מתי 5:22

תנ ך עברי מודרני

אבל אני אמר לכם כל אשר יקצף על אחיו חנם מחיב הוא לבית דין ואשר יאמר אל אחיו רקא מחיב הוא לסנהדרין ואשר יאמר אתה הנבל מחיב לאש גיהנם׃

משאבים נוספים

פסוקים מקושרים

  • יעק׳ 3:6 : 6 כן הלשון נצבת בין אברינו המגאלת את כל הגוף ומלהטת את גלגל הויתנו והיא להוטה באש גיהנם׃
  • יוח״א 3:14-15 : 14 אנחנו ידענו כי עברנו מן המות אל החיים על כי נאהב את אחינו איש אשר לא יאהב את אחיו ישאר במות׃ 15 כל השנא את אחיו רצח נפש הוא וידעתם כי כל רצח נפש לא יתקימו בו חיי עולמים׃
  • יוח״א 4:20-21 : 20 כי יאמר איש אהב אני את האלהים והוא שנא את אחיו כזב הוא כי אשר לא יאהב את אחיו אשר הוא ראה איככה יוכל לאהב את האלהים אשר איננו ראה אתו׃ 21 וזאת המצוה יש לנו מאתו כי האהב את האלהים יאהב גם את אחיו׃
  • יוח״א 2:9 : 9 האומר כי ישנו באור והוא שנא את אחיו עודנו בחשך׃
  • מתי 26:59 : 59 והכהנים הגדולים והסופרים וכל הסנהדרין בקשו עדות שקר בישוע להמיתו ולא מצאו׃
  • מתי 10:28 : 28 ואל תיראי מן ההרגים את הגוף ואת הנפש לא יוכלו להרג אך תיראו את אשר יוכל לאבד גם את הנפש גם את הגוף בגיהנם׃
  • מתי 18:8-9 : 8 ואם תכשילך ידך או רגלך קצץ אותה והשלך ממך טוב לך לבוא לחיים פסח או קטע מהיות לך שתי ידים או שתי רגלים ותשלך אל אש עולם׃ 9 ואם עינך תכשליך נקר אותה והשלך ממך טוב לך לבוא לחיים בעין אחת מהיות לך שתי עינים ותשלך אל אש גיהנם׃
  • דב׳ 15:11 : 11 כי לא יחדל אביון מקרב הארץ על כן אנכי מצוך לאמר פתח תפתח את ידך לאחיך לעניך ולאבינך בארצך׃
  • תה׳ 7:4 : 4 אם גמלתי שולמי רע ואחלצה צוררי ריקם׃
  • רומ 12:10 : 10 באהבת אחים הראו חבה יתרה ובכבוד הקדימו איש את רעהו׃
  • יוח 11:47 : 47 אז יקהילו הכהנים הגדולים והפרושים את הסנהדרין ויאמרו מה נעשה כי האיש הלזה עשה אתות הרבה׃
  • מתי 10:17 : 17 והשמרו לכם מבני האדם כי ימסרו אתכם לסנהדריות ויכו אתכם בשוטים בבתי כנסיותיהם׃
  • מתי 25:41 : 41 ואז יאמר גם אל הנצבים לשמאלו לכו מעלי אתם הארורים אל אש עולם המוכנה לשטן ולמלאכיו׃
  • מרק 14:55 : 55 וראשי הכהנים וכל הסנהדרין בקשו עדות על ישוע להמיתו ולא מצאו׃
  • מרק 15:1 : 1 ¶ וישכימו ראשי הכהנים עם הזקנים והסופרים וכל הסנהדרין בבקר ויתיעצו ויאסרו את ישוע ויוליכהו משם וימסרהו אל פילטוס׃
  • לוק 12:5 : 5 אבל אורה אתכם את אשר תיראו יראו את אשר יש לו שלטן אחרי המיתו להשליך אל גיהנם הן אני אמר לכם אותו תיראון׃
  • לוק 16:23-24 : 23 ובהיותו במכאבות בשאול וישא את עיניו וירא את אברהם מרחוק ואת לעזר בחיקו׃ 24 ויצעק ויאמר אבי אברהם חנני ושלח נא את לעזר ויטבל את קצה אצבעו במים למען קרר את לשוני כי עניתי במוקד הזה׃
