במדבר 4:15

תנ ך עברי מודרני

וכלה אהרן ובניו לכסת את הקדש ואת כל כלי הקדש בנסע המחנה ואחרי כן יבאו בני קהת לשאת ולא יגעו אל הקדש ומתו אלה משא בני קהת באהל מועד׃

משאבים נוספים

פסוקים מקושרים

  • שמ״ב 6:6-7 : 6 ויבאו עד גרן נכון וישלח עזא אל ארון האלהים ויאחז בו כי שמטו הבקר׃ 7 ויחר אף יהוה בעזה ויכהו שם האלהים על השל וימת שם עם ארון האלהים׃
  • במ׳ 7:9 : 9 ולבני קהת לא נתן כי עבדת הקדש עלהם בכתף ישאו׃
  • במ׳ 10:21 : 21 ונסעו הקהתים נשאי המקדש והקימו את המשכן עד באם׃
  • דב׳ 31:9 : 9 ויכתב משה את התורה הזאת ויתנה אל הכהנים בני לוי הנשאים את ארון ברית יהוה ואל כל זקני ישראל׃
  • דה״א 13:9-9 : 9 ויבאו עד גרן כידן וישלח עזא את ידו לאחז את הארון כי שמטו הבקר׃ 10 ויחר אף יהוה בעזא ויכהו על אשר שלח ידו על הארון וימת שם לפני אלהים׃
  • דה״א 15:2 : 2 אז אמר דויד לא לשאת את ארון האלהים כי אם הלוים כי בם בחר יהוה לשאת את ארון יהוה ולשרתו עד עולם׃
  • דה״א 15:15 : 15 וישאו בני הלוים את ארון האלהים כאשר צוה משה כדבר יהוה בכתפם במטות עליהם׃
  • עבר 12:18-29 : 18 כי לא באתם אל הר נמשש ובער באש ולא אל ענן וערפל וסערה׃ 19 ולא לקול שופר ולקול הדברים אשר שמעיו בקשו שלא יוסיף לדבר עמהם עוד׃ 20 כי לא יכלו לשאת את אשר צוו ואם בהמה תגע בהר סקל תקסל או ירה תירה בחצים׃ 21 והמראה היה נורא עד מאד ויאמר משה יגרתי וחרדתי׃ 22 כי אם באתם אל הר ציון ואל עיר אלהים חיים אל ירושלים שבשמים׃ 23 ואל עצרת רבבות המלאכים ועדת הבכורים הכתובים בשמים ואל אלהים שפט הכל ואל רוחות הצדיקים הנשלמים׃ 24 ואל ישוע סרסר הברית החדשה ואל דם ההזאה המיטיב דבר מדם הבל׃ 25 לכן ראו פן תמאנו לשמע אל המדבר כי הן לא נמלטו המאנים לשמע אל המדבר עמהם בארץ אף אנחנו אם נמאן לשמע בקול המדבר מן השמים׃ 26 אשר קולו הרעיש אז את הארץ ועתה זה הבטיח לאמר עוד אחת ואני מרעיש לא לבד את הארץ כי גם את השמים׃ 27 וזו עוד אחת שאמר משמיע חליפת הנרעשים אשר הם עשוים למען יעמד אשר איננו נרעש׃ 28 לכן אנחנו המקבלים מלכות אשר לא תמוט נבאה נא בתודה ונעבד בה את האלהים לרצון לו בצניעות וביראה׃ 29 כי אלהינו אש אכלה הוא׃
  • שמ״ב 6:13 : 13 ויהי כי צעדו נשאי ארון יהוה ששה צעדים ויזבח שור ומריא׃
  • יהוש׳ 4:10 : 10 והכהנים נשאי הארון עמדים בתוך הירדן עד תם כל הדבר אשר צוה יהוה את יהושע לדבר אל העם ככל אשר צוה משה את יהושע וימהרו העם ויעברו׃
  • שמ״א 6:19 : 19 ויך באנשי בית שמש כי ראו בארון יהוה ויך בעם שבעים איש חמשים אלף איש ויתאבלו העם כי הכה יהוה בעם מכה גדולה׃
  • שמ׳ 19:12 : 12 והגבלת את העם סביב לאמר השמרו לכם עלות בהר ונגע בקצהו כל הנגע בהר מות יומת׃
  • במ׳ 1:51 : 51 ובנסע המשכן יורידו אתו הלוים ובחנת המשכן יקימו אתו הלוים והזר הקרב יומת׃
  • במ׳ 3:30-31 : 30 ונשיא בית אב למשפחת הקהתי אליצפן בן עזיאל׃ 31 ומשמרתם הארן והשלחן והמנרה והמזבחת וכלי הקדש אשר ישרתו בהם והמסך וכל עבדתו׃
  • במ׳ 3:38 : 38 והחנים לפני המשכן קדמה לפני אהל מועד מזרחה משה ואהרן ובניו שמרים משמרת המקדש למשמרת בני ישראל והזר הקרב יומת׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • במ׳ 4:16-21
    6 פסוקים
    85%

