק 20:14 : 14 וכראות אתו הכרמים נועצו יחדו לאמר זה הוא היורש לכו ונהרגהו ותהי לנו הירשה׃
  • יוח 11:47-53 : 47 אז יקהילו הכהנים הגדולים והפרושים את הסנהדרין ויאמרו מה נעשה כי האיש הלזה עשה אתות הרבה׃ 48 אם נניח לו לעשות כלם יאמינו בו ובאו הרומיים ולקחו גם את אדמתנו וגם את עמנו׃ 49 ואחד מהם קיפא שמו והוא כהן גדול בשנה ההיא אמר אליהם הן לא תדעו מאומה׃ 50 אף לא תתבוננו כי טוב לנו מות איש אחד בעד הגוי מאבד העם כלו׃ 51 וזאת לא דבר מלבו כי אם בהיותו כהן גדול בשנה ההיא נבא כי ישוע ימות בעד העם׃ 52 ולא בעד העם לבד כי אם לקבץ גם את בני אלהים המפזרים והיו לאחדים׃ 53 ויועצו יחדו להמיתו מהיום ההוא והלאה׃
  • מע״ש 4:27-28 : 27 כי אמנם נוסדו הורדוס ופנטיוס פילטוס עם הגוים ולאמי ישראל על ישוע עבדך הקדוש אשר משחת׃ 28 לעשות את אשר ידך ועצתך מקדם גזרה להיות׃
  • מע״ש 5:24-28 : 24 ויהי כשמע הכהן ונגיד המקדש וראשי הכהנים את הדברים האלה ויבהלו עליהם ויאמרו איך יפל הדבר הזה׃ 25 ואיש אחד בא ויגד להם לאמר הנה האנשים אשר שמתם במשמר עמדים הם במקדש ומלמדים את העם׃ 26 וילך שמה הנגיד עם משרתיו ויקחם אך לא בחזקה כי יראו מפני העם פן יסקלו׃ 27 ויביאו אתם ויעמידום לפני הסנהדרין וישאלם הכהן הגדול לאמר׃ 28 הלא צוה צוינו עליכם לבלתי למד בשם הזה והנה מלאתם את ירושלים תורתכם ותחפצו להביא עלינו את דמי האיש הזה׃
  • עבר 1:2 : 2 אשר נתנו ליורש כל וגם עשה בידו את העולמות׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • לוק 20:9-17
    9 פסוקים
    93%

    9ויחל לדבר אל העם את המשל הזה איש אחד נטע כרם ויתן אתו אל כרמים וילך בדרך מרחוק לימים רבים׃

    10ולמועד שלח עבד אל הכרמים לתת לו מפרי הכרם והכרמים הכהו וישלחהו ריקם׃

    11ויסף שלח עבד אחר ויכו גם אתו ויחרפהו וישלחהו ריקם׃

    12ויסף לשלח שלישי וגם אתו פצעו ויגרשהו וידחפהו חוצה׃

    13ויאמר בעל הכרם מה אעשה אשלחה את בני את ידידי כראותם אותו אולי יגורו מפניו׃

    14וכראות אתו הכרמים נועצו יחדו לאמר זה הוא היורש לכו ונהרגהו ותהי לנו הירשה׃

    15ויגרשו אותו אל מחוץ לכרם ויהרגהו ועתה מה יעשה להם בעל הכרם׃

    16יבוא ויאבד את הכרמים האלה ויתן את הכרם לאחרים ויהי כשמעם ויאמרו חלילה מהיות כזאת׃

    17ויבט בם ויאמר ומה הוא זה הכתוב אבן מאסו הבונים היתה לראש פנה׃

  • מרק 12:1-9
    9 פסוקים
    92%

    1¶ ויחל לדבר אליהם במשלים לאמר איש נטע כרם ויעש גדר סביבותיו ויחצב יקב ויבן מגדל ויתנהו אל כרמים וילך למרחקים׃

    2ולמועד שלח אל הכרמים עבד לקחת מאת הכרמים מפרי הכרם׃

    3ויחזיקו בו ויכהו וישלחהו ריקם׃

    4ויסף לשלח אליהם עבד אחר ואתו סקלו באבנים ומחקו ראשו וישלחהו נכלם׃

    5ויסף וישלח אחר וגם אתו הרגו וכן עשו ברבים אחרים מהם הכו ומהם הרגו׃

    6ויהי לו עוד בן יחיד אשר אהבו וישלח גם אתו אליהם באחרנה לאמר מפני בני יגורו׃

    7והכרמים ההם אמרו איש אל רעהו הנה זה הוא היורש לכו ונהרגהו ולנו תהיה הירשה׃

    8ויחזיקו בו ויהרגו אותו וישליכהו אל מחוץ לכרם׃

    9ועתה מה יעשה בעל הכרם יבוא ויאבד את הכרמים ההם ויתן את הכרם לאחרים׃

  • מתי 21:39-43
    5 פסוקים
    90%

    39ויחזיקו בו וידחפוהו אל מחוץ לכרם ויהרגו אתו׃

    40והנה כבוא בעל הכרם מה יעשה לכרמים ההם׃

    41ויאמרו אליו ירע לרעים ויאבדם ואת הכרם יתן לכרמים אחרים אשר ישיבו לו את הפרי בעתו׃