  • פט״א 2:23 : 23 אשר שמע חרפתו ולא השיב נענה ולא גער כי אם מסר דינו לשפט צדק ואת חטאתנו הוא נשא בגויתו על העץ׃
  • פט״א 3:9 : 9 אל תשלמו רעה תחת רעה או חרפה תחת חרפה כי אם תברכו מדעתכם כי לזאת נקראתם למען תירשו את הברכה׃
  • אפס 4:26-27 : 26 רגזו ואל תחטאו אל תשקע החמה על רגזכם׃ 27 גם לא תתנו מקום לשטן׃
  • אפס 4:31-32 : 31 כל מרירות וחמה ורגז וצעקה וגדוף תסירו מכם עם כל הרשעה׃ 32 והיו טובים איש אל רעהו ורחמנים וסלחים איש לאחיו כאשר סלח לכם האלהים במשיח׃
  • התגל׳ 20:14 : 14 והמות והשאול השלכו באגם האש והוא המות השני׃
  • יוח״א 5:16 : 16 איש כי יראה את אחיו חוטא חטאת אשר לא למות שאל ישאל בעדו ויתן לו חיים לכל אשר חטאו לא למות הן יש חטא למות על זה לא אמר לשאל בעדו׃
  • יהו׳ 1:9 : 9 ומיכאל שר המלאכים בהתוכחו עם השטן וירב אתו על אדות גוית משה לא מלאו לבו לחרץ משפט גדופים כי אם אמר יגער יהוה בך׃
  • תס״א 4:6 : 6 ולא יפרץ איש ויונה את אחיו בעשק כי נוקם יהוה על כל זאת כאשר כבר אמרנו והעידנו לכם׃
  • טיט 3:2 : 2 ולבלתי גדף אדם ולחדל מריב ולהכריע לכף זכות ולהתנהג בכל ענוה לפני כל אדם׃
  • עבר 5:9 : 9 ואחרי אשר השלם היה ממציא תשועת עולמים לכל שמעיו׃
  • עבר 12:25 : 25 לכן ראו פן תמאנו לשמע אל המדבר כי הן לא נמלטו המאנים לשמע אל המדבר עמהם בארץ אף אנחנו אם נמאן לשמע בקול המדבר מן השמים׃
  • יעק׳ 2:20 : 20 ואתה איש בער התחפץ לדעת כי האמונה בבלי מעשים מתה היא׃
  • יוח״א 3:10 : 10 ונודעו בזאת בני האלהים ובני השטן כל איש אשר לא יעשה צדקה איננו מאלהים וכן כל אשר לא יאהב את אחיו׃
  • יוח 7:20 : 20 ויען העם ויאמר שד בקרבך מי מבקש להרגך׃
  • יוח 8:48 : 48 אז יענו היהודים ויאמרו אליו הלא הטבנו אשר דברנו כי שמרוני אתה ושד בך׃
  • שמ״א 17:27-28 : 27 ויאמר לו העם כדבר הזה לאמר כה יעשה לאיש אשר יכנו׃ 28 וישמע אליאב אחיו הגדול בדברו אל האנשים ויחר אף אליאב בדוד ויאמר למה זה ירדת ועל מי נטשת מעט הצאן ההנה במדבר אני ידעתי את זדנך ואת רע לבבך כי למען ראות המלחמה ירדת׃
  • יוח 15:25 : 25 אך למלאת דבר הכתוב בתורתם שנאת חנם שנאוני׃
  • מע״ש 3:20-23 : 20 למען אשר יבאו ימי רוחה מלפני יהוה וישלח את אשר בשרו לכם מקדם את ישוע המשיח׃ 21 אשר צריך כי יקבלהו השמים עד ימי שוב כל הדברים לתקונם אשר דבר עליהם האלהים בפי נביאיו הקדושים מימי עולם׃ 22 הן משה אמר אל אבותינו נביא יקים לכם יהוה אלהיכם מקרב אחיכם כמני אליו תשמעון ככל אשר ידבר אליכם׃ 23 והיה כל הנפש אשר לא תשמע אל הנביא ההוא ונכרתה מעמיה׃
