מרקוס 11:8

תנ ך עברי מודרני

ורבים פרשו את בגדיהם על הדרך ואחרים כרתו ענפים מן העצים וישטחו על הדרך׃

משאבים נוספים

פסוקים מקושרים

  • ויק׳ 23:40 : 40 ולקחתם לכם ביום הראשון פרי עץ הדר כפת תמרים וענף עץ עבת וערבי נחל ושמחתם לפני יהוה אלהיכם שבעת ימים׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • מתי 21:1-10
    10 פסוקים
    95%

    1¶ ויהי כאשר קרבו לירושלים ובאו אל בית פגי בהר הזיתים וישלח ישוע שנים מן התלמידים׃

    2ויאמר אליהם לכו אל הכפר אשר ממולכם שם תמצאו אתון אסורה ועיר עמה התירו אתם והביאו אלי׃

    3וכי יאמר איש אליכם דבר ואמרתם האדון צריך להם וברגע ישלחם׃

    4וכל זאת היתה למלאת הנאמר ביד הנביא לאמר׃

    5אמרו לבת ציון הנה מלכך יבוא לך עני ורכב על חמור ועל עיר בן אתנות׃

    6וילכו התלמידים ויעשו כאשר צוה אתם ישוע׃

    7ויביאו את האתון ואת העיר וישימו עליהם את בגדיהם וירכיבהו עליהם׃

    8ורב ההמון פרשו את בגדיהם על הדרך ואחרים כרתו ענפי עצים וישטחום על הדרך׃

    9והמון העם ההלכים לפניו ואחריו קראו לאמר הושע נא לבן דוד ברוך הבא בשם יהוה הושע נא במרומים׃

    10ויהי בבאו ירושלים ותהם כל העיר לאמר מי הוא זה׃

  • מרק 11:1-7
    7 פסוקים
    85%

    1¶ ויהי כאשר קרבו לירושלים אל בית פגי ובית היני בהר הזיתים וישלח שנים מתלמידיו׃

    2ויאמר אליהם לכו אל הכפר אשר ממולכם והיה כבאכם שמה תמצאו עיר אסור אשר לא ישב עליו אדם אותו התירו והביאו׃

    3וכי יאמר אליכם איש למה תעשו זאת ואמרתם האדון צריך לו וברגע ישלחנו הנה׃

    4וילכו וימצאו העיר אסור אל השער בחוץ על אם הדרך ויתירוהו׃

    5ואנשים מן העמדים שם אמרו אליהם מה זאת תעשו להתיר את העיר׃

    6ויאמרו אליהם כאשר צום ישוע ויניחו להם׃

    7ויביאו את העיר אל ישוע וישליכו עליו את בגדיהם וישב עליו׃

  • לוק 19:34-38
    5 פסוקים
    85%

    34ויאמרו האדון צריך לו׃

    35ויביאהו אל ישוע וישליכו את בגדיהם על העיר וירכיבו עליו את ישוע׃

    36ובנסעו הציעו את בגדיהם על הדרך׃

    37ויקרב אל מורד הר הזיתים ויחלו כל המון התלמידים לשבח את האלהים בשמחה ובקול גדול על כל הגבורות אשר ראו לאמר׃

    38ברוך המלך הבא בשם יהוה שלום בשמים וכבוד במרומים׃

  • מרק 11:9-11
    3 פסוקים
    84%

    9וההלכים לפניו ואחריו צעקים לאמר הושע נא ברוך הבא בשם יהוה׃

    10ברוכה מלכות דוד אבינו הבאה בשם יהוה הושע נא במרומים׃

    11ויבא ישוע ירושלים ואל בית המקדש וירא ויתבונן על הכל והיום רפה לערוב ויצא אל בית היני עם שנים העשר׃

  • יוח 12:12-16
    5 פסוקים
    81%

    12ויהי ממחרת כשמוע המון רב אשר באו לחג החג כי יבא ישוע ירושלים׃

    13ויקחו בידם כפות תמרים ויצאו לקראתו ויריעו לאמר הושע נא ברוך הבא בשם יהוה מלך ישראל׃

