דברי הימים ב׳ 23:4

תנ ך עברי מודרני

זה הדבר אשר תעשו השלשית מכם באי השבת לכהנים וללוים לשערי הספים׃

משאבים נוספים

פסוקים מקושרים

  • דה״א 9:25 : 25 ואחיהם בחצריהם לבוא לשבעת הימים מעת אל עת עם אלה׃
  • דה״א 23:3-6 : 3 ויספרו הלוים מבן שלשים שנה ומעלה ויהי מספרם לגלגלתם לגברים שלשים ושמונה אלף׃ 4 מאלה לנצח על מלאכת בית יהוה עשרים וארבעה אלף ושטרים ושפטים ששת אלפים׃ 5 וארבעת אלפים שערים וארבעת אלפים מהללים ליהוה בכלים אשר עשיתי להלל׃ 6 ויחלקם דויד מחלקות לבני לוי לגרשון קהת ומררי׃
  • דה״א 24:3-6 : 3 ויחלקם דויד וצדוק מן בני אלעזר ואחימלך מן בני איתמר לפקדתם בעבדתם׃ 4 וימצאו בני אלעזר רבים לראשי הגברים מן בני איתמר ויחלקום לבני אלעזר ראשים לבית אבות ששה עשר ולבני איתמר לבית אבותם שמונה׃ 5 ויחלקום בגורלות אלה עם אלה כי היו שרי קדש ושרי האלהים מבני אלעזר ובבני איתמר׃ 6 ויכתבם שמעיה בן נתנאל הסופר מן הלוי לפני המלך והשרים וצדוק הכהן ואחימלך בן אביתר וראשי האבות לכהנים וללוים בית אב אחד אחז לאלעזר ואחז אחז לאיתמר׃
  • דה״א 26:13-16 : 13 ויפילו גורלות כקטן כגדול לבית אבותם לשער ושער׃ 14 ויפל הגורל מזרחה לשלמיהו וזכריהו בנו יועץ בשכל הפילו גורלות ויצא גורלו צפונה׃ 15 לעבד אדם נגבה ולבניו בית האספים׃ 16 לשפים ולחסה למערב עם שער שלכת במסלה העולה משמר לעמת משמר׃
  • לוק 1:8-9 : 8 ויהי היום ויכהן לפני אלהים בסדר משמרתו׃ 9 וכמשפט עבודת הכהנים יצא גורלו להקטיר קטרת ויבא אל היכל יהוה׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • דה״ב 23:5-8
    4 פסוקים
    84%

    5והשלשית בבית המלך והשלשית בשער היסוד וכל העם בחצרות בית יהוה׃

    6ואל יבוא בית יהוה כי אם הכהנים והמשרתים ללוים המה יבאו כי קדש המה וכל העם ישמרו משמרת יהוה׃

    7והקיפו הלוים את המלך סביב איש וכליו בידו והבא אל הבית יומת והיו את המלך בבאו ובצאתו׃

    8ויעשו הלוים וכל יהודה ככל אשר צוה יהוידע הכהן ויקחו איש את אנשיו באי השבת עם יוצאי השבת כי לא פטר יהוידע הכהן את המחלקות׃

  • מל״ב 11:5-7
    3 פסוקים
    83%

    5ויצום לאמר זה הדבר אשר תעשון השלשית מכם באי השבת ושמרי משמרת בית המלך׃

    6והשלשית בשער סור והשלשית בשער אחר הרצים ושמרתם את משמרת הבית מסח׃

    7ושתי הידות בכם כל יצאי השבת ושמרו את משמרת בית יהוה אל המלך׃

  • דה״ב 23:19
    79%

    19ויעמד השוערים על שערי בית יהוה ולא יבא טמא לכל דבר׃

  • דה״א 9:26-27
    2 פסוקים
    78%

    26כי באמונה המה ארבעת גברי השערים הם הלוים והיו על הלשכות ועל האצרות בית האלהים׃

    27וסביבות בית האלהים ילינו כי עליהם משמרת והם על המפתח ולבקר לבקר׃

  • דה״א 9:23-24
    2 פסוקים
    76%

    23והם ובניהם על השערים לבית יהוה לבית האהל למשמרות׃

    24לארבע רוחות יהיו השערים מזרח ימה צפונה ונגבה׃

  • יח׳ 46:1-3
    3 פסוקים
    76%

    1¶ כה אמר אדני יהוה שער החצר הפנימית הפנה קדים יהיה סגור ששת ימי המעשה וביום השבת יפתח וביום החדש יפתח׃

