רות 4:7

תנ ך עברי מודרני

וזאת לפנים בישראל על הגאולה ועל התמורה לקים כל דבר שלף איש נעלו ונתן לרעהו וזאת התעודה בישראל׃

משאבים נוספים

פסוקים מקושרים

  • דב׳ 25:7-9 : 7 ואם לא יחפץ האיש לקחת את יבמתו ועלתה יבמתו השערה אל הזקנים ואמרה מאן יבמי להקים לאחיו שם בישראל לא אבה יבמי׃ 8 וקראו לו זקני עירו ודברו אליו ועמד ואמר לא חפצתי לקחתה׃ 9 ונגשה יבמתו אליו לעיני הזקנים וחלצה נעלו מעל רגלו וירקה בפניו וענתה ואמרה ככה יעשה לאיש אשר לא יבנה את בית אחיו׃ 10 ונקרא שמו בישראל בית חלוץ הנעל׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • רות 4:8-10
    3 פסוקים
    90%

    8ויאמר הגאל לבעז קנה לך וישלף נעלו׃

    9ויאמר בעז לזקנים וכל העם עדים אתם היום כי קניתי את כל אשר לאלימלך ואת כל אשר לכליון ומחלון מיד נעמי׃

    10וגם את רות המאביה אשת מחלון קניתי לי לאשה להקים שם המת על נחלתו ולא יכרת שם המת מעם אחיו ומשער מקומו עדים אתם היום׃

  • רות 4:1-6
    6 פסוקים
    76%

    1¶ ובעז עלה השער וישב שם והנה הגאל עבר אשר דבר בעז ויאמר סורה שבה פה פלני אלמני ויסר וישב׃

    2ויקח עשרה אנשים מזקני העיר ויאמר שבו פה וישבו׃

    3ויאמר לגאל חלקת השדה אשר לאחינו לאלימלך מכרה נעמי השבה משדה מואב׃

    4ואני אמרתי אגלה אזנך לאמר קנה נגד הישבים ונגד זקני עמי אם תגאל גאל ואם לא יגאל הגידה לי ואדע כי אין זולתך לגאול ואנכי אחריך ויאמר אנכי אגאל׃

    5ויאמר בעז ביום קנותך השדה מיד נעמי ומאת רות המואביה אשת המת קניתי להקים שם המת על נחלתו׃

    6ויאמר הגאל לא אוכל לגאול לי פן אשחית את נחלתי גאל לך אתה את גאלתי כי לא אוכל לגאל׃

  • דב׳ 25:7-11
    5 פסוקים
    74%

    7ואם לא יחפץ האיש לקחת את יבמתו ועלתה יבמתו השערה אל הזקנים ואמרה מאן יבמי להקים לאחיו שם בישראל לא אבה יבמי׃

    8וקראו לו זקני עירו ודברו אליו ועמד ואמר לא חפצתי לקחתה׃

    9ונגשה יבמתו אליו לעיני הזקנים וחלצה נעלו מעל רגלו וירקה בפניו וענתה ואמרה ככה יעשה לאיש אשר לא יבנה את בית אחיו׃

    10ונקרא שמו בישראל בית חלוץ הנעל׃

    11כי ינצו אנשים יחדו איש ואחיו וקרבה אשת האחד להציל את אישה מיד מכהו ושלחה ידה והחזיקה במבשיו׃

  • רות 3:12-14
    3 פסוקים
    66%

    12ועתה כי אמנם כי אם גאל אנכי וגם יש גאל קרוב ממני׃

    13ליני הלילה והיה בבקר אם יגאלך טוב יגאל ואם לא יחפץ לגאלך וגאלתיך אנכי חי יהוה שכבי עד הבקר׃

    14ותשכב מרגלתו עד הבקר ותקם בטרום יכיר איש את רעהו ויאמר אל יודע כי באה האשה הגרן׃

  • עמ׳ 2:6
    66%

    6כה אמר יהוה על שלשה פשעי ישראל ועל ארבעה לא אשיבנו על מכרם בכסף צדיק ואביון בעבור נעלים׃

  • ויק׳ 25:24-27
    4 פסוקים
    66%

    24ובכל ארץ אחזתכם גאלה תתנו לארץ׃

    25כי ימוך אחיך ומכר מאחזתו ובא גאלו הקרב אליו וגאל את ממכר אחיו׃

    26ואיש כי לא יהיה לו גאל והשיגה ידו ומצא כדי גאלתו׃

    27וחשב את שני ממכרו והשיב את העדף לאיש אשר מכר לו ושב לאחזתו׃

  • רות 3:7-9
    3 פסוקים
    66%

    7ויאכל בעז וישת וייטב לבו ויבא לשכב בקצה הערמה ותבא בלט ותגל מרגלתיו ותשכב׃

    8ויהי בחצי הלילה ויחרד האיש וילפת והנה אשה שכבת מרגלתיו׃

    9ויאמר מי את ותאמר אנכי רות אמתך ופרשת כנפך על אמתך כי גאל אתה׃

  • רות 2:1
    65%

    1¶ ולנעמי מידע לאישה איש גבור חיל ממשפחת אלימלך ושמו בעז׃

  • יש׳ 20:2
    65%

    2בעת ההיא דבר יהוה ביד ישעיהו בן אמוץ לאמר לך ופתחת השק מעל מתניך ונעלך תחלץ מעל רגליך ויעש כן הלך ערום ויחף׃