  • מע״ש 5:27 : 27 ויביאו אתם ויעמידום לפני הסנהדרין וישאלם הכהן הגדול לאמר׃
  • מע״ש 7:37 : 37 הוא משה אשר אמר אל בני ישראל נביא מקרב אחיכם כמני יקים לכם יהוה אלהיכם אליו תשמעון׃
  • מע״ש 17:18 : 18 וגם מקצת הפילוסופים מתלמידי אפיקורוס ומחברת האסטוא התגרו בו ויש אשר אמרו מה יאמר המפטפט הלז ואחרים אמרים כפי הנראה הוא מגיד אלהי נכר יען כי בשר אתם את ישוע ואת התחיה׃
  • קור״א 6:6 : 6 כי אח רב עם אחיו וזאת לפני לא מאמינים׃
  • קור״א 6:10 : 10 לא הגנבים ולא בצעי בצע לא הסבאים ולא המגדפים ולא הגזלנים כל אלה לא יירשו את מלכות האלהים׃
  • מרק 9:43-48 : 43 ואם ידך תכשילך קצץ אתה טוב לך לבוא קטע לחיים מהיות לך שתי ידים ותלך אל גיהנם אל האש אשר לא תכבה׃ 44 אשר שם תולעתם לא תמות ואשם לא תכבה׃ 45 ואם רגלך תכשילך קצץ אתה טוב לך לבוא פסח לחיים מהיות לך שתי רגלים ותשלך לגיהנם אל האש אשר לא תכבה׃ 46 אשר שם תולעתם לא תמות ואשם לא תכבה׃ 47 ואם עינך תכשילך עקר אתה טוב לך לבוא אל מלכות האלהים בעין אחת מהיות לך שתי עינים ותשלך לגיהנם׃ 48 אשר שם תולעתם לא תמות ואשם לא תכבה׃
  • תה׳ 14:1 : 1 ¶ למנצח לדוד אמר נבל בלבו אין אלהים השחיתו התעיבו עלילה אין עשה טוב׃
  • תה׳ 25:3 : 3 גם כל קויך לא יבשו יבשו הבוגדים ריקם׃
  • תה׳ 35:19 : 19 אל ישמחו לי איבי שקר שנאי חנם יקרצו עין׃
  • תה׳ 37:8 : 8 הרף מאף ועזב חמה אל תתחר אך להרע׃
  • תה׳ 49:10 : 10 כי יראה חכמים ימותו יחד כסיל ובער יאבדו ועזבו לאחרים חילם׃
  • תה׳ 69:4 : 4 רבו משערות ראשי שנאי חנם עצמו מצמיתי איבי שקר אשר לא גזלתי אז אשיב׃
  • תה׳ 92:6 : 6 איש בער לא ידע וכסיל לא יבין את זאת׃
  • תה׳ 109:3 : 3 ודברי שנאה סבבוני וילחמוני חנם׃
  • מש׳ 14:16 : 16 חכם ירא וסר מרע וכסיל מתעבר ובוטח׃
  • מש׳ 18:6 : 6 שפתי כסיל יבאו בריב ופיו למהלמות יקרא׃
  • יר׳ 17:11 : 11 קרא דגר ולא ילד עשה עשר ולא במשפט בחצי ימו יעזבנו ובאחריתו יהיה נבל׃
  • איכה 3:52 : 52 צוד צדוני כצפור איבי חנם׃
  • דנ׳ 2:12-13 : 12 כל קבל דנה מלכא בנס וקצף שגיא ואמר להובדה לכל חכימי בבל׃ 13 ודתא נפקת וחכימיא מתקטלין ובעו דניאל וחברוהי להתקטלה׃
  • דנ׳ 3:13 : 13 באדין נבוכדנצר ברגז וחמה אמר להיתיה לשדרך מישך ועבד נגו באדין גבריא אלך היתיו קדם מלכא׃
  • דנ׳ 3:19 : 19 באדין נבוכדנצר התמלי חמא וצלם אנפוהי אשתנו על שדרך מישך ועבד נגו ענה ואמר למזא לאתונא חד שבעה על די חזה למזיה׃
  • עובד׳ 1:10 : 10 מחמס אחיך יעקב תכסך בושה ונכרת לעולם׃
