בראשית 9:5

תנ ך עברי מודרני

ואך את דמכם לנפשתיכם אדרש מיד כל חיה אדרשנו ומיד האדם מיד איש אחיו אדרש את נפש האדם׃

משאבים נוספים

פסוקים מקושרים

  • שמ׳ 21:28-29 : 28 וכי יגח שור את איש או את אשה ומת סקול יסקל השור ולא יאכל את בשרו ובעל השור נקי׃ 29 ואם שור נגח הוא מתמל שלשם והועד בבעליו ולא ישמרנו והמית איש או אשה השור יסקל וגם בעליו יומת׃
  • בר׳ 4:9-9 : 9 ויאמר יהוה אל קין אי הבל אחיך ויאמר לא ידעתי השמר אחי אנכי׃ 10 ויאמר מה עשית קול דמי אחיך צעקים אלי מן האדמה׃
  • שמ׳ 21:12 : 12 מכה איש ומת מות יומת׃
  • שמ׳ 20:13 : 13 לא תרצח׃
  • ויק׳ 19:16 : 16 לא תלך רכיל בעמיך לא תעמד על דם רעך אני יהוה׃
  • במ׳ 35:31-33 : 31 ולא תקחו כפר לנפש רצח אשר הוא רשע למות כי מות יומת׃ 32 ולא תקחו כפר לנוס אל עיר מקלטו לשוב לשבת בארץ עד מות הכהן׃ 33 ולא תחניפו את הארץ אשר אתם בה כי הדם הוא יחניף את הארץ ולארץ לא יכפר לדם אשר שפך בה כי אם בדם שפכו׃
  • דב׳ 21:1-9 : 1 ¶ כי ימצא חלל באדמה אשר יהוה אלהיך נתן לך לרשתה נפל בשדה לא נודע מי הכהו׃ 2 ויצאו זקניך ושפטיך ומדדו אל הערים אשר סביבת החלל׃ 3 והיה העיר הקרבה אל החלל ולקחו זקני העיר ההוא עגלת בקר אשר לא עבד בה אשר לא משכה בעל׃ 4 והורדו זקני העיר ההוא את העגלה אל נחל איתן אשר לא יעבד בו ולא יזרע וערפו שם את העגלה בנחל׃ 5 ונגשו הכהנים בני לוי כי בם בחר יהוה אלהיך לשרתו ולברך בשם יהוה ועל פיהם יהיה כל ריב וכל נגע׃ 6 וכל זקני העיר ההוא הקרבים אל החלל ירחצו את ידיהם על העגלה הערופה בנחל׃ 7 וענו ואמרו ידינו לא שפכה את הדם הזה ועינינו לא ראו׃ 8 כפר לעמך ישראל אשר פדית יהוה ואל תתן דם נקי בקרב עמך ישראל ונכפר להם הדם׃ 9 ואתה תבער הדם הנקי מקרבך כי תעשה הישר בעיני יהוה׃
  • תה׳ 9:12 : 12 כי דרש דמים אותם זכר לא שכח צעקת עניים׃
  • מתי 23:35 : 35 למען יבא עליכם כל דם נקי הנשפך בארץ מדם הבל הצדיק עד דם זכריה בן ברכיה אשר רצחתם אותו בין ההיכל ולמזבח׃
  • מע״ש 17:26 : 26 ויושב כל עממי בני אדם על כל פני האדמה מדם אחד ויצב מועדים קבועים וגבולת מושבם׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • בר׳ 9:6-7
    2 פסוקים
    85%

    6שפך דם האדם באדם דמו ישפך כי בצלם אלהים עשה את האדם׃

    7ואתם פרו ורבו שרצו בארץ ורבו בה׃

  • בר׳ 9:2-4
    3 פסוקים
    81%

    2ומוראכם וחתכם יהיה על כל חית הארץ ועל כל עוף השמים בכל אשר תרמש האדמה ובכל דגי הים בידכם נתנו׃

    3כל רמש אשר הוא חי לכם יהיה לאכלה כירק עשב נתתי לכם את כל׃

    4אך בשר בנפשו דמו לא תאכלו׃

  • בר׳ 4:8-11
    4 פסוקים
    74%

    8ויאמר קין אל הבל אחיו ויהי בהיותם בשדה ויקם קין אל הבל אחיו ויהרגהו׃

    9ויאמר יהוה אל קין אי הבל אחיך ויאמר לא ידעתי השמר אחי אנכי׃

    10ויאמר מה עשית קול דמי אחיך צעקים אלי מן האדמה׃

    11ועתה ארור אתה מן האדמה אשר פצתה את פיה לקחת את דמי אחיך מידך׃

  • ויק׳ 24:21
    74%

    21ומכה בהמה ישלמנה ומכה אדם יומת׃

  • ויק׳ 24:17-18
    2 פסוקים
    74%

    17ואיש כי יכה כל נפש אדם מות יומת׃

    18ומכה נפש בהמה ישלמנה נפש תחת נפש׃

  • בר׳ 4:14-15
    2 פסוקים
    72%

    14הן גרשת אתי היום מעל פני האדמה ומפניך אסתר והייתי נע ונד בארץ והיה כל מצאי יהרגני׃

    15ויאמר לו יהוה לכן כל הרג קין שבעתים יקם וישם יהוה לקין אות לבלתי הכות אתו כל מצאו׃