  • עמ׳ 8:6
    65%

    6לקנות בכסף דלים ואביון בעבור נעלים ומפל בר נשביר׃

  • רות 3:2-3
    2 פסוקים
    65%

    2ועתה הלא בעז מדעתנו אשר היית את נערותיו הנה הוא זרה את גרן השערים הלילה׃

    3ורחצת וסכת ושמת שמלתך עליך וירדתי הגרן אל תודעי לאיש עד כלתו לאכל ולשתות׃

  • יהוש׳ 5:15
    65%

    15ויאמר שר צבא יהוה אל יהושע של נעלך מעל רגלך כי המקום אשר אתה עמד עליו קדש הוא ויעש יהושע כן׃

  • דב׳ 24:13
    64%

    13השב תשיב לו את העבוט כבא השמש ושכב בשלמתו וברכך ולך תהיה צדקה לפני יהוה אלהיך׃

  • מש׳ 27:13
    64%

    13קח בגדו כי ערב זר ובעד נכריה חבלהו׃

  • רות 2:5
    64%

    5ויאמר בעז לנערו הנצב על הקוצרים למי הנערה הזאת׃

  • רות 2:11
    64%

    11ויען בעז ויאמר לה הגד הגד לי כל אשר עשית את חמותך אחרי מות אישך ותעזבי אביך ואמך וארץ מולדתך ותלכי אל עם אשר לא ידעת תמול שלשום׃

  • דב׳ 25:5
    64%

    5כי ישבו אחים יחדו ומת אחד מהם ובן אין לו לא תהיה אשת המת החוצה לאיש זר יבמה יבא עליה ולקחה לו לאשה ויבמה׃

  • רות 4:14
    64%

    14ותאמרנה הנשים אל נעמי ברוך יהוה אשר לא השבית לך גאל היום ויקרא שמו בישראל׃

  • שמ׳ 22:11
    64%

    11שבעת יהוה תהיה בין שניהם אם לא שלח ידו במלאכת רעהו ולקח בעליו ולא ישלם׃

  • יר׳ 32:11
    63%

    11ואקח את ספר המקנה את החתום המצוה והחקים ואת הגלוי׃

  • שמ׳ 22:26
    63%

    26אם חבל תחבל שלמת רעך עד בא השמש תשיבנו לו׃

  • במ׳ 27:11
    63%

    11ואם אין אחים לאביו ונתתם את נחלתו לשארו הקרב אליו ממשפחתו וירש אתה והיתה לבני ישראל לחקת משפט כאשר צוה יהוה את משה׃

  • מש׳ 20:16
    63%

    16לקח בגדו כי ערב זר ובעד נכרים חבלהו׃

  • יהוש׳ 9:5
    63%

    5ונעלות בלות ומטלאות ברגליהם ושלמות בלות עליהם וכל לחם צידם יבש היה נקדים׃

  • שמ״א 12:4
    63%

    4ויאמרו לא עשקתנו ולא רצותנו ולא לקחת מיד איש מאומה׃

  • יש׳ 4:1
    63%

    1¶ והחזיקו שבע נשים באיש אחד ביום ההוא לאמר לחמנו נאכל ושמלתנו נלבש רק יקרא שמך עלינו אסף חרפתנו׃

  • דב׳ 22:15
    63%

    15ולקח אבי הנער ואמה והוציאו את בתולי הנער אל זקני העיר השערה׃

  • שמ׳ 21:9
    63%

    9ואם לבנו ייעדנה כמשפט הבנות יעשה לה׃

  • דב׳ 15:2
    63%

    2וזה דבר השמטה שמוט כל בעל משה ידו אשר ישה ברעהו לא יגש את רעהו ואת אחיו כי קרא שמטה ליהוה׃

  • ויק׳ 25:49
    63%

    49או דדו או בן דדו יגאלנו או משאר בשרו ממשפחתו יגאלנו או השיגה ידו ונגאל׃

  • דב׳ 22:17
    63%

    17והנה הוא שם עלילת דברים לאמר לא מצאתי לבתך בתולים ואלה בתולי בתי ופרשו השמלה לפני זקני העיר׃