מלכים ב׳ 18:6

תנ ך עברי מודרני

וידבק ביהוה לא סר מאחריו וישמר מצותיו אשר צוה יהוה את משה׃

משאבים נוספים

פסוקים מקושרים

  • דב׳ 10:20 : 20 את יהוה אלהיך תירא אתו תעבד ובו תדבק ובשמו תשבע׃
  • יהוש׳ 23:8 : 8 כי אם ביהוה אלהיכם תדבקו כאשר עשיתם עד היום הזה׃
  • יוח 14:15 : 15 אם אהבתם אתי את מצותי תשמרו׃
  • יוח 14:21 : 21 מי אשר מצותי אתו וינצרן זה הוא אשר יאהבני ואהבי אהוב הוא לאבי ואני אהבהו ואליו אתודע׃
  • יוח 15:10 : 10 אם תשמרו את מצותי תעמדו באהבתי כאשר שמרתי גם אני את מצות אבי ועמדתי באהבתו׃
  • יוח 15:14 : 14 ואתם ידידי אתם אם תעשו את אשר אני מצוה אתכם׃
  • מע״ש 11:23 : 23 ויבא שמה וישמח כראתו את חסד האלהים ויזהר את כלם לדבקה באדון בלב נכון׃
  • יוח״א 5:3 : 3 כי זאת אהבת אלהים היא אשר נשמר את מצותיו ומצותיו אינן כבדות׃
  • מל״ב 17:13 : 13 ויעד יהוה בישראל וביהודה ביד כל נביאו כל חזה לאמר שבו מדרכיכם הרעים ושמרו מצותי חקותי ככל התורה אשר צויתי את אבתיכם ואשר שלחתי אליכם ביד עבדי הנביאים׃
  • מל״ב 17:16 : 16 ויעזבו את כל מצות יהוה אלהיהם ויעשו להם מסכה שנים עגלים ויעשו אשירה וישתחוו לכל צבא השמים ויעבדו את הבעל׃
  • מל״ב 17:19 : 19 גם יהודה לא שמר את מצות יהוה אלהיהם וילכו בחקות ישראל אשר עשו׃
  • יר׳ 11:4 : 4 אשר צויתי את אבותיכם ביום הוציאי אותם מארץ מצרים מכור הברזל לאמר שמעו בקולי ועשיתם אותם ככל אשר אצוה אתכם והייתם לי לעם ואנכי אהיה לכם לאלהים׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • מל״ב 18:5
    80%

    5ביהוה אלהי ישראל בטח ואחריו לא היה כמהו בכל מלכי יהודה ואשר היו לפניו׃

  • מל״ב 18:7
    79%

    7והיה יהוה עמו בכל אשר יצא ישכיל וימרד במלך אשור ולא עבדו׃

  • מל״ב 3:3
    76%

    3רק בחטאות ירבעם בן נבט אשר החטיא את ישראל דבק לא סר ממנה׃

  • מל״ב 23:25
    74%

    25וכמהו לא היה לפניו מלך אשר שב אל יהוה בכל לבבו ובכל נפשו ובכל מאדו ככל תורת משה ואחריו לא קם כמהו׃

  • דה״ב 17:3-4
    2 פסוקים
    74%

    3ויהי יהוה עם יהושפט כי הלך בדרכי דויד אביו הראשנים ולא דרש לבעלים׃

    4כי לאלהי אביו דרש ובמצותיו הלך ולא כמעשה ישראל׃

  • יהוש׳ 23:8
    74%

    8כי אם ביהוה אלהיכם תדבקו כאשר עשיתם עד היום הזה׃

  • דה״ב 34:2
    73%

    2ויעש הישר בעיני יהוה וילך בדרכי דויד אביו ולא סר ימין ושמאול׃

  • דב׳ 11:22
    73%

    22כי אם שמר תשמרון את כל המצוה הזאת אשר אנכי מצוה אתכם לעשתה לאהבה את יהוה אלהיכם ללכת בכל דרכיו ולדבקה בו׃

