מתי 22:4

תנ ך עברי מודרני

ויסף שלח עבדים אחרים לאמר אמרו אל הקרואים הנה ערכתי את סעודתי שורי ומריאי טבוחים והכל מוכן באו אל החתנה׃

משאבים נוספים

פסוקים מקושרים

  • מתי 21:36 : 36 ויוסף שלח עבדים אחרים רבים מן הראשונים ויעשו ככה גם להם׃
  • מתי 22:8 : 8 אז אמר אל עבדיו הן החתנה מוכנה והקרואים לא היו ראוים לה׃
  • לוק 10:1-9 : 1 ¶ ואחרי כן הבדיל האדון עוד שבעים אחרים וישלחם לפניו שנים שנים אל כל עיר ומקום אשר בקש לבוא שמה׃ 2 ויאמר להם הן הקציר רב והפעלים מעטים לכן התחננו אל אדון הקציר וישלח פעלים לקצירו׃ 3 לכו נא הנני שלח אתכם ככבשים בין הזאבים׃ 4 אל תשאו כיס ולא תרמיל ולא נעלים ואל תשאלו לשלום איש בדרך׃ 5 ולכל בית אשר תבאו שם אמרו בראשונה שלום לבית הזה׃ 6 והיה כי יהיה שם בן שלום ונח עליו שלומכם ואם לא אליכם ישוב׃ 7 ובבית ההוא תשבו ותאכלו ותשתו משלהם כי שוה הפועל בשכרו אל תסעו מבית לבית׃ 8 וכל עיר אשר תבאו בה וקבלו אתכם אכלו שם את אשר ישימו לפניכם׃ 9 ורפאו את החולים אשר בקרבה ואמרו להם קרבה אליכם מלכות האלהים׃ 10 וכל עיר אשר תבאו בה ולא יקבלו אתכם צאו לכם אל רחובותיה ואמרו׃ 11 אף את עפר עירכם הנדבק ברגלינו ננערהו לכם אך ידע תדעו כי קרבה אליכם מלכות האלהים׃ 12 אני אמר אלכים כי לסדום יקל ביום ההוא מן העיר ההיא׃ 13 אוי לך כורזין אוי לך בית צידה כי הגבורות אשר נעשו בקרבכן אלו נעשו בצור ובצידון הלא כבר ישבו בשק ואפר ושבו׃ 14 אכן לצור וצידון יקל בדין מכם׃ 15 ואת כפר נחום אשר עד השמים התרוממת אל שאול תורדי׃ 16 השומע אליכם אלי הוא שומע והבוזה אתכם אותי הוא בוזה והבוזה אותי הוא בוזה את אשר שלחני׃
  • לוק 14:17 : 17 וישלח את עבדו לעת הסעודה לאמר אל הקרואים באו כי כבר מוכן הכל׃
  • לוק 24:46-47 : 46 ויאמר אליהם כן כתוב וכן נגזר אשר יענה המשיח ויקום מן המתים ביום השלישי׃ 47 ואשר תקרא בשמו תשובה וסליחת החטאים בכל הגוים החל מירושלים׃
  • יוח 6:50-57 : 50 זה הוא הלחם הירד מן השמים למען יאכל איש ממנו ולא ימות׃ 51 אנכי הלחם החי הירד מן השמים איש כי יאכל מן הלחם הזה יחיה לעולם והלחם אשר אתננו הוא בשרי אשר אני נתן בעד חיי העולם׃ 52 ויתוכחו היהודים איש עם רעהו לאמר איכה יוכל זה לתת לנו את בשרו לאכל׃ 53 ויאמר אליהם ישוע אמן אמן אני אמר לכם אם לא תאכלו את בשר בן האדם ושתיתם את דמו אין לכם חיים בקרבכם׃ 54 האכל את בשרי והשתה את דמי יש לו חיי עולמים ואני אקימנו ביום האחרון׃ 55 כי בשרי באמת הוא מאכל ודמי באמת הוא משקה׃ 56 האכל את בשרי ושתה את דמי הוא ילין בי ואני בו׃ 57 כאשר שלחני האב החי ואנכי חי בגלל אבי כן האכל אתי גם הוא יחיה בגללי׃
  • מע״ש 1:8 : 8 אבל תקבלו גבורה בבוא עליכם רוח הקדש והייתם עדי בירושלים ובכל יהודה ובשמרון ועד קצה הארץ׃
