מתי 6:18

תנ ך עברי מודרני

למען לא תראה בצומך לבני אדם כי אם לאביך אשר בסתר ואביך הראה במסתרים הוא בגלוי יגמלך׃

משאבים נוספים

פסוקים מקושרים

  • מתי 6:4 : 4 למען תהיה צדקתך בסתר ואביך הראה במסתרים הוא בגלוי יגמלך׃
  • מתי 6:6 : 6 ואתה כי תתפלל בוא בחדרך וסגר דלתך בעדך והתפלל אל אביך אשר בסתר ואביך הראה במסתרים הוא בגלוי יגמלך׃
  • רומ 2:6 : 6 אשר ישלם לאיש כמעשהו׃
  • קור״ב 5:9 : 9 על כן גם נשתדל אם קרובים אם רחוקים להיות לו לרצון׃
  • קור״ב 10:18 : 18 כי לא המשבח נפשו משבח הוא כי אם אשר ישבחנו יהוה׃
  • קול 3:22-24 : 22 העבדים שמעו בכל דבר אל אדניכם לפי הבשר לא בעבודה למראה העין כמבקשי חן בני אדם כי אם בתם לבב כיראי האלהים׃ 23 כל אשר תעשו עשו בכל נפשכם כמו ליהוה ולא לבני אדם׃ 24 וידעתם כי תקבלו מאת יהוה גמול הירשה כי את אדנינו המשיח עבדים אתם׃
  • פט״א 1:7 : 7 למען תמצא אמונתכם המזקקה יקרה הרבה מן הזהב האבד הצרוף באש לתהלה ולכבוד ולתפארת בהתגלות ישוע המשיח׃
  • פט״א 2:13 : 13 והכנעו לכל פקדת אדם בגלל האדון אם למלך כראוי לראש׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • מתי 6:1-9
    9 פסוקים
    90%

    1¶ השמרו לכם מעשות צדקתכם לפני בני אדם למען יראו אתכם ואם לא אין לכם שכר מאת אביכם שבשמים׃

    2לכן בעשותך צדקה אל תריע לפניך בשופר כמעשה החנפים בבתי הכנסיות ובחרבות למען יהללו אותם האמשים אמן אמר אני לכם כי לקחו את שכרם׃

    3ואתה בעשותך צדקה אל תדע שמאלך את אשר עשה ימינך׃

    4למען תהיה צדקתך בסתר ואביך הראה במסתרים הוא בגלוי יגמלך׃

    5וכי תתפלל אל תהי כחנפים האהבים להתפלל בעמדם בבתי הכנסיות ואצל פנות השוקים למען יראו לבני אדם אמן אמר אני לכם כי לקחו את שכרם׃

    6ואתה כי תתפלל בוא בחדרך וסגר דלתך בעדך והתפלל אל אביך אשר בסתר ואביך הראה במסתרים הוא בגלוי יגמלך׃

    7ובהתפללכם אל תפטפטו כגוים החשבים כי בהרבות דבריהם ישמעו׃

    8ואתם אל תדמו להם כי יודע אביכם כל צרככם בטרם תשאלו ממנו׃

    9לכן כה תתפללו אבינו שבשמים יתקדש שמך׃

  • מתי 6:14-17
    4 פסוקים
    84%

    14כי אם תסלחו לבני אדם את חטאתם אביכם שבשמים יסלח גם לכם׃

    15ואם לא תסלחו לבני אדם גם אביכם לא יסלח לכם את חטאתיכם׃

    16וכי תצומו אל תהיו זעפים כחנפים המשנים את פניהם להראות צמים לבני אדם אמן אמר אני לכם כי לקחו את שכרם׃

    17ואתה כי תצום סוך את ראשך ורחץ את פניך׃

  • מתי 5:14-16
    3 פסוקים
    76%

    14אתם אור העולם עיר ישבת על ההר לא תוכל להסתר׃

    15גם אין מדליקים נר ושמים אותו תחת האיפה כי אם על המנורה ויאר לכל אנשי הבית׃

    16כן יאר אורכם לפני בני האדם למען יראו מעשיכם הטובים ושבחו את אביכים שבשמים׃

  • מתי 6:19-23
    5 פסוקים
    76%

    19אל תאצרו לכם אוצרות בארץ אשר יאכלום שם סס ורקב וגנבים יחתרו שם וגנבו׃

    20אבל תאצרו לכם אוצרות בשמים אשר סס ורקב לא יאכלום שם וגנבים לא יחתרו שם ולא יגנבו׃