    16ופקדת אלעזר בן אהרן הכהן שמן המאור וקטרת הסמים ומנחת התמיד ושמן המשחה פקדת כל המשכן וכל אשר בו בקדש ובכליו׃

    17וידבר יהוה אל משה ואל אהרן לאמר׃

    18אל תכריתו את שבט משפחת הקהתי מתוך הלוים׃

    19וזאת עשו להם וחיו ולא ימתו בגשתם את קדש הקדשים אהרן ובניו יבאו ושמו אותם איש איש על עבדתו ואל משאו׃

    20ולא יבאו לראות כבלע את הקדש ומתו׃

    21וידבר יהוה אל משה לאמר׃

  • במ׳ 4:4-6
    3 פסוקים
    84%

    4זאת עבדת בני קהת באהל מועד קדש הקדשים׃

    5ובא אהרן ובניו בנסע המחנה והורדו את פרכת המסך וכסו בה את ארן העדת׃

    6ונתנו עליו כסוי עור תחש ופרשו בגד כליל תכלת מלמעלה ושמו בדיו׃

  • במ׳ 7:9
    79%

    9ולבני קהת לא נתן כי עבדת הקדש עלהם בכתף ישאו׃

  • במ׳ 4:14
    78%

    14ונתנו עליו את כל כליו אשר ישרתו עליו בהם את המחתת את המזלגת ואת היעים ואת המזרקת כל כלי המזבח ופרשו עליו כסוי עור תחש ושמו בדיו׃

  • במ׳ 4:33-34
    2 פסוקים
    78%

    33זאת עבדת משפחת בני מררי לכל עבדתם באהל מועד ביד איתמר בן אהרן הכהן׃

    34ויפקד משה ואהרן ונשיאי העדה את בני הקהתי למשפחתם ולבית אבתם׃

  • במ׳ 4:36-37
    2 פסוקים
    78%

    36ויהיו פקדיהם למשפחתם אלפים שבע מאות וחמשים׃

    37אלה פקודי משפחת הקהתי כל העבד באהל מועד אשר פקד משה ואהרן על פי יהוה ביד משה׃

  • במ׳ 18:3
    78%

    3ושמרו משמרתך ומשמרת כל האהל אך אל כלי הקדש ואל המזבח לא יקרבו ולא ימתו גם הם גם אתם׃

  • במ׳ 4:1-2
    2 פסוקים
    77%

    1¶ וידבר יהוה אל משה ואל אהרן לאמר׃

    2נשא את ראש בני קהת מתוך בני לוי למשפחתם לבית אבתם׃

  • ויק׳ 10:4-6
    3 פסוקים
    77%

    4ויקרא משה אל מישאל ואל אלצפן בני עזיאל דד אהרן ויאמר אלהם קרבו שאו את אחיכם מאת פני הקדש אל מחוץ למחנה׃

    5ויקרבו וישאם בכתנתם אל מחוץ למחנה כאשר דבר משה׃

    6ויאמר משה אל אהרן ולאלעזר ולאיתמר בניו ראשיכם אל תפרעו ובגדיכם לא תפרמו ולא תמתו ועל כל העדה יקצף ואחיכם כל בית ישראל יבכו את השרפה אשר שרף יהוה׃

  • במ׳ 10:21
    76%

    21ונסעו הקהתים נשאי המקדש והקימו את המשכן עד באם׃

  • במ׳ 18:1
    76%

    1¶ ויאמר יהוה אל אהרן אתה ובניך ובית אביך אתך תשאו את עון המקדש ואתה ובניך אתך תשאו את עון כהנתכם׃

  • במ׳ 3:31
    76%

    31ומשמרתם הארן והשלחן והמנרה והמזבחת וכלי הקדש אשר ישרתו בהם והמסך וכל עבדתו׃

  • במ׳ 4:10-12
    3 פסוקים
    76%

    10ונתנו אתה ואת כל כליה אל מכסה עור תחש ונתנו על המוט׃

    11ועל מזבח הזהב יפרשו בגד תכלת וכסו אתו במכסה עור תחש ושמו את בדיו׃

    12ולקחו את כל כלי השרת אשר ישרתו בם בקדש ונתנו אל בגד תכלת וכסו אותם במכסה עור תחש ונתנו על המוט׃