  • עובד׳ 1:12 : 12 ואל תרא ביום אחיך ביום נכרו ואל תשמח לבני יהודה ביום אבדם ואל תגדל פיך ביום צרה׃
  • מתי 3:17 : 17 והנה קול מן השמים אומר זה בני ידידי אשר רצתה נפשי בו׃
  • מתי 5:23-24 : 23 לכן אם תקריב קרבנך אל המזבח ושם תזכר כי יש לאחיך דבר עליך׃ 24 עזוב תעזב שם את קרבנך לפני המזבח וקדם ללכת לכפר פני אחיך ואחרי כן בוא הקרב את קרבנך׃
  • מתי 5:28-30 : 28 אבל אני אמר לכם כל אשר יביט באשה לחמד אותה נאף נאפה בלבו׃ 29 ואם תכשילך עין ימינך נקר אותה והשלך ממך כי טוב לך אשר יאבד אחד מאבריך מרדת כל גופך אל גיהנם׃ 30 ואם ידך הימנית תכשילך קצץ אותה והשלך ממך כי טוב לך אשר יאבד אחד מאבריך מרדת כל גופך אל גיהנם׃
  • מתי 5:34 : 34 אבל אני אמר לכם לא תשבעו כל שבועה לא בשמים כי כסא אלהים המה׃
  • מתי 5:44 : 44 אבל אני אמר לכם אהבו את איביכם ברכו את מקקליכם היטיבו לשנאיכם והתפללו בעד מכאיביכם ורדפיכם׃
  • בר׳ 4:5-6 : 5 ואל קין ואל מנחתו לא שעה ויחר לקין מאד ויפלו פניו׃ 6 ויאמר יהוה אל קין למה חרה לך ולמה נפלו פניך׃
  • בר׳ 37:4 : 4 ויראו אחיו כי אתו אהב אביהם מכל אחיו וישנאו אתו ולא יכלו דברו לשלם׃
  • בר׳ 37:8 : 8 ויאמרו לו אחיו המלך תמלך עלינו אם משול תמשל בנו ויוספו עוד שנא אתו על חלמתיו ועל דבריו׃
  • שמ״א 22:12-23 : 12 ויאמר שאול שמע נא בן אחיטוב ויאמר הנני אדני׃ 13 ויאמר אלו שאול למה קשרתם עלי אתה ובן ישי בתתך לו לחם וחרב ושאול לו באלהים לקום אלי לארב כיום הזה׃ 14 ויען אחימלך את המלך ויאמר ומי בכל עבדיך כדוד נאמן וחתן המלך וסר אל משמעתך ונכבד בביתך׃ 15 היום החלתי לשאול לו באלהים חלילה לי אל ישם המלך בעבדו דבר בכל בית אבי כי לא ידע עבדך בכל זאת דבר קטן או גדול׃ 16 ויאמר המלך מות תמות אחימלך אתה וכל בית אביך׃ 17 ויאמר המלך לרצים הנצבים עליו סבו והמיתו כהני יהוה כי גם ידם עם דוד וכי ידעו כי ברח הוא ולא גלו את אזנו ולא אבו עבדי המלך לשלח את ידם לפגע בכהני יהוה׃ 18 ויאמר המלך לדויג סב אתה ופגע בכהנים ויסב דויג האדמי ויפגע הוא בכהנים וימת ביום ההוא שמנים וחמשה איש נשא אפוד בד׃ 19 ואת נב עיר הכהנים הכה לפי חרב מאיש ועד אשה מעולל ועד יונק ושור וחמור ושה לפי חרב׃ 20 וימלט בן אחד לאחימלך בן אחטוב ושמו אביתר ויברח אחרי דוד׃ 21 ויגד אביתר לדוד כי הרג שאול את כהני יהוה׃ 22 ויאמר דוד לאביתר ידעתי ביום ההוא כי שם דויג האדמי כי הגד יגיד לשאול אנכי סבתי בכל נפש בית אביך׃ 23 שבה אתי אל תירא כי אשר יבקש את נפשי יבקש את נפשך כי משמרת אתה עמדי׃
  • שמ״ב 6:20 : 20 וישב דוד לברך את ביתו ותצא מיכל בת שאול לקראת דוד ותאמר מה נכבד היום מלך ישראל אשר נגלה היום לעיני אמהות עבדיו כהגלות נגלות אחד הרקים׃
