תהילים 106:41

תנ ך עברי מודרני

ויתנם ביד גוים וימשלו בהם שנאיהם׃

משאבים נוספים

פסוקים מקושרים

  • שופ׳ 2:14 : 14 ויחר אף יהוה בישראל ויתנם ביד שסים וישסו אותם וימכרם ביד אויביהם מסביב ולא יכלו עוד לעמד לפני אויביהם׃
  • שופ׳ 3:8 : 8 ויחר אף יהוה בישראל וימכרם ביד כושן רשעתים מלך ארם נהרים ויעבדו בני ישראל את כושן רשעתים שמנה שנים׃
  • שופ׳ 3:12 : 12 ויספו בני ישראל לעשות הרע בעיני יהוה ויחזק יהוה את עגלון מלך מואב על ישראל על כי עשו את הרע בעיני יהוה׃
  • שופ׳ 4:1-2 : 1 ¶ ויספו בני ישראל לעשות הרע בעיני יהוה ואהוד מת׃ 2 וימכרם יהוה ביד יבין מלך כנען אשר מלך בחצור ושר צבאו סיסרא והוא יושב בחרשת הגוים׃
  • שופ׳ 6:1-6 : 1 ¶ ויעשו בני ישראל הרע בעיני יהוה ויתנם יהוה ביד מדין שבע שנים׃ 2 ותעז יד מדין על ישראל מפני מדין עשו להם בני ישראל את המנהרות אשר בהרים ואת המערות ואת המצדות׃ 3 והיה אם זרע ישראל ועלה מדין ועמלק ובני קדם ועלו עליו׃ 4 ויחנו עליהם וישחיתו את יבול הארץ עד בואך עזה ולא ישאירו מחיה בישראל ושה ושור וחמור׃ 5 כי הם ומקניהם יעלו ואהליהם יבאו כדי ארבה לרב ולהם ולגמליהם אין מספר ויבאו בארץ לשחתה׃ 6 וידל ישראל מאד מפני מדין ויזעקו בני ישראל אל יהוה׃
  • שופ׳ 10:7-9 : 7 ויחר אף יהוה בישראל וימכרם ביד פלשתים וביד בני עמון׃ 8 וירעצו וירצצו את בני ישראל בשנה ההיא שמנה עשרה שנה את כל בני ישראל אשר בעבר הירדן בארץ האמרי אשר בגלעד׃ 9 ויעברו בני עמון את הירדן להלחם גם ביהודה ובבנימין ובבית אפרים ותצר לישראל מאד׃ 10 ויזעקו בני ישראל אל יהוה לאמר חטאנו לך וכי עזבנו את אלהינו ונעבד את הבעלים׃ 11 ויאמר יהוה אל בני ישראל הלא ממצרים ומן האמרי ומן בני עמון ומן פלשתים׃ 12 וצידונים ועמלק ומעון לחצו אתכם ותצעקו אלי ואושיעה אתכם מידם׃ 13 ואתם עזבתם אותי ותעבדו אלהים אחרים לכן לא אוסיף להושיע אתכם׃ 14 לכו וזעקו אל האלהים אשר בחרתם בם המה יושיעו לכם בעת צרתכם׃ 15 ויאמרו בני ישראל אל יהוה חטאנו עשה אתה לנו ככל הטוב בעיניך אך הצילנו נא היום הזה׃ 16 ויסירו את אלהי הנכר מקרבם ויעבדו את יהוה ותקצר נפשו בעמל ישראל׃ 17 ויצעקו בני עמון ויחנו בגלעד ויאספו בני ישראל ויחנו במצפה׃ 18 ויאמרו העם שרי גלעד איש אל רעהו מי האיש אשר יחל להלחם בבני עמון יהיה לראש לכל ישבי גלעד׃
  • נח׳ 9:27-38 : 27 ותתנם ביד צריהם ויצרו להם ובעת צרתם יצעקו אליך ואתה משמים תשמע וכרחמיך הרבים תתן להם מושיעים ויושיעום מיד צריהם׃ 28 וכנוח להם ישובו לעשות רע לפניך ותעזבם ביד איביהם וירדו בהם וישובו ויזעקוך ואתה משמים תשמע ותצילם כרחמיך רבות עתים׃ 29 ותעד בהם להשיבם אל תורתך והמה הזידו ולא שמעו למצותיך ובמשפטיך חטאו בם אשר יעשה אדם וחיה בהם ויתנו כתף סוררת וערפם הקשו ולא שמעו׃ 30 ותמשך עליהם שנים רבות ותעד בם ברוחך ביד נביאיך ולא האזינו ותתנם ביד עמי הארצת׃ 31 וברחמיך הרבים לא עשיתם כלה ולא עזבתם כי אל חנון ורחום אתה׃ 32 ועתה אלהינו האל הגדול הגבור והנורא שומר הברית והחסד אל ימעט לפניך את כל התלאה אשר מצאתנו למלכינו לשרינו ולכהנינו ולנביאנו ולאבתינו ולכל עמך מימי מלכי אשור עד היום הזה׃ 33 ואתה צדיק על כל הבא עלינו כי אמת עשית ואנחנו הרשענו׃ 34 ואת מלכינו שרינו כהנינו ואבתינו לא עשו תורתך ולא הקשיבו אל מצותיך ולעדותיך אשר העידת בהם׃ 35 והם במלכותם ובטובך הרב אשר נתת להם ובארץ הרחבה והשמנה אשר נתת לפניהם לא עבדוך ולא שבו ממעלליהם הרעים׃ 36 הנה אנחנו היום עבדים והארץ אשר נתתה לאבתינו לאכל את פריה ואת טובה הנה אנחנו עבדים עליה׃ 37 ותבואתה מרבה למלכים אשר נתתה עלינו בחטאותינו ועל גויתינו משלים ובבהמתנו כרצונם ובצרה גדולה אנחנו׃ 38 ובכל זאת אנחנו כרתים אמנה וכתבים ועל החתום שרינו לוינו כהנינו׃
  • דב׳ 28:25 : 25 יתנך יהוה נגף לפני איביך בדרך אחד תצא אליו ובשבעה דרכים תנוס לפניו והיית לזעוה לכל ממלכות הארץ׃
  • דב׳ 28:29 : 29 והיית ממשש בצהרים כאשר ימשש העור באפלה ולא תצליח את דרכיך והיית אך עשוק וגזול כל הימים ואין מושיע׃
  • דב׳ 28:33 : 33 פרי אדמתך וכל יגיעך יאכל עם אשר לא ידעת והיית רק עשוק ורצוץ כל הימים׃
  • דב׳ 28:48 : 48 ועבדת את איביך אשר ישלחנו יהוה בך ברעב ובצמא ובעירם ובחסר כל ונתן על ברזל על צוארך עד השמידו אתך׃
  • דב׳ 32:30 : 30 איכה ירדף אחד אלף ושנים יניסו רבבה אם לא כי צורם מכרם ויהוה הסגירם׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • תה׳ 106:42-44
    3 פסוקים
    86%