  • שמ׳ 28:43
    75%

    43והיו על אהרן ועל בניו בבאם אל אהל מועד או בגשתם אל המזבח לשרת בקדש ולא ישאו עון ומתו חקת עולם לו ולזרעו אחריו׃

  • במ׳ 4:25
    75%

    25ונשאו את יריעת המשכן ואת אהל מועד מכסהו ומכסה התחש אשר עליו מלמעלה ואת מסך פתח אהל מועד׃

  • במ׳ 18:22
    74%

    22ולא יקרבו עוד בני ישראל אל אהל מועד לשאת חטא למות׃

  • דה״א 23:32
    74%

    32ושמרו את משמרת אהל מועד ואת משמרת הקדש ומשמרת בני אהרן אחיהם לעבדת בית יהוה׃

  • במ׳ 3:38
    74%

    38והחנים לפני המשכן קדמה לפני אהל מועד מזרחה משה ואהרן ובניו שמרים משמרת המקדש למשמרת בני ישראל והזר הקרב יומת׃

  • במ׳ 4:27
    74%

    27על פי אהרן ובניו תהיה כל עבדת בני הגרשני לכל משאם ולכל עבדתם ופקדתם עלהם במשמרת את כל משאם׃

  • במ׳ 1:50-51
    2 פסוקים
    74%

    50ואתה הפקד את הלוים על משכן העדת ועל כל כליו ועל כל אשר לו המה ישאו את המשכן ואת כל כליו והם ישרתהו וסביב למשכן יחנו׃

    51ובנסע המשכן יורידו אתו הלוים ובחנת המשכן יקימו אתו הלוים והזר הקרב יומת׃

  • שמ׳ 28:35
    74%

    35והיה על אהרן לשרת ונשמע קולו בבאו אל הקדש לפני יהוה ובצאתו ולא ימות׃

  • ויק׳ 16:23
    74%

    23ובא אהרן אל אהל מועד ופשט את בגדי הבד אשר לבש בבאו אל הקדש והניחם שם׃

  • במ׳ 18:32
    74%

    32ולא תשאו עליו חטא בהרימכם את חלבו ממנו ואת קדשי בני ישראל לא תחללו ולא תמותו׃

  • במ׳ 4:31
    73%

    31וזאת משמרת משאם לכל עבדתם באהל מועד קרשי המשכן ובריחיו ועמודיו ואדניו׃

  • ויק׳ 15:31
    73%

    31והזרתם את בני ישראל מטמאתם ולא ימתו בטמאתם בטמאם את משכני אשר בתוכם׃

  • שמ׳ 30:20
    73%

    20בבאם אל אהל מועד ירחצו מים ולא ימתו או בגשתם אל המזבח לשרת להקטיר אשה ליהוה׃

  • במ׳ 3:8
    73%

    8ושמרו את כל כלי אהל מועד ואת משמרת בני ישראל לעבד את עבדת המשכן׃

  • במ׳ 18:5
    73%

    5ושמרתם את משמרת הקדש ואת משמרת המזבח ולא יהיה עוד קצף על בני ישראל׃

  • ויק׳ 16:1-2
    2 פסוקים
    73%

    1¶ וידבר יהוה אל משה אחרי מות שני בני אהרן בקרבתם לפני יהוה וימתו׃

    2ויאמר יהוה אל משה דבר אל אהרן אחיך ואל יבא בכל עת אל הקדש מבית לפרכת אל פני הכפרת אשר על הארן ולא ימות כי בענן אראה על הכפרת׃

  • שמ׳ 31:10
    73%

    10ואת בגדי השרד ואת בגדי הקדש לאהרן הכהן ואת בגדי בניו לכהן׃

  • שמ׳ 29:30
    73%

    30שבעת ימים ילבשם הכהן תחתיו מבניו אשר יבא אל אהל מועד לשרת בקדש׃

  • שמ׳ 29:35
    73%

    35ועשית לאהרן ולבניו ככה ככל אשר צויתי אתכה שבעת ימים תמלא ידם׃

  • שמ׳ 35:19
    73%

    19את בגדי השרד לשרת בקדש את בגדי הקדש לאהרן הכהן ואת בגדי בניו לכהן׃

  • במ׳ 8:22
    72%

    22ואחרי כן באו הלוים לעבד את עבדתם באהל מועד לפני אהרן ולפני בניו כאשר צוה יהוה את משה על הלוים כן עשו להם׃