    42ויאמר ישוע אליהם הכי קרא לא קראתם בכתובים אבן מאסו הבונים היתה לראש פנה מאת יהוה היתה זאת היא נפלאת בעינינו׃

    43על כן אני אמר לכם כי תקח מכם מלכות האלהים ותנתן לגוי אשר יעשה את פריה׃

  • מתי 21:33-37
    5 פסוקים
    85%

    33משל אחר שמעו איש בעל בית היה ויטע האיש כרם ויעש גדר סביב לו ויחצב יקב ויבן מגדל בתוכו ויתנהו אל כרמים וילך בדרך מרחוק׃

    34ויהי בהגיע עת האסיף וישלח עבדיו אל הכרמים לקחת את פריו׃

    35ויחזיקו הכרמים בעבדיו את זה הכו ואת זה הרגו ואת זה סקלו׃

    36ויוסף שלח עבדים אחרים רבים מן הראשונים ויעשו ככה גם להם׃

    37ובאחרונה שלח אליהם את בנו באמרו מפני בני יגורו׃

  • מתי 21:28
    78%

    28אבל מה דעתכם איש היה ולו שני בנים ויגש אל הראשון ויאמר בני לך היום ועבד בכרמי׃

  • מתי 22:5-7
    3 פסוקים
    77%

    5והם לא שתו לבם לזאת וילכו להם זה אל שדהו וזה אל מסחרו׃

    6והנשארים תפשו את עבדיו ויתעללו בם ויהרגום׃

    7ויקצף המלך וישלח צבאותיו ויאבד את המרצחים ההם ואת עירם שרף באש׃

  • מתי 13:27-28
    2 פסוקים
    73%

    27ויגשו עבדי בעל הבית ויאמרו אליו אדנינו הלא זרע טוב זרעת בשדך ומאין לו הזונין׃

    28ויאמר להם איש איב עשה זאת ויאמרו אליו העבדים היש את נפשך כי נלך ונלקט אתם׃

  • לוק 19:27
    72%

    27אבל את איבי ההם אשר לא חפצו מלכי עליהם הביאו אתם הנה והרגו אתם לפני׃

  • מתי 20:1-2
    2 פסוקים
    71%

    1¶ כי דומה מלכות השמים לאדם בעל בית אשר השכים לצאת בבקר לשכר פעלים לכרמו׃

    2והתנה עם הפעלים שכר דינר ליום וישלחם אל כרמו׃

  • לוק 15:30
    71%

    30ויבא בנך זה אשר בלע את נחלתך עם הזנות ותזבח לו את עגל המרבק׃

  • מתי 20:7-8
    2 פסוקים
    71%

    7ויאמרו לו כי לא שכר אותנו איש ויאמר אליהם לכו גם אתם אל הכרם וכישר יתן לכם׃

    8ויהי בערב ויאמר בעל הכרם אל פקידו קרא את הפעלים ושלם להם את שכרם החל באחרונים וכלה בראשונים׃

  • לוק 13:6
    70%

    6וישא משלו ויאמר איש אחד היתה לו תאנה נטועה בכרמו ויבא לבקש בה פרי ולא מצא׃

  • מתי 20:11
    70%

    11ויהי בקחתם וילונו על בעל הבית לאמר׃

  • לוק 20:19
    70%

    19ויבקשו הכהנים הגדולים והסופרים לשלח בו את ידם בעת ההיא וייראו מפני העם כי ידעו אשר עליהם דבר את המשל הזה׃

  • מתי 20:4
    70%

    4ויאמר להם לכו גם אתם אל כרמי וכישר אתן לכם וילכו׃

  • מתי 10:21
    70%

    21והיה אח ימסר את אחיו למות ואב ימסר את בנו וקמו בנים באבותם וימיתו אותם׃

  • מתי 15:13
    70%

    13ויען ויאמר כל מטע אשר לא נטע אבי שבשמים עקור יעקר׃

  • מתי 22:3
    70%

    3וישלח את עבדיו לקרא הקרואים אל החתנה ולא אבו לבוא׃

  • מתי 13:37
    70%

    37ויען ויאמר אליהם הזורע את הזרע הטוב הוא בן האדם׃

  • שמ״א 8:14
    69%

    14ואת שדותיכם ואת כרמיכם וזיתיכם הטובים יקח ונתן לעבדיו׃

  • יש׳ 5:3
    69%

    3ועתה יושב ירושלם ואיש יהודה שפטו נא ביני ובין כרמי׃