    2ובא הנשיא דרך אולם השער מחוץ ועמד על מזוזת השער ועשו הכהנים את עולתו ואת שלמיו והשתחוה על מפתן השער ויצא והשער לא יסגר עד הערב׃

    3והשתחוו עם הארץ פתח השער ההוא בשבתות ובחדשים לפני יהוה׃

  • דה״ב 34:13
    74%

    13ועל הסבלים ומנצחים לכל עשה מלאכה לעבודה ועבודה ומהלוים סופרים ושטרים ושוערים׃

  • דה״ב 8:14
    74%

    14ויעמד כמשפט דויד אביו את מחלקות הכהנים על עבדתם והלוים על משמרותם להלל ולשרת נגד הכהנים לדבר יום ביומו והשוערים במחלקותם לשער ושער כי כן מצות דויד איש האלהים׃

  • מל״ב 22:4
    74%

    4עלה אל חלקיהו הכהן הגדול ויתם את הכסף המובא בית יהוה אשר אספו שמרי הסף מאת העם׃

  • דה״א 9:18-19
    2 פסוקים
    73%

    18ועד הנה בשער המלך מזרחה המה השערים למחנות בני לוי׃

    19ושלום בן קורא בן אביסף בן קרח ואחיו לבית אביו הקרחים על מלאכת העבודה שמרי הספים לאהל ואבתיהם על מחנה יהוה שמרי המבוא׃

  • דה״א 26:12
    73%

    12לאלה מחלקות השערים לראשי הגברים משמרות לעמת אחיהם לשרת בבית יהוה׃

  • יח׳ 40:45-46
    2 פסוקים
    73%

    45וידבר אלי זה הלשכה אשר פניה דרך הדרום לכהנים שמרי משמרת הבית׃

    46והלשכה אשר פניה דרך הצפון לכהנים שמרי משמרת המזבח המה בני צדוק הקרבים מבני לוי אל יהוה לשרתו׃

  • יר׳ 17:24
    73%

    24והיה אם שמע תשמעון אלי נאם יהוה לבלתי הביא משא בשערי העיר הזאת ביום השבת ולקדש את יום השבת לבלתי עשות בה כל מלאכה׃

  • דה״א 23:4-5
    2 פסוקים
    73%

    4מאלה לנצח על מלאכת בית יהוה עשרים וארבעה אלף ושטרים ושפטים ששת אלפים׃

    5וארבעת אלפים שערים וארבעת אלפים מהללים ליהוה בכלים אשר עשיתי להלל׃

  • דה״ב 35:15
    73%

    15והמשררים בני אסף על מעמדם כמצות דויד ואסף והימן וידתון חוזה המלך והשערים לשער ושער אין להם לסור מעל עבדתם כי אחיהם הלוים הכינו להם׃

  • דה״א 23:32
    72%

    32ושמרו את משמרת אהל מועד ואת משמרת הקדש ומשמרת בני אהרן אחיהם לעבדת בית יהוה׃

  • נח׳ 13:19
    72%

    19ויהי כאשר צללו שערי ירושלם לפני השבת ואמרה ויסגרו הדלתות ואמרה אשר לא יפתחום עד אחר השבת ומנערי העמדתי על השערים לא יבוא משא ביום השבת׃