  • מע״ש 11:19-20 : 19 והנפוצים מפני הצרה אשר היתה על אודת אסטפנוס הלכו ובאו עד פינוקיא וקפרוס ואנטיוכיא ולא דברו את הדבר כי אם אל היהודים לבדם׃ 20 ויהי בתוכם אנשי קפרוס וקוריני אשר באו אל אנטיוכיא וידברו גם אל היונים ויבשרו אתם את האדון ישוע׃
  • מע״ש 13:46 : 46 אז הגידו פולוס ובר נבא על פניהם לאמר בדין היה להשמיע אתכם בראשונה את דבר האלהים ועתה אחרי אשר מאסתם אותו ואינכם זכים בעיניכם לחיי העולם לכן הננו פנים אל הגוים׃
  • מע״ש 28:17-31 : 17 ויהי אחרי שלשת ימים ויקרא פולוס אליו את ראשי היהודים ויקהלו אליו ויאמר אליהם אנשים אחים אף כי לא מעלתי מעל בעמנו ובחקות אבותינו אסרוני בירושלים וימסרוני לידי הרומיים׃ 18 והם אחרי חקרם אתי אמרו לפטרני כי לא נמצא בי משפט מות׃ 19 והיהודים קמו בי ואאנס לקרא את הקיסר לדיני אך אין נפשי לשטון את עמי בדבר׃ 20 ובעבור זאת קראתי לכם לראותכם ולדבר עמכם כי בגלל תקות ישראל אסור אני בכבל הזה׃ 21 ויאמרו אליו לא קבלנו על אדותיך אגרות מארץ יהודה ולא בא הנה אחד מן האחים אשר הגיד או דבר עליך דבר רע׃ 22 אמנם חפצים אנחנו לשמע את אשר בלבבך כי נודע לנו אשר בכל מקום יריבו אל הכת הזאת׃ 23 וישימו לו יום מועד ויבאו אליו רבים אל מלונו ויעד בהם ויבאר את מלכות אלהים ויוכח להם עניני ישוע מתורת משה ומן הנביאים מבקר עד ערב׃ 24 ויש אשר שמעו אל דבריו ויש אשר לא האמינו׃ 25 ויחלקו בדעתם ויסורו ללכת לדרכם בדבר פולוס הדבר האחד הזה היטב דבר רוח הקדש לאבותינו בפי ישעיהו הנביא לאמר׃ 26 לך ואמרת לעם הזה שמעו שמוע ואל תבינו וראו ראו ואל תדעו׃ 27 כי שמן לב העם הזה ואזניו כבדו ואת עיניו השע פן יראה בעיניו ובאזניו ישמע ולבבו יבין ושב ורפאתיו׃ 28 לכן דעו כי לגוים נשלחה תשועת אלהים והמה ישמעו׃ 29 ויהי בדברו זאת הלכו מאתו היהודים ויתוכחו הרבה איש עם רעהו׃ 30 ופולוס ישב שנתים ימים בביתו אשר שכר לו ויקבל את כל הבאים אליו׃ 31 ויקרא את מלכות האלהים וילמד את דרכי ישוע המשיח אדנינו בכל בטחון לבו ואין מנע׃
  • רומ 8:32 : 32 אשר על בנו יחידו לא חס כי אם נתנו בעד כלנו הלא גם יתן לנו עמו את הכל׃
  • קור״א 5:7-8 : 7 בערו את השאור הישן למען תהיו עסה חדשה הלא לחם מצות אתם כי גם לנו פסחנו הנזבח בעדנו הוא המשיח׃ 8 על כן נחגה נא החג לא בשאר ישן ולא בשאר הרע והרשע כי אם במצות הישר והאמת׃
  • נח׳ 9:17 : 17 וימאנו לשמע ולא זכרו נפלאתיך אשר עשית עמהם ויקשו את ערפם ויתנו ראש לשוב לעבדתם במרים ואתה אלוה סליחות חנון ורחום ארך אפים ורב וחסד ולא עזבתם׃
  • תה׳ 86:5 : 5 כי אתה אדני טוב וסלח ורב חסד לכל קראיך׃
  • מש׳ 9:1-2 : 1 ¶ חכמות בנתה ביתה חצבה עמודיה שבעה׃ 2 טבחה טבחה מסכה יינה אף ערכה שלחנה׃
  • שה״ש 5:1 : 1 ¶ באתי לגני אחתי כלה אריתי מורי עם בשמי אכלתי יערי עם דבשי שתיתי ייני עם חלבי אכלו רעים שתו ושכרו דודים׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • מתי 22:1-3
    3 פסוקים
    88%

