בראשית 28:2

תנ ך עברי מודרני

קום לך פדנה ארם ביתה בתואל אבי אמך וקח לך משם אשה מבנות לבן אחי אמך׃

משאבים נוספים

פסוקים מקושרים

  • בר׳ 25:20 : 20 ויהי יצחק בן ארבעים שנה בקחתו את רבקה בת בתואל הארמי מפדן ארם אחות לבן הארמי לו לאשה׃
  • הוש׳ 12:12 : 12 ויברח יעקב שדה ארם ויעבד ישראל באשה ובאשה שמר׃
  • בר׳ 28:5 : 5 וישלח יצחק את יעקב וילך פדנה ארם אל לבן בן בתואל הארמי אחי רבקה אם יעקב ועשו׃
  • בר׳ 29:1 : 1 ¶ וישא יעקב רגליו וילך ארצה בני קדם׃
  • בר׳ 31:18 : 18 וינהג את כל מקנהו ואת כל רכשו אשר רכש מקנה קנינו אשר רכש בפדן ארם לבוא אל יצחק אביו ארצה כנען׃
  • בר׳ 32:10 : 10 קטנתי מכל החסדים ומכל האמת אשר עשית את עבדך כי במקלי עברתי את הירדן הזה ועתה הייתי לשני מחנות׃
  • בר׳ 35:9 : 9 וירא אלהים אל יעקב עוד בבאו מפדן ארם ויברך אתו׃
  • בר׳ 46:15 : 15 אלה בני לאה אשר ילדה ליעקב בפדן ארם ואת דינה בתו כל נפש בניו ובנותיו שלשים ושלש׃
  • בר׳ 22:20-23 : 20 ויהי אחרי הדברים האלה ויגד לאברהם לאמר הנה ילדה מלכה גם הוא בנים לנחור אחיך׃ 21 את עוץ בכרו ואת בוז אחיו ואת קמואל אבי ארם׃ 22 ואת כשד ואת חזו ואת פלדש ואת ידלף ואת בתואל׃ 23 ובתואל ילד את רבקה שמנה אלה ילדה מלכה לנחור אחי אברהם׃
  • בר׳ 24:10 : 10 ויקח העבד עשרה גמלים מגמלי אדניו וילך וכל טוב אדניו בידו ויקם וילך אל ארם נהרים אל עיר נחור׃
  • בר׳ 24:15-24 : 15 ויהי הוא טרם כלה לדבר והנה רבקה יצאת אשר ילדה לבתואל בן מלכה אשת נחור אחי אברהם וכדה על שכמה׃ 16 והנער טבת מראה מאד בתולה ואיש לא ידעה ותרד העינה ותמלא כדה ותעל׃ 17 וירץ העבד לקראתה ויאמר הגמיאיני נא מעט מים מכדך׃ 18 ותאמר שתה אדני ותמהר ותרד כדה על ידה ותשקהו׃ 19 ותכל להשקתו ותאמר גם לגמליך אשאב עד אם כלו לשתת׃ 20 ותמהר ותער כדה אל השקת ותרץ עוד אל הבאר לשאב ותשאב לכל גמליו׃ 21 והאיש משתאה לה מחריש לדעת ההצליח יהוה דרכו אם לא׃ 22 ויהי כאשר כלו הגמלים לשתות ויקח האיש נזם זהב בקע משקלו ושני צמידים על ידיה עשרה זהב משקלם׃ 23 ויאמר בת מי את הגידי נא לי היש בית אביך מקום לנו ללין׃ 24 ותאמר אליו בת בתואל אנכי בן מלכה אשר ילדה לנחור׃
  • בר׳ 24:29 : 29 ולרבקה אח ושמו לבן וירץ לבן אל האיש החוצה אל העין׃
  • בר׳ 24:50 : 50 ויען לבן ובתואל ויאמרו מיהוה יצא הדבר לא נוכל דבר אליך רע או טוב׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • בר׳ 28:1
    86%

    1¶ ויקרא יצחק אל יעקב ויברך אתו ויצוהו ויאמר לו לא תקח אשה מבנות כנען׃

  • בר׳ 28:3-7
    5 פסוקים
    86%

    3ואל שדי יברך אתך ויפרך וירבך והיית לקהל עמים׃

    4ויתן לך את ברכת אברהם לך ולזרעך אתך לרשתך את ארץ מגריך אשר נתן אלהים לאברהם׃

    5וישלח יצחק את יעקב וילך פדנה ארם אל לבן בן בתואל הארמי אחי רבקה אם יעקב ועשו׃

    6וירא עשו כי ברך יצחק את יעקב ושלח אתו פדנה ארם לקחת לו משם אשה בברכו אתו ויצו עליו לאמר לא תקח אשה מבנות כנען׃