  • מל״ב 22:2
    73%

    2ויעש הישר בעיני יהוה וילך בכל דרך דוד אביו ולא סר ימין ושמאול׃

  • דה״ב 20:32
    73%

    32וילך בדרך אביו אסא ולא סר ממנה לעשות הישר בעיני יהוה׃

  • שמ״ב 22:22-23
    2 פסוקים
    72%

    22כי שמרתי דרכי יהוה ולא רשעתי מאלהי׃

    23כי כל משפטו לנגדי וחקתיו לא אסור ממנה׃

  • יהוש׳ 14:8
    72%

    8ואחי אשר עלו עמי המסיו את לב העם ואנכי מלאתי אחרי יהוה אלהי׃

  • דה״ב 31:21
    72%

    21ובכל מעשה אשר החל בעבודת בית האלהים ובתורה ובמצוה לדרש לאלהיו בכל לבבו עשה והצליח׃

  • תה׳ 18:21-22
    2 פסוקים
    72%

    21כי שמרתי דרכי יהוה ולא רשעתי מאלהי׃

    22כי כל משפטיו לנגדי וחקתיו לא אסיר מני׃

  • מל״א 8:61
    72%

    61והיה לבבכם שלם עם יהוה אלהינו ללכת בחקיו ולשמר מצותיו כיום הזה׃

  • מל״א 11:10
    71%

    10וצוה אליו על הדבר הזה לבלתי לכת אחרי אלהים אחרים ולא שמר את אשר צוה יהוה׃

  • דב׳ 13:4
    71%

    4אחרי יהוה אלהיכם תלכו ואתו תיראו ואת מצותיו תשמרו ובקלו תשמעו ואתו תעבדו ובו תדבקון׃

  • מל״א 15:5
    71%

    5אשר עשה דוד את הישר בעיני יהוה ולא סר מכל אשר צוהו כל ימי חייו רק בדבר אוריה החתי׃

  • דב׳ 6:17
    71%

    17שמור תשמרון את מצות יהוה אלהיכם ועדתיו וחקיו אשר צוך׃

  • מל״ב 21:22
    70%

    22ויעזב את יהוה אלהי אבתיו ולא הלך בדרך יהוה׃

  • מל״א 2:3-4
    2 פסוקים
    70%

    3ושמרת את משמרת יהוה אלהיך ללכת בדרכיו לשמר חקתיו מצותיו ומשפטיו ועדותיו ככתוב בתורת משה למען תשכיל את כל אשר תעשה ואת כל אשר תפנה שם׃

    4למען יקים יהוה את דברו אשר דבר עלי לאמר אם ישמרו בניך את דרכם ללכת לפני באמת בכל לבבם ובכל נפשם לאמר לא יכרת לך איש מעל כסא ישראל׃

  • דה״ב 6:14-16
    3 פסוקים
    70%

    14ויאמר יהוה אלהי ישראל אין כמוך אלהים בשמים ובארץ שמר הברית והחסד לעבדיך ההלכים לפניך בכל לבם׃

    15אשר שמרת לעבדך דויד אבי את אשר דברת לו ותדבר בפיך ובידך מלאת כיום הזה׃

    16ועתה יהוה אלהי ישראל שמר לעבדך דויד אבי את אשר דברת לו לאמר לא יכרת לך איש מלפני יושב על כסא ישראל רק אם ישמרו בניך את דרכם ללכת בתורתי כאשר הלכת לפני׃

  • דב׳ 17:20
    70%

    20לבלתי רום לבבו מאחיו ולבלתי סור מן המצוה ימין ושמאול למען יאריך ימים על ממלכתו הוא ובניו בקרב ישראל׃

  • מל״א 8:56-58
    3 פסוקים
    70%

    56ברוך יהוה אשר נתן מנוחה לעמו ישראל ככל אשר דבר לא נפל דבר אחד מכל דברו הטוב אשר דבר ביד משה עבדו׃