  • ויק׳ 17:10-14
    5 פסוקים
    72%

    10ואיש איש מבית ישראל ומן הגר הגר בתוכם אשר יאכל כל דם ונתתי פני בנפש האכלת את הדם והכרתי אתה מקרב עמה׃

    11כי נפש הבשר בדם הוא ואני נתתיו לכם על המזבח לכפר על נפשתיכם כי הדם הוא בנפש יכפר׃

    12על כן אמרתי לבני ישראל כל נפש מכם לא תאכל דם והגר הגר בתוככם לא יאכל דם׃

    13ואיש איש מבני ישראל ומן הגר הגר בתוכם אשר יצוד ציד חיה או עוף אשר יאכל ושפך את דמו וכסהו בעפר׃

    14כי נפש כל בשר דמו בנפשו הוא ואמר לבני ישראל דם כל בשר לא תאכלו כי נפש כל בשר דמו הוא כל אכליו יכרת׃

  • יח׳ 35:6
    72%

    6לכן חי אני נאם אדני יהוה כי לדם אעשך ודם ירדפך אם לא דם שנאת ודם ירדפך׃

  • יח׳ 33:8
    70%

    8באמרי לרשע רשע מות תמות ולא דברת להזהיר רשע מדרכו הוא רשע בעונו ימות ודמו מידך אבקש׃

  • יח׳ 3:18
    70%

    18באמרי לרשע מות תמות ולא הזהרתו ולא דברת להזהיר רשע מדרכו הרשעה לחיתו הוא רשע בעונו ימות ודמו מידך אבקש׃

  • דב׳ 12:23
    70%

    23רק חזק לבלתי אכל הדם כי הדם הוא הנפש ולא תאכל הנפש עם הבשר׃

  • במ׳ 35:19
    69%

    19גאל הדם הוא ימית את הרצח בפגעו בו הוא ימיתנו׃

  • שמ״ב 4:11
    69%

    11אף כי אנשים רשעים הרגו את איש צדיק בביתו על משכבו ועתה הלוא אבקש את דמו מידכם ובערתי אתכם מן הארץ׃

  • יהוש׳ 2:19
    69%

    19והיה כל אשר יצא מדלתי ביתך החוצה דמו בראשו ואנחנו נקים וכל אשר יהיה אתך בבית דמו בראשנו אם יד תהיה בו׃

  • דב׳ 19:21
    69%

    21ולא תחוס עינך נפש בנפש עין בעין שן בשן יד ביד רגל ברגל׃

  • במ׳ 35:21
    69%

    21או באיבה הכהו בידו וימת מות יומת המכה רצח הוא גאל הדם ימית את הרצח בפגעו בו׃

  • בר׳ 9:10
    68%

    10ואת כל נפש החיה אשר אתכם בעוף בבהמה ובכל חית הארץ אתכם מכל יצאי התבה לכל חית הארץ׃

  • יח׳ 3:20
    68%

    20ובשוב צדיק מצדקו ועשה עול ונתתי מכשול לפניו הוא ימות כי לא הזהרתו בחטאתו ימות ולא תזכרן צדקתו אשר עשה ודמו מידך אבקש׃

  • בר׳ 1:30
    68%

    30ולכל חית הארץ ולכל עוף השמים ולכל רומש על הארץ אשר בו נפש חיה את כל ירק עשב לאכלה ויהי כן׃

  • ויק׳ 7:26-27
    2 פסוקים
    68%

    26וכל דם לא תאכלו בכל מושבתיכם לעוף ולבהמה׃

    27כל נפש אשר תאכל כל דם ונכרתה הנפש ההוא מעמיה׃

  • יח׳ 32:6
    68%

    6והשקיתי ארץ צפתך מדמך אל ההרים ואפקים ימלאון ממך׃

  • דב׳ 19:10
    68%

    10ולא ישפך דם נקי בקרב ארצך אשר יהוה אלהיך נתן לך נחלה והיה עליך דמים׃

  • דב׳ 13:9
    68%

    9כי הרג תהרגנו ידך תהיה בו בראשונה להמיתו ויד כל העם באחרנה׃

  • דב׳ 19:12
    67%

    12ושלחו זקני עירו ולקחו אתו משם ונתנו אתו ביד גאל הדם ומת׃

  • חבק׳ 2:17
    67%

    17כי חמס לבנון יכסך ושד בהמות יחיתן מדמי אדם וחמס ארץ קריה וכל ישבי בה׃

  • יח׳ 33:6
    67%

    6והצפה כי יראה את החרב באה ולא תקע בשופר והעם לא נזהר ותבוא חרב ותקח מהם נפש הוא בעונו נלקח ודמו מיד הצפה אדרש׃

  • שמ׳ 21:12
    67%

    12מכה איש ומת מות יומת׃

  • לוק 11:51
    67%

    51מדם הבל עד דם זכריהו אשר נהרג בין המזבח ולבית הן אמר אני לכם דרוש ידרש מן הדור הזה׃

  • במ׳ 35:33
    67%

    33ולא תחניפו את הארץ אשר אתם בה כי הדם הוא יחניף את הארץ ולארץ לא יכפר לדם אשר שפך בה כי אם בדם שפכו׃

  • בר׳ 42:22
    67%

    22ויען ראובן אתם לאמר הלוא אמרתי אליכם לאמר אל תחטאו בילד ולא שמעתם וגם דמו הנה נדרש׃