ישעיהו 23:15

תנ ך עברי מודרני

והיה ביום ההוא ונשכחת צר שבעים שנה כימי מלך אחד מקץ שבעים שנה יהיה לצר כשירת הזונה׃

משאבים נוספים

פסוקים מקושרים

  • יר׳ 25:22 : 22 ואת כל מלכי צר ואת כל מלכי צידון ואת מלכי האי אשר בעבר הים׃
  • יר׳ 27:3-7 : 3 ושלחתם אל מלך אדום ואל מלך מואב ואל מלך בני עמון ואל מלך צר ואל מלך צידון ביד מלאכים הבאים ירושלם אל צדקיהו מלך יהודה׃ 4 וצוית אתם אל אדניהם לאמר כה אמר יהוה צבאות אלהי ישראל כה תאמרו אל אדניכם׃ 5 אנכי עשיתי את הארץ את האדם ואת הבהמה אשר על פני הארץ בכחי הגדול ובזרועי הנטויה ונתתיה לאשר ישר בעיני׃ 6 ועתה אנכי נתתי את כל הארצות האלה ביד נבוכדנאצר מלך בבל עבדי וגם את חית השדה נתתי לו לעבדו׃ 7 ועבדו אתו כל הגוים ואת בנו ואת בן בנו עד בא עת ארצו גם הוא ועבדו בו גוים רבים ומלכים גדלים׃
  • יר׳ 29:10 : 10 כי כה אמר יהוה כי לפי מלאת לבבל שבעים שנה אפקד אתכם והקמתי עליכם את דברי הטוב להשיב אתכם אל המקום הזה׃
  • יח׳ 27:25 : 25 אניות תרשיש שרותיך מערבך ותמלאי ותכבדי מאד בלב ימים׃
  • יח׳ 29:11 : 11 לא תעבר בה רגל אדם ורגל בהמה לא תעבר בה ולא תשב ארבעים שנה׃
  • דנ׳ 7:14 : 14 ולה יהיב שלטן ויקר ומלכו וכל עממיא אמיא ולשניא לה יפלחון שלטנה שלטן עלם די לא יעדה ומלכותה די לא תתחבל׃
  • דנ׳ 8:21 : 21 והצפיר השעיר מלך יון והקרן הגדולה אשר בין עיניו הוא המלך הראשון׃
  • הוש׳ 2:15 : 15 ונתתי לה את כרמיה משם ואת עמק עכור לפתח תקוה וענתה שמה כימי נעוריה וכיום עלתה מארץ מצרים׃
  • התגל׳ 17:10 : 10 ושבעה מלכים המה חמשה מהם נפלו והאחד ישנו והאחר עוד לא בא והיה כי יבוא עמד יעמד לעת מעט׃
  • יר׳ 25:9-9 : 9 הנני שלח ולקחתי את כל משפחות צפון נאם יהוה ואל נבוכדראצר מלך בבל עבדי והבאתים על הארץ הזאת ועל ישביה ועל כל הגוים האלה סביב והחרמתים ושמתים לשמה ולשרקה ולחרבות עולם׃ 10 והאבדתי מהם קול ששון וקול שמחה קול חתן וקול כלה קול רחים ואור נר׃ 11 והיתה כל הארץ הזאת לחרבה לשמה ועבדו הגוים האלה את מלך בבל שבעים שנה׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • יש׳ 23:16-18
    3 פסוקים
    88%

    16קחי כנור סבי עיר זונה נשכחה היטיבי נגן הרבי שיר למען תזכרי׃

    17והיה מקץ שבעים שנה יפקד יהוה את צר ושבה לאתננה וזנתה את כל ממלכות הארץ על פני האדמה׃

    18והיה סחרה ואתננה קדש ליהוה לא יאצר ולא יחסן כי לישבים לפני יהוה יהיה סחרה לאכל לשבעה ולמכסה עתיק׃

  • יש׳ 23:14
    80%

    14הילילו אניות תרשיש כי שדד מעזכן׃

  • יש׳ 23:1-2
    2 פסוקים
    78%

    1¶ משא צר הילילו אניות תרשיש כי שדד מבית מבוא מארץ כתים נגלה למו׃

    2דמו ישבי אי סחר צידון עבר ים מלאוך׃

  • יח׳ 27:31-36
    6 פסוקים
    77%

    31והקריחו אליך קרחה וחגרו שקים ובכו אליך במר נפש מספד מר׃

    32ונשאו אליך בניהם קינה וקוננו עליך מי כצור כדמה בתוך הים׃

    33בצאת עזבוניך מימים השבעת עמים רבים ברב הוניך ומערביך העשרת מלכי ארץ׃

    34עת נשברת מימים במעמקי מים מערבך וכל קהלך בתוכך נפלו׃

    35כל ישבי האיים שממו עליך ומלכיהם שערו שער רעמו פנים׃

    36סחרים בעמים שרקו עליך בלהות היית ואינך עד עולם׃

  • יש׳ 23:4-8
    5 פסוקים
    76%

    4בושי צידון כי אמר ים מעוז הים לאמר לא חלתי ולא ילדתי ולא גדלתי בחורים רוממתי בתולות׃