  • שמ״ב 16:7 : 7 וכה אמר שמעי בקללו צא צא איש הדמים ואיש הבליעל׃
  • מל״א 21:4 : 4 ויבא אחאב אל ביתו סר וזעף על הדבר אשר דבר אליו נבות היזרעאלי ויאמר לא אתן לך את נחלת אבותי וישכב על מטתו ויסב את פניו ולא אכל לחם׃
  • דה״ב 16:10 : 10 ויכעס אסא אל הראה ויתנהו בית המהפכת כי בזעף עמו על זאת וירצץ אסא מן העם בעת ההיא׃
  • נח׳ 5:8 : 8 ואמרה להם אנחנו קנינו את אחינו היהודים הנמכרים לגוים כדי בנו וגם אתם תמכרו את אחיכם ונמכרו לנו ויחרישו ולא מצאו דבר׃
  • אס׳ 3:5-6 : 5 וירא המן כי אין מרדכי כרע ומשתחוה לו וימלא המן חמה׃ 6 ויבז בעיניו לשלח יד במרדכי לבדו כי הגידו לו את עם מרדכי ויבקש המן להשמיד את כל היהודים אשר בכל מלכות אחשורוש עם מרדכי׃
  • מתי 18:21 : 21 ויגש אליו פטרוס ויאמר לו אדני כמה פעמים יחטא לי אחי וסלחתי לו העד שבע פעמים׃
  • מתי 18:35 : 35 ככה יעשה לכם גם אבי שבשמים אם לא תסלחו איש איש לאחיו בכל לבבכם את חטאתם׃
  • מתי 23:15 : 15 אוי לכם הסופרים והפרושים החנפים כי סובבים אתם בים וביבשה למען גיר גר אחד וכי יתגיר תעשו אותו לבן גיהנם כפלים יותר מכם׃
  • מתי 23:33 : 33 נחשים אתם ילדי הצפעונים איכה תמלטו מדין גיהנם׃
  • מתי 11:18-19 : 18 כי בא יוחנן לא אכל ולא שתה ויאמרו שד בו׃ 19 ויבא בן האדם והוא אכל ושתה ויאמרו הנה איש זולל וסבא ואהב מוכסים וחטאים ונצדקה החכמה מאת בניה׃
  • מתי 12:24 : 24 והפרושים כשמעם זאת אמרו זה איננו מגרש את השדים כי אם על ידי בעל זבוב שר השדים׃
  • מתי 17:5 : 5 עודנו מדבר והנה ענן אור הצל עליהם והנה קול מתוך הענן אמר זה בני ידידי אשר רציתי בו אליו תשמעון׃
  • דב׳ 18:18-19 : 18 נביא אקים להם מקרב אחיהם כמוך ונתתי דברי בפיו ודבר אליהם את כל אשר אצונו׃ 19 והיה האיש אשר לא ישמע אל דברי אשר ידבר בשמי אנכי אדרש מעמו׃
  • שמ״א 18:8-9 : 8 ויחר לשאול מאד וירע בעיניו הדבר הזה ויאמר נתנו לדוד רבבות ולי נתנו האלפים ועוד לו אך המלוכה׃ 9 ויהי שאול עון את דוד מהיום ההוא והלאה׃
  • שמ״א 20:30-33 : 30 ויחר אף שאול ביהונתן ויאמר לו בן נעות המרדות הלוא ידעתי כי בחר אתה לבן ישי לבשתך ולבשת ערות אמך׃ 31 כי כל הימים אשר בן ישי חי על האדמה לא תכון אתה ומלכותך ועתה שלח וקח אתו אלי כי בן מות הוא׃ 32 ויען יהונתן את שאול אביו ויאמר אליו למה יומת מה עשה׃ 33 ויטל שאול את החנית עליו להכתו וידע יהונתן כי כלה היא מעם אביו להמית את דוד׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • מתי 5:20-21
    2 פסוקים
    82%