    7וישמע יעקב אל אביו ואל אמו וילך פדנה ארם׃

  • בר׳ 24:3-4
    2 פסוקים
    85%

    3ואשביעך ביהוה אלהי השמים ואלהי הארץ אשר לא תקח אשה לבני מבנות הכנעני אשר אנכי יושב בקרבו׃

    4כי אל ארצי ואל מולדתי תלך ולקחת אשה לבני ליצחק׃

  • בר׳ 24:37-38
    2 פסוקים
    83%

    37וישבעני אדני לאמר לא תקח אשה לבני מבנות הכנעני אשר אנכי ישב בארצו׃

    38אם לא אל בית אבי תלך ואל משפחתי ולקחת אשה לבני׃

  • בר׳ 25:20
    78%

    20ויהי יצחק בן ארבעים שנה בקחתו את רבקה בת בתואל הארמי מפדן ארם אחות לבן הארמי לו לאשה׃

  • בר׳ 31:17-18
    2 פסוקים
    78%

    17ויקם יעקב וישא את בניו ואת נשיו על הגמלים׃

    18וינהג את כל מקנהו ואת כל רכשו אשר רכש מקנה קנינו אשר רכש בפדן ארם לבוא אל יצחק אביו ארצה כנען׃

  • בר׳ 27:43
    78%

    43ועתה בני שמע בקלי וקום ברח לך אל לבן אחי חרנה׃

  • בר׳ 24:51
    78%

    51הנה רבקה לפניך קח ולך ותהי אשה לבן אדניך כאשר דבר יהוה׃

  • בר׳ 35:1
    77%

    1¶ ויאמר אלהים אל יעקב קום עלה בית אל ושב שם ועשה שם מזבח לאל הנראה אליך בברחך מפני עשו אחיך׃

  • בר׳ 31:13
    77%

    13אנכי האל בית אל אשר משחת שם מצבה אשר נדרת לי שם נדר עתה קום צא מן הארץ הזאת ושוב אל ארץ מולדתך׃

  • בר׳ 28:9-10
    2 פסוקים
    76%

    9וילך עשו אל ישמעאל ויקח את מחלת בת ישמעאל בן אברהם אחות נביות על נשיו לו לאשה׃

    10ויצא יעקב מבאר שבע וילך חרנה׃

  • בר׳ 31:3
    76%

    3ויאמר יהוה אל יעקב שוב אל ארץ אבותיך ולמולדתך ואהיה עמך׃

  • בר׳ 35:27
    76%

    27ויבא יעקב אל יצחק אביו ממרא קרית הארבע הוא חברון אשר גר שם אברהם ויצחק׃

  • בר׳ 24:7
    75%

    7יהוה אלהי השמים אשר לקחני מבית אבי ומארץ מולדתי ואשר דבר לי ואשר נשבע לי לאמר לזרעך אתן את הארץ הזאת הוא ישלח מלאכו לפניך ולקחת אשה לבני משם׃

  • בר׳ 24:40
    75%

    40ויאמר אלי יהוה אשר התהלכתי לפניו ישלח מלאכו אתך והצליח דרכך ולקחת אשה לבני ממשפחתי ומבית אבי׃

  • בר׳ 29:10
    75%

    10ויהי כאשר ראה יעקב את רחל בת לבן אחי אמו ואת צאן לבן אחי אמו ויגש יעקב ויגל את האבן מעל פי הבאר וישק את צאן לבן אחי אמו׃

  • בר׳ 24:29
    75%

    29ולרבקה אח ושמו לבן וירץ לבן אל האיש החוצה אל העין׃

  • בר׳ 29:12
    74%

    12ויגד יעקב לרחל כי אחי אביה הוא וכי בן רבקה הוא ותרץ ותגד לאביה׃

  • בר׳ 29:16
    74%

    16וללבן שתי בנות שם הגדלה לאה ושם הקטנה רחל׃

  • בר׳ 27:46
    74%

    46ותאמר רבקה אל יצחק קצתי בחיי מפני בנות חת אם לקח יעקב אשה מבנות חת כאלה מבנות הארץ למה לי חיים׃