שמות 31:4

תנ ך עברי מודרני

לחשב מחשבת לעשות בזהב ובכסף ובנחשת׃

משאבים נוספים

פסוקים מקושרים

  • שמ׳ 25:32-35 : 32 וששה קנים יצאים מצדיה שלשה קני מנרה מצדה האחד ושלשה קני מנרה מצדה השני׃ 33 שלשה גבעים משקדים בקנה האחד כפתר ופרח ושלשה גבעים משקדים בקנה האחד כפתר ופרח כן לששת הקנים היצאים מן המנרה׃ 34 ובמנרה ארבעה גבעים משקדים כפתריה ופרחיה׃ 35 וכפתר תחת שני הקנים ממנה וכפתר תחת שני הקנים ממנה וכפתר תחת שני הקנים ממנה לששת הקנים היצאים מן המנרה׃
  • שמ׳ 26:1 : 1 ¶ ואת המשכן תעשה עשר יריעת שש משזר ותכלת וארגמן ותלעת שני כרבים מעשה חשב תעשה אתם׃
  • שמ׳ 28:15 : 15 ועשית חשן משפט מעשה חשב כמעשה אפד תעשנו זהב תכלת וארגמן ותולעת שני ושש משזר תעשה אתו׃
  • מל״א 7:14 : 14 בן אשה אלמנה הוא ממטה נפתלי ואביו איש צרי חרש נחשת וימלא את החכמה ואת התבונה ואת הדעת לעשות כל מלאכה בנחשת ויבוא אל המלך שלמה ויעש את כל מלאכתו׃
  • דה״ב 2:7 : 7 ועתה שלח לי איש חכם לעשות בזהב ובכסף ובנחשת ובברזל ובארגון וכרמיל ותכלת וידע לפתח פתוחים עם החכמים אשר עמי ביהודה ובירושלם אשר הכין דויד אבי׃
  • דה״ב 2:13-14 : 13 ועתה שלחתי איש חכם יודע בינה לחורם אבי׃ 14 בן אשה מן בנות דן ואביו איש צרי יודע לעשות בזהב ובכסף בנחשת בברזל באבנים ובעצים בארגמן בתכלת ובבוץ ובכרמיל ולפתח כל פתוח ולחשב כל מחשבת אשר ינתן לו עם חכמיך וחכמי אדני דויד אביך׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • שמ׳ 35:31-35
    5 פסוקים
    94%

    31וימלא אתו רוח אלהים בחכמה בתבונה ובדעת ובכל מלאכה׃

    32ולחשב מחשבת לעשת בזהב ובכסף ובנחשת׃

    33ובחרשת אבן למלאת ובחרשת עץ לעשות בכל מלאכת מחשבת׃

    34ולהורת נתן בלבו הוא ואהליאב בן אחיסמך למטה דן׃

    35מלא אתם חכמת לב לעשות כל מלאכת חרש וחשב ורקם בתכלת ובארגמן בתולעת השני ובשש וארג עשי כל מלאכה וחשבי מחשבת׃

  • שמ׳ 31:5-6
    2 פסוקים
    88%

    5ובחרשת אבן למלאת ובחרשת עץ לעשות בכל מלאכה׃

    6ואני הנה נתתי אתו את אהליאב בן אחיסמך למטה דן ובלב כל חכם לב נתתי חכמה ועשו את כל אשר צויתך׃

  • שמ׳ 31:3
    83%

    3ואמלא אתו רוח אלהים בחכמה ובתבונה ובדעת ובכל מלאכה׃

  • דה״ב 2:7
    78%

    7ועתה שלח לי איש חכם לעשות בזהב ובכסף ובנחשת ובברזל ובארגון וכרמיל ותכלת וידע לפתח פתוחים עם החכמים אשר עמי ביהודה ובירושלם אשר הכין דויד אבי׃

  • יש׳ 40:19
    78%

    19הפסל נסך חרש וצרף בזהב ירקענו ורתקות כסף צורף׃

  • דה״א 29:4-5
    2 פסוקים
    78%

    4שלשת אלפים ככרי זהב מזהב אופיר ושבעת אלפים ככר כסף מזקק לטוח קירות הבתים׃

    5לזהב לזהב ולכסף לכסף ולכל מלאכה ביד חרשים ומי מתנדב למלאות ידו היום ליהוה׃

  • שמ׳ 36:1-2
    2 פסוקים
    78%

    1¶ ועשה בצלאל ואהליאב וכל איש חכם לב אשר נתן יהוה חכמה ותבונה בהמה לדעת לעשת את כל מלאכת עבדת הקדש לכל אשר צוה יהוה׃

    2ויקרא משה אל בצלאל ואל אהליאב ואל כל איש חכם לב אשר נתן יהוה חכמה בלבו כל אשר נשאו לבו לקרבה אל המלאכה לעשת אתה׃

  • דה״א 29:2
    77%

    2וככל כחי הכינותי לבית אלהי הזהב לזהב והכסף לכסף והנחשת לנחשת הברזל לברזל והעצים לעצים אבני שהם ומלואים אבני פוך ורקמה וכל אבן יקרה ואבני שיש לרב׃

  • יר׳ 10:9
    77%

    9כסף מרקע מתרשיש יובא וזהב מאופז מעשה חרש וידי צורף תכלת וארגמן לבושם מעשה חכמים כלם׃

  • דה״א 22:14-16
    3 פסוקים
    76%

    14והנה בעניי הכינותי לבית יהוה זהב ככרים מאה אלף וכסף אלף אלפים ככרים ולנחשת ולברזל אין משקל כי לרב היה ועצים ואבנים הכינותי ועליהם תוסיף׃