    5כאשר שמע למצרים יחילו כשמע צר׃

    6עברו תרשישה הילילו ישבי אי׃

    7הזאת לכם עליזה מימי קדם קדמתה יבלוה רגליה מרחוק לגור׃

    8מי יעץ זאת על צר המעטירה אשר סחריה שרים כנעניה נכבדי ארץ׃

  • יר׳ 25:11-12
    2 פסוקים
    72%

    11והיתה כל הארץ הזאת לחרבה לשמה ועבדו הגוים האלה את מלך בבל שבעים שנה׃

    12והיה כמלאות שבעים שנה אפקד על מלך בבל ועל הגוי ההוא נאם יהוה את עונם ועל ארץ כשדים ושמתי אתו לשממות עולם׃

  • יח׳ 26:13-18
    6 פסוקים
    72%

    13והשבתי המון שיריך וקול כנוריך לא ישמע עוד׃

    14ונתתיך לצחיח סלע משטח חרמים תהיה לא תבנה עוד כי אני יהוה דברתי נאם אדני יהוה׃

    15כה אמר אדני יהוה לצור הלא מקול מפלתך באנק חלל בהרג הרג בתוכך ירעשו האיים׃

    16וירדו מעל כסאותם כל נשיאי הים והסירו את מעיליהם ואת בגדי רקמתם יפשטו חרדות ילבשו על הארץ ישבו וחרדו לרגעים ושממו עליך׃

    17ונשאו עליך קינה ואמרו לך איך אבדת נושבת מימים העיר ההללה אשר היתה חזקה בים היא וישביה אשר נתנו חתיתם לכל יושביה׃

    18עתה יחרדו האין יום מפלתך ונבהלו האיים אשר בים מצאתך׃

  • יח׳ 26:2-5
    4 פסוקים
    71%

    2בן אדם יען אשר אמרה צר על ירושלם האח נשברה דלתות העמים נסבה אלי אמלאה החרבה׃

    3לכן כה אמר אדני יהוה הנני עליך צר והעליתי עליך גוים רבים כהעלות הים לגליו׃

    4ושחתו חמות צר והרסו מגדליה וסחיתי עפרה ממנה ונתתי אותה לצחיח סלע׃

    5משטח חרמים תהיה בתוך הים כי אני דברתי נאם אדני יהוה והיתה לבז לגוים׃

  • יח׳ 27:2-3
    2 פסוקים
    71%

    2ואתה בן אדם שא על צר קינה׃

    3ואמרת לצור הישבתי על מבואת ים רכלת העמים אל איים רבים כה אמר אדני יהוה צור את אמרת אני כלילת יפי׃

  • יח׳ 27:25
    71%

    25אניות תרשיש שרותיך מערבך ותמלאי ותכבדי מאד בלב ימים׃

  • יש׳ 23:10
    70%

    10עברי ארצך כיאר בת תרשיש אין מזח עוד׃

  • עמ׳ 1:9-10
    2 פסוקים
    70%

    9כה אמר יהוה על שלשה פשעי צר ועל ארבעה לא אשיבנו על הסגירם גלות שלמה לאדום ולא זכרו ברית אחים׃

    10ושלחתי אש בחומת צר ואכלה ארמנותיה׃

  • זכ׳ 9:3-4
    2 פסוקים
    69%

    3ותבן צר מצור לה ותצבר כסף כעפר וחרוץ כטיט חוצות׃

    4הנה אדני יורשנה והכה בים חילה והיא באש תאכל׃

  • יש׳ 23:12
    69%

    12ויאמר לא תוסיפי עוד לעלוז המעשקה בתולת בת צידון כתיים קומי עברי גם שם לא ינוח לך׃

  • יר׳ 29:10
    68%

    10כי כה אמר יהוה כי לפי מלאת לבבל שבעים שנה אפקד אתכם והקמתי עליכם את דברי הטוב להשיב אתכם אל המקום הזה׃

  • יש׳ 47:7-8
    2 פסוקים
    68%

    7ותאמרי לעולם אהיה גברת עד לא שמת אלה על לבך לא זכרת אחריתה׃

    8ועתה שמעי זאת עדינה היושבת לבטח האמרה בלבבה אני ואפסי עוד לא אשב אלמנה ולא אדע שכול׃

  • יח׳ 16:35
    68%

    35לכן זונה שמעי דבר יהוה׃

  • יח׳ 27:27
    68%

    27הונך ועזבוניך מערבך מלחיך וחבליך מחזיקי בדקך וערבי מערבך וכל אנשי מלחמתך אשר בך ובכל קהלך אשר בתוכך יפלו בלב ימים ביום מפלתך׃

  • יח׳ 23:35
    67%

    35לכן כה אמר אדני יהוה יען שכחת אותי ותשליכי אותי אחרי גוך וגם את שאי זמתך ואת תזנותיך׃

  • יש׳ 3:26
    67%

    26ואנו ואבלו פתחיה ונקתה לארץ תשב׃

  • יר׳ 23:40
    67%

    40ונתתי עליכם חרפת עולם וכלמות עולם אשר לא תשכח׃

  • יח׳ 27:9
    67%

    9זקני גבל וחכמיה היו בך מחזיקי בדקך כל אניות הים ומלחיהם היו בך לערב מערבך׃

  • יח׳ 23:17
    67%

    17ויבאו אליה בני בבל למשכב דדים ויטמאו אותה בתזנותם ותטמא בם ותקע נפשה מהם׃

  • יח׳ 16:41
    66%

    41ושרפו בתיך באש ועשו בך שפטים לעיני נשים רבות והשבתיך מזונה וגם אתנן לא תתני עוד׃

  • יח׳ 23:30
    66%

    30עשה אלה לך בזנותך אחרי גוים על אשר נטמאת בגלוליהם׃