    42וילחצום אויביהם ויכנעו תחת ידם׃

    43פעמים רבות יצילם והמה ימרו בעצתם וימכו בעונם׃

    44וירא בצר להם בשמעו את רנתם׃

  • תה׳ 106:40
    78%

    40ויחר אף יהוה בעמו ויתעב את נחלתו׃

  • תה׳ 78:61-62
    2 פסוקים
    75%

    61ויתן לשבי עזו ותפארתו ביד צר׃

    62ויסגר לחרב עמו ובנחלתו התעבר׃

  • תה׳ 105:44
    75%

    44ויתן להם ארצות גוים ועמל לאמים יירשו׃

  • תה׳ 106:26-27
    2 פסוקים
    75%

    26וישא ידו להם להפיל אותם במדבר׃

    27ולהפיל זרעם בגוים ולזרותם בארצות׃

  • תה׳ 106:10
    74%

    10ויושיעם מיד שונא ויגאלם מיד אויב׃

  • שופ׳ 2:14-15
    2 פסוקים
    72%

    14ויחר אף יהוה בישראל ויתנם ביד שסים וישסו אותם וימכרם ביד אויביהם מסביב ולא יכלו עוד לעמד לפני אויביהם׃

    15בכל אשר יצאו יד יהוה היתה בם לרעה כאשר דבר יהוה וכאשר נשבע יהוה להם ויצר להם מאד׃

  • תה׳ 105:25
    72%

    25הפך לבם לשנא עמו להתנכל בעבדיו׃

  • תה׳ 107:39-40
    2 פסוקים
    71%

    39וימעטו וישחו מעצר רעה ויגון׃

    40שפך בוז על נדיבים ויתעם בתהו לא דרך׃

  • תה׳ 106:46
    71%

    46ויתן אותם לרחמים לפני כל שוביהם׃

  • תה׳ 44:10
    71%

    10תשיבנו אחור מני צר ומשנאינו שסו למו׃

  • איכה 5:8
    70%

    8עבדים משלו בנו פרק אין מידם׃

  • תה׳ 81:15
    70%

    15משנאי יהוה יכחשו לו ויהי עתם לעולם׃

  • יש׳ 47:6
    70%

    6קצפתי על עמי חללתי נחלתי ואתנם בידך לא שמת להם רחמים על זקן הכבדת עלך מאד׃

  • נח׳ 9:27
    70%

    27ותתנם ביד צריהם ויצרו להם ובעת צרתם יצעקו אליך ואתה משמים תשמע וכרחמיך הרבים תתן להם מושיעים ויושיעום מיד צריהם׃