    14וימצא ישוע עיר אחד וירכב עליו כאשר כתוב׃

    15אל תיראי בת ציון הנה מלכך יבוא לך רכב על עיר בן אתנות׃

    16וכל זאת לא הבינו תלמידיו בראשונה אך אחרי אשר נתפאר ישוע זכרו כי כן כתוב עליו וכי זאת עשו לו׃

  • מרק 15:17-18
    2 פסוקים
    72%

    17וילבישהו ארגמן וישרגו עטרת קצים ויעטרהו׃

    18ויחלו לברכו לאמר שלום לך מלך היהודים׃

  • לוק 19:28-30
    3 פסוקים
    71%

    28ויכל לדבר הדברים האלה ויעבר לפניהם ויעל ירושלים׃

    29ויהי בקרבו אל בית פגי ובית היני בהר הנקרא הר הזיתים וישלח שנים מתלמידיו לאמר׃

    30לכו אל הכפר אשר ממולנו והיה בבואכם שמה תמצאו עיר אסור אשר לא ישב עליו אדם עד עתה התירו אתו והביאו׃

  • מתי 27:28-29
    2 פסוקים
    71%

    28ויפשיטו אותו את בגדיו ויעטפהו מעיל שני׃

    29וישרגו קצים ויעשו עטרת וישימו על ראשו וקנה בימינו ויכרעו לפניו ויתלוצצו בו לאמר שלום לך מלך היהודים׃

  • מתי 21:15
    71%

    15ויהי כראות הכהנים הגדולים והסופרים את הנפלאות אשר עשה ואת הילדים הצעקים במקדש ואמרים הושע נא לבן דוד ויחר להם׃

  • מרק 11:15
    70%

    15ויבאו ירושלים ויבא ישוע אל המקדש ויחל לגרש משם את המוכרים ואת הקונים ויהפך את שלחנות השלחנים ואת מושבות מכרי היונים׃

  • יוח 19:2-3
    2 פסוקים
    70%

    2וישרגו אנשי הצבא עטרת קצים וישימו אתו על ראשו ויעטהו לבוש ארגמן׃

    3ויאמרו שלום לך מלך היהודים ויכהו על הלחי׃

  • זכ׳ 9:9
    69%

    9גילי מאד בת ציון הריעי בת ירושלם הנה מלכך יבוא לך צדיק ונושע הוא עני ורכב על חמור ועל עיר בן אתנות׃

  • מרק 11:20
    69%

    20ויהי הם עברים בבקר ויראו את התאנה כי יבשה עם שרשיה׃

  • מרק 15:20
    69%

    20ואחרי התלוצצם בו הפשיטו אותו את הארגמן וילבישהו את בגדיו ויוציאהו לצלב אותו׃

  • נח׳ 8:15
    69%

    15ואשר ישמיעו ויעבירו קול בכל עריהם ובירושלם לאמר צאו ההר והביאו עלי זית ועלי עץ שמן ועלי הדס ועלי תמרים ועלי עץ עבת לעשת סכת ככתוב׃

  • יוח 2:15
    69%

    15ויקח חבלים ויעבתם לשוט ויגרש כלם מן המקדש ואת הצאן ואת הבקר ויפזר את מעות השלחנים ויהפך שלחנתיהם׃

  • מע״ש 22:23
    68%

    23ויהי בהיותם צעקים ומשליכים את בגדיהם מעליהם וזרקים עפר השמימה׃

  • מרק 12:8
    68%

    8ויחזיקו בו ויהרגו אותו וישליכהו אל מחוץ לכרם׃

  • מע״ש 21:35
    68%

    35ויהי כבואו עד המעלות וישאהו אנשי הצבא מפני חמת העם׃

  • מתי 27:31
    68%

    31ואחרי התלוצצם בו הפשיטו אותו את המעיל וילבישהו את בגדיו ויוליכהו לצלב׃