    20כי אני אמר לכם אם לא תרבה צדקתכם מצדקת הסופרים והפרושים לא תבאו אל מלכות השמים׃

    21שמעתם כי נאמר לקדמונים לא תרצח ואשר ירצח מחיב הוא לבית דין׃

  • מתי 5:23-25
    3 פסוקים
    76%

    23לכן אם תקריב קרבנך אל המזבח ושם תזכר כי יש לאחיך דבר עליך׃

    24עזוב תעזב שם את קרבנך לפני המזבח וקדם ללכת לכפר פני אחיך ואחרי כן בוא הקרב את קרבנך׃

    25מהר התרצה לאיש ריבך בעודך בדרך אתו פן יסגיר אתך איש ריבך אל השפט והשפט יסגירך לשוטר והשלכת את בית הכלא׃

  • אפס 4:26
    69%

    26רגזו ואל תחטאו אל תשקע החמה על רגזכם׃

  • מתי 12:36-37
    2 פסוקים
    69%

    36ואני אמר לכם כל מלה בטלה אשר ידברו בני האדם יתנו עליה חשבון ביום הדין׃

    37כי מדבריך תצדק ומדבריך תחיב׃

  • איוב 5:2
    69%

    2כי לאויל יהרג כעש ופתה תמית קנאה׃

  • מתי 5:37-39
    3 פסוקים
    68%

    37]73-63[׃

    38שמעתם כי נאמר עין תחת עין שן תחת שן׃

    39אבל אני אמר לכם אל תתקוממו לרע אך המכה אותך על הלפי הימנית הטה לו גם את האחרת׃

  • מש׳ 14:17
    68%

    17קצר אפים יעשה אולת ואיש מזמות ישנא׃

  • מש׳ 29:22
    68%

    22איש אף יגרה מדון ובעל חמה רב פשע׃

  • ויק׳ 19:17
    68%

    17לא תשנא את אחיך בלבבך הוכח תוכיח את עמיתך ולא תשא עליו חטא׃

  • מתי 18:35
    68%

    35ככה יעשה לכם גם אבי שבשמים אם לא תסלחו איש איש לאחיו בכל לבבכם את חטאתם׃

  • מש׳ 22:24
    67%

    24אל תתרע את בעל אף ואת איש חמות לא תבוא׃

  • קה׳ 7:9
    67%

    9אל תבהל ברוחך לכעוס כי כעס בחיק כסילים ינוח׃

  • יעק׳ 4:11
    67%

    11אחי אל תחרפו איש את רעהו המחרף את רעהו ודן את אחיו הוא מחרף את התורה ודן את התורה ואם תדין את התורה אינך עשה התורה כי אם שפטה׃

  • יוח״א 3:15
    67%

    15כל השנא את אחיו רצח נפש הוא וידעתם כי כל רצח נפש לא יתקימו בו חיי עולמים׃

  • מתי 5:28-30
    3 פסוקים
    67%

    28אבל אני אמר לכם כל אשר יביט באשה לחמד אותה נאף נאפה בלבו׃

    29ואם תכשילך עין ימינך נקר אותה והשלך ממך כי טוב לך אשר יאבד אחד מאבריך מרדת כל גופך אל גיהנם׃

    30ואם ידך הימנית תכשילך קצץ אותה והשלך ממך כי טוב לך אשר יאבד אחד מאבריך מרדת כל גופך אל גיהנם׃