  • שמ״א 12:9
    70%

    9וישכחו את יהוה אלהיהם וימכר אתם ביד סיסרא שר צבא חצור וביד פלשתים וביד מלך מואב וילחמו בם׃

  • תה׳ 78:55
    70%

    55ויגרש מפניהם גוים ויפילם בחבל נחלה וישכן באהליהם שבטי ישראל׃

  • נח׳ 9:30
    70%

    30ותמשך עליהם שנים רבות ותעד בם ברוחך ביד נביאיך ולא האזינו ותתנם ביד עמי הארצת׃

  • יח׳ 23:28
    70%

    28כי כה אמר אדני יהוה הנני נתנך ביד אשר שנאת ביד אשר נקעה נפשך מהם׃

  • איוב 16:11
    70%

    11יסגירני אל אל עויל ועל ידי רשעים ירטני׃

  • תה׳ 106:34-36
    3 פסוקים
    70%

    34לא השמידו את העמים אשר אמר יהוה להם׃

    35ויתערבו בגוים וילמדו מעשיהם׃

    36ויעבדו את עצביהם ויהיו להם למוקש׃

  • תה׳ 81:12
    69%

    12ואשלחהו בשרירות לבם ילכו במועצותיהם׃

  • תה׳ 135:12
    69%

    12ונתן ארצם נחלה נחלה לישראל עמו׃

  • יח׳ 31:11
    69%

    11ואתנהו ביד איל גוים עשו יעשה לו כרשעו גרשתהו׃

  • ויק׳ 26:17
    69%

    17ונתתי פני בכם ונגפתם לפני איביכם ורדו בכם שנאיכם ונסתם ואין רדף אתכם׃

  • שופ׳ 10:7
    69%

    7ויחר אף יהוה בישראל וימכרם ביד פלשתים וביד בני עמון׃

  • מל״ב 13:3
    69%

    3ויחר אף יהוה בישראל ויתנם ביד חזאל מלך ארם וביד בן הדד בן חזאל כל הימים׃

  • מל״ב 17:20
    68%

    20וימאס יהוה בכל זרע ישראל ויענם ויתנם ביד שסים עד אשר השליכם מפניו׃

  • תה׳ 107:11
    68%

    11כי המרו אמרי אל ועצת עליון נאצו׃

  • איכה 3:65
    68%

    65תתן להם מגנת לב תאלתך להם׃

  • תה׳ 106:24
    68%

    24וימאסו בארץ חמדה לא האמינו לדברו׃

  • מל״ב 21:14
    68%

    14ונטשתי את שארית נחלתי ונתתים ביד איביהם והיו לבז ולמשסה לכל איביהם׃

  • שמ״ב 22:41
    68%

    41ואיבי תתה לי ערף משנאי ואצמיתם׃

  • תה׳ 111:6
    68%

    6כח מעשיו הגיד לעמו לתת להם נחלת גוים׃

  • תה׳ 109:5
    68%

    5וישימו עלי רעה תחת טובה ושנאה תחת אהבתי׃

  • תה׳ 78:42
    68%

    42לא זכרו את ידו יום אשר פדם מני צר׃

  • איכה 4:16
    68%

    16פני יהוה חלקם לא יוסיף להביטם פני כהנים לא נשאו זקנים לא חננו׃

  • תה׳ 79:1
    68%

    1¶ מזמור לאסף אלהים באו גוים בנחלתך טמאו את היכל קדשך שמו את ירושלם לעיים׃

  • דב׳ 29:28
    68%

    28ויתשם יהוה מעל אדמתם באף ובחמה ובקצף גדול וישלכם אל ארץ אחרת כיום הזה׃

  • תה׳ 105:13
    67%

    13ויתהלכו מגוי אל גוי מממלכה אל עם אחר׃

  • תה׳ 47:3
    67%

    3ידבר עמים תחתינו ולאמים תחת רגלינו׃

  • יש׳ 51:23
    67%

    23ושמתיה ביד מוגיך אשר אמרו לנפשך שחי ונעברה ותשימי כארץ גוך וכחוץ לעברים׃