    1¶ ויען ישוע ויסף דבר במשלים אליהם לאמר׃

    2דומה מלכות השמים למלך בשר ודם אשר עשה חתנה לבנו׃

    3וישלח את עבדיו לקרא הקרואים אל החתנה ולא אבו לבוא׃

  • מתי 22:5-14
    10 פסוקים
    86%

    5והם לא שתו לבם לזאת וילכו להם זה אל שדהו וזה אל מסחרו׃

    6והנשארים תפשו את עבדיו ויתעללו בם ויהרגום׃

    7ויקצף המלך וישלח צבאותיו ויאבד את המרצחים ההם ואת עירם שרף באש׃

    8אז אמר אל עבדיו הן החתנה מוכנה והקרואים לא היו ראוים לה׃

    9לכן לכו נא אל ראשי הדרכים וכל איש אשר תמצאו קראו אתו אל החתנה׃

    10ויצאו העבדים ההם אל הדרכים ויאספו את כל אשר מצאו גם רעים גם טובים וימלא בית החתנה מסבים׃

    11ויהי כבוא המלך לראות את המסבים וירא בהם איש ולא היה לבוש בגדי חתנה׃

    12ויאמר אליו רעי איכה באת הנה ואין לך בגדי חתנה ויאלם׃

    13ויאמר המלך למשרתים אסרו ידיו ורגליו ונשאתם והשלכתם אותו אל החשך החיצון שם תהיה היללה וחרק השנים׃

    14כי רבים הם הקרואים ומעטים הנבחרים׃

  • לוק 14:16-24
    9 פסוקים
    85%

    16והוא אמר אליו איש אחד עשה סעודה גדולה ויקרא לרבים׃

    17וישלח את עבדו לעת הסעודה לאמר אל הקרואים באו כי כבר מוכן הכל׃

    18ויחלו כלם פה אחד להתנצל ויאמר אליו הראשון שדה קניתי ועלי לצאת לראתו אבקש ממך נקני׃

    19ואחר אמר חמשת צמדי בקר קניתי ואני הלך לבחן אותם אבקש ממך נקני׃

    20ואחר אמר אשה לקחתי ובעבור זאת לא אוכל לבוא׃

    21ויבא העבד ויגד את הדברים האלה לאדניו ויקצף בעל הבית ויאמר לעבדו מהר צא אל רחבות העיר ואל הוצותיה והבא הנה את העניים ואת הנשברים ואת העורים ואת הפסחים׃

    22ויאמר העבד אדני כאשר צוית כן נעשה ויש עוד מקום׃

    23ויאמר האדון אל העבד צא אל הדרכים ואל הגדרות ופצר בהם לבוא למען ימלא ביתי׃

    24כי אני אמר לכם אין אחד מן האנשים הקרואים ההם אשר יטעם סעודתי׃

  • מתי 25:10-11
    2 פסוקים
    75%

    10ויהי בעת לכתן לקנות ויבוא החתן והנכנות ללכת באו אתו אל החתנה ותסגר הדלת׃

    11ואחרי כן באו גם שאר העלמות ותאמרנה אדנינו אדנינו פתח לנו׃

  • מתי 21:33-36
    4 פסוקים
    75%

    33משל אחר שמעו איש בעל בית היה ויטע האיש כרם ויעש גדר סביב לו ויחצב יקב ויבן מגדל בתוכו ויתנהו אל כרמים וילך בדרך מרחוק׃