    21כי במקום אשר אוצרכם בו שם יהיה גם לבבכם׃

    22נר הגוף הוא העין ואם עינך היא תמימה כל גופך יאור׃

    23ואם עינך רעה כל גופך יחשך והנה אם יחשך האור אשר בקרבך מה רב החשך׃

  • יוח 7:4
    72%

    4כי לא יעשה איש דבר בסתר והוא חפץ להתפרסם לכן אם אתה עשה כאלה הגלה אל העולם׃

  • יש׳ 58:3-4
    2 פסוקים
    70%

    3למה צמנו ולא ראית ענינו נפשנו ולא תדע הן ביום צמכם תמצאו חפץ וכל עצביכם תנגשו׃

    4הן לריב ומצה תצומו ולהכות באגרף רשע לא תצומו כיום להשמיע במרום קולכם׃

  • לוק 8:17
    70%

    17כי אין דבר נעלם אשר לא יגלה ואין גנוז אשר לא יודע ובא לאור׃

  • מתי 6:31-33
    3 פסוקים
    70%

    31לכן אל תדאגו לאמר מה נאכל ומה נשתה ומה נלבש׃

    32כי את כל אלה מבקשים הגוים הלא ידע אביכם אשר בשמים כי אתם צריכים לכל אלה׃

    33אך בקשו בראשונה את מלכות אלהים ואת צדקתו ונוסף לכם כל אלה׃

  • לוק 12:30-31
    2 פסוקים
    69%

    30כי את כל אלה מבקשים גויי הארץ ואביכם הוא יודע כי צריכים אתם לאלה׃

    31אך בקשו את מלכות האלהים ונוסף לכם כל אלה׃

  • לוק 12:2-3
    2 פסוקים
    69%

    2ואין דבר מכסה אשר לא יגלה ואין נעלם אשר לא יודע׃

    3לכן כל אשר דברתם בחשך באור ישמע ואת אשר לחשתם לאזן בחדרים קרא יקרא על הגגות׃

  • יש׳ 58:7
    69%

    7הלוא פרס לרעב לחמך ועניים מרודים תביא בית כי תראה ערם וכסיתו ומבשרך לא תתעלם׃

  • לוק 6:36
    69%

    36לכן היו רחמנים כאשר גם אביכם רחום הוא׃

  • לוק 12:33
    69%

    33מכרו את רכושכם ותנו צדקה עשו לכם כיסים אשר לא יבלו ואוצר בשמים אשר לא יגרע לעולם אשר גנב לא יקרב אליו וסס לא יאכלהו׃

  • לוק 6:23
    68%

    23שמחו ביום ההוא ורקדו כי הנה שכרכם רב בשמים כי כזאת עשו אבתיהם לנביאים׃

  • יוח 6:27
    68%

    27אל תעמלו במאכל אשר יאבד כי אם במאכל הקים לחיי עולמים אשר בן האדם יתננו לכם כי בו חתם חותמו אביו האלהים׃

  • מתי 5:48
    68%

    48לכן היו שלמים כאשר אביכם שבשמים שלם הוא׃

  • מתי 23:9
    68%

    9ואל תקראו אב לאיש מכם על האדמה כי אחד הוא אביכם אשר בשמים׃

  • מתי 23:5
    68%

    5ועשים את כל מעשיהם להראות בהם לבני אדם כי מרחיבים את תפליהם ומגדילים את ציציותיהם׃

  • מתי 18:35
    67%

    35ככה יעשה לכם גם אבי שבשמים אם לא תסלחו איש איש לאחיו בכל לבבכם את חטאתם׃

  • גל 6:8
    67%

    8הזרע בבשרו יקצר כליון משברו והזרע ברוח יקצר מן הרוח חיי עולם׃

  • מש׳ 24:18
    67%

    18פן יראה יהוה ורע בעיניו והשיב מעליו אפו׃

  • מתי 9:14
    67%

    14ויגשו אליו תלמידי יוחנן ויאמרו מדוע אנחנו והפרושים צמים הרבה ותלמידיך אינם צמים׃

  • מרק 4:22
    67%

    22כי אין דבר סתום אשר לא יגלה ולא נעלם דבר כי אם למען יבא לגלוי׃

  • לוק 11:33
    67%

    33אין מדליק נר אשר ישימהו בסתר או תחת האיפה כי אם על המנורה למען יראו באי הבית את אורו׃

  • לוק 18:12
    67%

    12אני צם פעמים בשבוע אני מעשר את כל קניני׃

  • אפס 6:7
    67%

    7ועבדים בנפש חפצה את האדון ולא בני אדם׃

  • מתי 7:6
    67%

    6אל תתנו את הקדש לכלבים ואל תשליכו פניניכם לפני החזירים פן ירמסום ברגליהם ופנו וטרפו אתכם׃

  • מתי 13:43
    67%

    43אז יזהירו הצדיקים כשמש במלכות אביהם מי אשר אזנים לו לשמע ישמע׃