  • מתי 7:3-5
    3 פסוקים
    66%

    3ולמה זה אתה ראה את הקסם בעין אחיך ואת הקורה אשר בעינך לא תביט׃

    4ואיך תאמר אל אחיך הניחה לי ואסירה את הקסם מעינך והנה הקורה בעינך׃

    5החנף הסר בראשונה את הקורה מעינך ואחרי כן ראה תראה להסיר את הקסם מעין אחיך׃

  • מש׳ 26:18
    66%

    18כמתלהלה הירה זקים חצים ומות׃

  • לוק 17:2-3
    2 פסוקים
    66%

    2נוח לו שיתלה פלח רכב על צוארו וישלך אל הים מאשר יכשיל את אחד מהקטנים wאלה׃

    3השמרו לנפשותיכם אם יחטא לך אחיך הוכח לו ואם ינחם סלח לו׃

  • מתי 18:9
    66%

    9ואם עינך תכשליך נקר אותה והשלך ממך טוב לך לבוא לחיים בעין אחת מהיות לך שתי עינים ותשלך אל אש גיהנם׃

  • אפס 4:31
    66%

    31כל מרירות וחמה ורגז וצעקה וגדוף תסירו מכם עם כל הרשעה׃

  • מש׳ 15:1
    66%

    1¶ מענה רך ישיב חמה ודבר עצב יעלה אף׃

  • מתי 5:43-44
    2 פסוקים
    66%

    43שמעתם כי נאמר ואהבת לרעך ושנאת את איבך׃

    44אבל אני אמר לכם אהבו את איביכם ברכו את מקקליכם היטיבו לשנאיכם והתפללו בעד מכאיביכם ורדפיכם׃

  • מתי 5:33
    66%

    33עוד שמעתם כי נאמר לקדמונים לא תשבע לשקר ושלם ליהוה שבעותיך׃

  • מתי 15:4-5
    2 פסוקים
    66%

    4כי אלהים צוה לאמר כבד את אביך ואת אמך ומקלל אביו ואמו מות יומת׃

    5ואתם אמרים האמר לאביו ולאמו קרבן כל מה שאתה נהנה לי אין עליו לכבד את אביו ואת אמו׃

  • אפס 5:6
    66%

    6אל ישיא איש אתכם בדברי ריק כי בגלל אלה חרון אלהים בא על בני המרי׃

  • יעק׳ 1:19
    66%

    19על זאת אחי אהובי יהי כל איש מהיר לשמע קשה לדבר וקשה לכעוס׃

  • יעק׳ 5:12
    65%

    12וראש דבר אחי לא תשבעו לא בשמים ולא בארץ ולא בכל שבועה אחרת ויהי הן שלכם הן ולא שלכם לא פן תפלו בידי הדין׃

  • לוק 6:41-42
    2 פסוקים
    65%

    41ולמה זה אתה ראה את הקסם אשר בעין אחיך ואת הקורה בעינך לא תביט׃

    42ואיך תאמר אל אחיך אחי הניחה לי ואסירה את הקסם אשר בעינך ואינך ראה את הקורה אשר בעינך החנף הסר בראשונה את הקורה מעינך ואחר ראה תראה להסיר את הקסם אשר בעין אחיך׃

  • מש׳ 15:18
    65%

    18איש חמה יגרה מדון וארך אפים ישקיט ריב׃

  • מש׳ 10:18
    65%

    18מכסה שנאה שפתי שקר ומוצא דבה הוא כסיל׃

  • מתי 18:15
    65%

    15וכי יחטא לך אחיך לך והוכחת אותו בינך ובינו לבדו ואם ישמע אליך קנית לך אחיך׃

  • מתי 13:42
    65%

    42והשליכו אתם אל תנור האש שם תהיה היללה וחרק השנים׃

  • יעק׳ 5:9
    65%

    9אחי אל תתאוננו איש על רעהו פן תשפטו הנה השופט עמד לפתח׃

  • דב׳ 19:19
    65%

    19ועשיתם לו כאשר זמם לעשות לאחיו ובערת הרע מקרבך׃

  • מרק 3:29
    65%

    29אך המגדף את רוח הקדש אין לו סליחה לעולם כי יאשם בעונו לנצח׃

  • מרק 9:43
    65%

    43ואם ידך תכשילך קצץ אתה טוב לך לבוא קטע לחיים מהיות לך שתי ידים ותלך אל גיהנם אל האש אשר לא תכבה׃