    34ויהי בהגיע עת האסיף וישלח עבדיו אל הכרמים לקחת את פריו׃

    35ויחזיקו הכרמים בעבדיו את זה הכו ואת זה הרגו ואת זה סקלו׃

    36ויוסף שלח עבדים אחרים רבים מן הראשונים ויעשו ככה גם להם׃

  • לוק 14:7
    74%

    7וישא משלו אל הקרואים בראותו איך בחרו להם להסב בראש ויאמר אליהם׃

  • מרק 12:1-2
    2 פסוקים
    73%

    1¶ ויחל לדבר אליהם במשלים לאמר איש נטע כרם ויעש גדר סביבותיו ויחצב יקב ויבן מגדל ויתנהו אל כרמים וילך למרחקים׃

    2ולמועד שלח אל הכרמים עבד לקחת מאת הכרמים מפרי הכרם׃

  • לוק 15:22-23
    2 פסוקים
    73%

    22ויאמר האב אל עבדיו הוציאו את השמלה הטובה מכלן והלבישהו ותנו טבעת על ידו ונעלים ברגליו׃

    23והביאו את עגל המרבק וטבחו אתו ונאכלה ונשמח׃

  • לוק 12:36-37
    2 פסוקים
    73%

    36ואתם היו דמים לאנשים המחכים לאדניהם מתי ישוב מן החתנה וכאשר יבוא ודפק יפתחו לו כרגע׃

    37אשרי העבדים ההם אשר בבוא האדון ימצאם שקדים אמן אמר אני לכם כי יתאזר ויושיבם וילך לשרת אותם׃

  • לוק 20:10-12
    3 פסוקים
    72%

    10ולמועד שלח עבד אל הכרמים לתת לו מפרי הכרם והכרמים הכהו וישלחהו ריקם׃

    11ויסף שלח עבד אחר ויכו גם אתו ויחרפהו וישלחהו ריקם׃

    12ויסף לשלח שלישי וגם אתו פצעו ויגרשהו וידחפהו חוצה׃

  • לוק 17:7-8
    2 פסוקים
    71%

    7מי הוא זה מכם ולו עבד חרש או רעה אשר בבאו מן השדה יאמר אליו מהר גשה הנה והסב׃

    8הלא יאמר אליו הכן לי ארוחת הערב וחגר מתניך ושרתני עד אם כליתי לאכל ולשתות ואחר תאכל ותשתה גם אתה׃

  • לוק 12:45-46
    2 פסוקים
    71%

    45והעבד ההוא אם יאמר בלבו בשש אדני לבוא והחל להכות את העבדים ואת השפחות ולאכל ולשתות ולשכר׃

    46בוא יבוא אדני העבד ההוא ביום לא יצפה ובשעה לא ידע וישסף אותו וישים את חלקו עם הסוררים׃

  • מתי 24:49
    71%

    49ויחל להכות את חבריו ואכל ושתה עם הסובאים׃

  • מתי 18:23
    71%

    23על כן דומה מלכות השמים למלך בשר ודם אשר חפץ לעשות חשבון עם עבדיו׃

  • לוק 22:9
    71%

    9ויאמרו אליו באי זה מקום תחפץ כי נכין אותו׃

  • לוק 15:26
    71%

    26ויקרא אל אחד הנערים וישאל מה זאת׃

  • מתי 25:6
    70%

    6ויהי בחצות הלילה ותהי צוחה הנה החתן צאינה לקראתו׃

  • מרק 12:5
    70%

    5ויסף וישלח אחר וגם אתו הרגו וכן עשו ברבים אחרים מהם הכו ומהם הרגו׃

  • מתי 25:1
    70%

    1¶ אז תדמה מלכות השמים לעשר עלמות אשר לקחו את נרותיהן ותצאנה לקראת החתן׃

  • התגל׳ 19:7
    70%

    7נשמחה ונגילה ונתנה לו הכבוד כי באה חתנת השה ואשתו התקדשה׃