    15ועמך לרב עשי מלאכה חצבים וחרשי אבן ועץ וכל חכם בכל מלאכה׃

    16לזהב לכסף ולנחשת ולברזל אין מספר קום ועשה ויהי יהוה עמך׃

  • דה״ב 2:14
    75%

    14בן אשה מן בנות דן ואביו איש צרי יודע לעשות בזהב ובכסף בנחשת בברזל באבנים ובעצים בארגמן בתכלת ובבוץ ובכרמיל ולפתח כל פתוח ולחשב כל מחשבת אשר ינתן לו עם חכמיך וחכמי אדני דויד אביך׃

  • שמ׳ 39:3
    75%

    3וירקעו את פחי הזהב וקצץ פתילם לעשות בתוך התכלת ובתוך הארגמן ובתוך תולעת השני ובתוך השש מעשה חשב׃

  • שמ׳ 25:39
    74%

    39ככר זהב טהור יעשה אתה את כל הכלים האלה׃

  • איוב 28:1-2
    2 פסוקים
    73%

    1¶ כי יש לכסף מוצא ומקום לזהב יזקו׃

    2ברזל מעפר יקח ואבן יצוק נחושה׃

  • שמ׳ 37:24
    73%

    24ככר זהב טהור עשה אתה ואת כל כליה׃

  • שמ׳ 35:10
    73%

    10וכל חכם לב בכם יבאו ויעשו את כל אשר צוה יהוה׃

  • מש׳ 25:4
    73%

    4הגו סיגים מכסף ויצא לצרף כלי׃

  • שמ׳ 36:4
    71%

    4ויבאו כל החכמים העשים את כל מלאכת הקדש איש איש ממלאכתו אשר המה עשים׃

  • שמ׳ 37:2
    71%

    2ויצפהו זהב טהור מבית ומחוץ ויעש לו זר זהב סביב׃

  • דה״א 28:14
    71%

    14לזהב במשקל לזהב לכל כלי עבודה ועבודה לכל כלי הכסף במשקל לכל כלי עבודה ועבודה׃

  • תה׳ 115:4
    71%

    4עצביהם כסף וזהב מעשה ידי אדם׃

  • שמ׳ 38:23-24
    2 פסוקים
    71%

    23ואתו אהליאב בן אחיסמך למטה דן חרש וחשב ורקם בתכלת ובארגמן ובתולעת השני ובשש׃

    24כל הזהב העשוי למלאכה בכל מלאכת הקדש ויהי זהב התנופה תשע ועשרים ככר ושבע מאות ושלשים שקל בשקל הקדש׃

  • יש׳ 41:7
    71%

    7ויחזק חרש את צרף מחליק פטיש את הולם פעם אמר לדבק טוב הוא ויחזקהו במסמרים לא ימוט׃

  • שמ׳ 25:31
    71%

    31ועשית מנרת זהב טהור מקשה תעשה המנורה ירכה וקנה גביעיה כפתריה ופרחיה ממנה יהיו׃

  • שמ׳ 25:3
    71%

    3וזאת התרומה אשר תקחו מאתם זהב וכסף ונחשת׃

  • שמ׳ 39:8
    71%

    8ויעש את החשן מעשה חשב כמעשה אפד זהב תכלת וארגמן ותולעת שני ושש משזר׃

  • יש׳ 44:12-13
    2 פסוקים
    71%

    12חרש ברזל מעצד ופעל בפחם ובמקבות יצרהו ויפעלהו בזרוע כחו גם רעב ואין כח לא שתה מים וייעף׃

    13חרש עצים נטה קו יתארהו בשרד יעשהו במקצעות ובמחוגה יתארהו ויעשהו כתבנית איש כתפארת אדם לשבת בית׃

  • יח׳ 28:4
    71%

    4בחכמתך ובתבונתך עשית לך חיל ותעש זהב וכסף באוצרותיך׃

  • מל״א 6:35
    71%

    35וקלע כרובים ותמרות ופטרי צצים וצפה זהב מישר על המחקה׃

  • מל״א 7:14
    71%

    14בן אשה אלמנה הוא ממטה נפתלי ואביו איש צרי חרש נחשת וימלא את החכמה ואת התבונה ואת הדעת לעשות כל מלאכה בנחשת ויבוא אל המלך שלמה ויעש את כל מלאכתו׃

  • שמ׳ 31:1
    70%

    1¶ וידבר יהוה אל משה לאמר׃

  • דה״ב 4:18
    70%

    18ויעש שלמה כל הכלים האלה לרב מאד כי לא נחקר משקל הנחשת׃

  • דה״ב 4:9
    70%

    9ויעש חצר הכהנים והעזרה הגדולה ודלתות לעזרה ודלתותיהם צפה נחשת׃

  • שמ׳ 38:30
    70%

    30ויעש בה את אדני פתח אהל מועד ואת מזבח הנחשת ואת מכבר הנחשת אשר לו ואת כל כלי המזבח׃

  • דה״ב 4:11
    70%

    11ויעש חורם את הסירות ואת היעים ואת המזרקות ויכל חירם לעשות את המלאכה אשר עשה למלך שלמה בבית האלהים׃

  • שמ׳ 37:29
    70%

    29ויעש את שמן המשחה קדש ואת קטרת הסמים טהור מעשה רקח׃

  • שמ׳ 28:15
    70%

    15ועשית חשן משפט מעשה חשב כמעשה אפד תעשנו זהב תכלת וארגמן ותולעת שני ושש משזר תעשה אתו׃

  • שמ׳ 28:3
    70%

    3ואתה תדבר אל כל חכמי לב אשר מלאתיו רוח חכמה ועשו את בגדי אהרן לקדשו לכהנו לי׃