    57יהי יהוה אלהינו עמנו כאשר היה עם אבתינו אל יעזבנו ואל יטשנו׃

    58להטות לבבנו אליו ללכת בכל דרכיו ולשמר מצותיו וחקיו ומשפטיו אשר צוה את אבתינו׃

  • יהוש׳ 22:5
    70%

    5רק שמרו מאד לעשות את המצוה ואת התורה אשר צוה אתכם משה עבד יהוה לאהבה את יהוה אלהיכם וללכת בכל דרכיו ולשמר מצותיו ולדבקה בו ולעבדו בכל לבבכם ובכל נפשכם׃

  • מל״א 9:6
    70%

    6אם שוב תשבון אתם ובניכם מאחרי ולא תשמרו מצותי חקתי אשר נתתי לפניכם והלכתם ועבדתם אלהים אחרים והשתחויתם להם׃

  • יהוש׳ 1:17
    70%

    17ככל אשר שמענו אל משה כן נשמע אליך רק יהיה יהוה אלהיך עמך כאשר היה עם משה׃

  • דה״ב 34:33
    70%

    33ויסר יאשיהו את כל התועבות מכל הארצות אשר לבני ישראל ויעבד את כל הנמצא בישראל לעבוד את יהוה אלהיהם כל ימיו לא סרו מאחרי יהוה אלהי אבותיהם׃

  • יהוש׳ 1:5
    70%

    5לא יתיצב איש לפניך כל ימי חייך כאשר הייתי עם משה אהיה עמך לא ארפך ולא אעזבך׃

  • דה״ב 8:15
    69%

    15ולא סרו מצות המלך על הכהנים והלוים לכל דבר ולאצרות׃

  • מל״ב 18:12
    69%

    12על אשר לא שמעו בקול יהוה אלהיהם ויעברו את בריתו את כל אשר צוה משה עבד יהוה ולא שמעו ולא עשו׃

  • יהוש׳ 23:6
    69%

    6וחזקתם מאד לשמר ולעשות את כל הכתוב בספר תורת משה לבלתי סור ממנו ימין ושמאול׃

  • יהוש׳ 1:7
    69%

    7רק חזק ואמץ מאד לשמר לעשות ככל התורה אשר צוך משה עבדי אל תסור ממנו ימין ושמאול למען תשכיל בכל אשר תלך׃

  • במ׳ 17:11
    69%

    11ויעש משה כאשר צוה יהוה אתו כן עשה׃

  • מל״ב 18:3
    69%

    3ויעש הישר בעיני יהוה ככל אשר עשה דוד אביו׃

  • יהוש׳ 22:2
    69%

    2ויאמר אליהם אתם שמרתם את כל אשר צוה אתכם משה עבד יהוה ותשמעו בקולי לכל אשר צויתי אתכם׃

  • דה״ב 7:17
    69%

    17ואתה אם תלך לפני כאשר הלך דויד אביך ולעשות ככל אשר צויתיך וחקי ומשפטי תשמור׃

  • דה״ב 34:31
    69%

    31ויעמד המלך על עמדו ויכרת את הברית לפני יהוה ללכת אחרי יהוה ולשמור את מצותיו ועדותיו וחקיו בכל לבבו ובכל נפשו לעשות את דברי הברית הכתובים על הספר הזה׃

  • מל״א 14:8
    69%

    8ואקרע את הממלכה מבית דוד ואתנה לך ולא היית כעבדי דוד אשר שמר מצותי ואשר הלך אחרי בכל לבבו לעשות רק הישר בעיני׃

  • מל״א 9:4
    69%

    4ואתה אם תלך לפני כאשר הלך דוד אביך בתם לבב ובישר לעשות ככל אשר צויתיך חקי ומשפטי תשמר׃

  • יהוש׳ 11:15
    69%

    15כאשר צוה יהוה את משה עבדו כן צוה משה את יהושע וכן עשה יהושע לא הסיר דבר מכל אשר צוה יהוה את משה׃