  • נח׳ 12:45
    72%

    45וישמרו משמרת אלהיהם ומשמרת הטהרה והמשררים והשערים כמצות דויד שלמה בנו׃

  • מל״ב 25:18
    72%

    18ויקח רב טבחים את שריה כהן הראש ואת צפניהו כהן משנה ואת שלשת שמרי הסף׃

  • יר׳ 52:24
    72%

    24ויקח רב טבחים את שריה כהן הראש ואת צפניה כהן המשנה ואת שלשת שמרי הסף׃

  • נח׳ 12:25
    72%

    25מתניה ובקבקיה עבדיה משלם טלמון עקוב שמרים שוערים משמר באספי השערים׃

  • מל״ב 11:9
    71%

    9ויעשו שרי המאיות ככל אשר צוה יהוידע הכהן ויקחו איש את אנשיו באי השבת עם יצאי השבת ויבאו אל יהוידע הכהן׃

  • דה״א 15:23
    71%

    23וברכיה ואלקנה שערים לארון׃

  • יר׳ 17:20-21
    2 פסוקים
    71%

    20ואמרת אליהם שמעו דבר יהוה מלכי יהודה וכל יהודה וכל ישבי ירושלם הבאים בשערים האלה׃

    21כה אמר יהוה השמרו בנפשותיכם ואל תשאו משא ביום השבת והבאתם בשערי ירושלם׃

  • דה״א 26:19
    71%

    19אלה מחלקות השערים לבני הקרחי ולבני מררי׃

  • דה״ב 29:4
    71%

    4ויבא את הכהנים ואת הלוים ויאספם לרחוב המזרח׃

  • דה״ב 23:3
    71%

    3ויכרת כל הקהל ברית בבית האלהים עם המלך ויאמר להם הנה בן המלך ימלך כאשר דבר יהוה על בני דויד׃

  • יר׳ 22:4
    71%

    4כי אם עשו תעשו את הדבר הזה ובאו בשערי הבית הזה מלכים ישבים לדוד על כסאו רכבים ברכב ובסוסים הוא ועבדו ועמו׃

  • יח׳ 44:11
    71%

    11והיו במקדשי משרתים פקדות אל שערי הבית ומשרתים את הבית המה ישחטו את העלה ואת הזבח לעם והמה יעמדו לפניהם לשרתם׃

  • דה״א 23:28
    71%

    28כי מעמדם ליד בני אהרן לעבדת בית יהוה על החצרות ועל הלשכות ועל טהרת לכל קדש ומעשה עבדת בית האלהים׃

  • נח׳ 7:3
    71%

    3ויאמר להם לא יפתחו שערי ירושלם עד חם השמש ועד הם עמדים יגיפו הדלתות ואחזו והעמיד משמרות ישבי ירושלם איש במשמרו ואיש נגד ביתו׃

  • דה״ב 29:16
    71%

    16ויבאו הכהנים לפנימה בית יהוה לטהר ויוציאו את כל הטמאה אשר מצאו בהיכל יהוה לחצר בית יהוה ויקבלו הלוים להוציא לנחל קדרון חוצה׃

  • נח׳ 13:30
    71%

    30וטהרתים מכל נכר ואעמידה משמרות לכהנים וללוים איש במלאכתו׃

  • נח׳ 12:47
    71%

    47וכל ישראל בימי זרבבל ובימי נחמיה נתנים מניות המשררים והשערים דבר יום ביומו ומקדשים ללוים והלוים מקדשים לבני אהרן׃

  • יח׳ 44:14
    70%

    14ונתתי אותם שמרי משמרת הבית לכל עבדתו ולכל אשר יעשה בו׃

  • נח׳ 13:22
    70%

    22ואמרה ללוים אשר יהיו מטהרים ובאים שמרים השערים לקדש את יום השבת גם זאת זכרה לי אלהי וחוסה עלי כרב חסדך׃

  • דה״ב 31:16
    70%

    16מלבד התיחשם לזכרים מבן שלוש שנים ולמעלה לכל הבא לבית יהוה לדבר יום ביומו לעבודתם במשמרותם כמחלקותיהם׃