דברי הימים א׳ 29:5

תנ ך עברי מודרני

לזהב לזהב ולכסף לכסף ולכל מלאכה ביד חרשים ומי מתנדב למלאות ידו היום ליהוה׃

משאבים נוספים

פסוקים מקושרים

  • שמ׳ 25:2-9 : 2 דבר אל בני ישראל ויקחו לי תרומה מאת כל איש אשר ידבנו לבו תקחו את תרומתי׃ 3 וזאת התרומה אשר תקחו מאתם זהב וכסף ונחשת׃ 4 ותכלת וארגמן ותולעת שני ושש ועזים׃ 5 וערת אילם מאדמים וערת תחשים ועצי שטים׃ 6 שמן למאר בשמים לשמן המשחה ולקטרת הסמים׃ 7 אבני שהם ואבני מלאים לאפד ולחשן׃ 8 ועשו לי מקדש ושכנתי בתוכם׃ 9 ככל אשר אני מראה אותך את תבנית המשכן ואת תבנית כל כליו וכן תעשו׃
  • שמ׳ 35:5-9 : 5 קחו מאתכם תרומה ליהוה כל נדיב לבו יביאה את תרומת יהוה זהב וכסף ונחשת׃ 6 ותכלת וארגמן ותולעת שני ושש ועזים׃ 7 וערת אילם מאדמים וערת תחשים ועצי שטים׃ 8 ושמן למאור ובשמים לשמן המשחה ולקטרת הסמים׃ 9 ואבני שהם ואבני מלאים לאפוד ולחשן׃
  • במ׳ 7:2-3 : 2 ויקריבו נשיאי ישראל ראשי בית אבתם הם נשיאי המטת הם העמדים על הפקדים׃ 3 ויביאו את קרבנם לפני יהוה שש עגלת צב ושני עשר בקר עגלה על שני הנשאים ושור לאחד ויקריבו אותם לפני המשכן׃
  • במ׳ 7:10-89 : 10 ויקריבו הנשאים את חנכת המזבח ביום המשח אתו ויקריבו הנשיאם את קרבנם לפני המזבח׃ 11 ויאמר יהוה אל משה נשיא אחד ליום נשיא אחד ליום יקריבו את קרבנם לחנכת המזבח׃ 12 ויהי המקריב ביום הראשון את קרבנו נחשון בן עמינדב למטה יהודה׃ 13 וקרבנו קערת כסף אחת שלשים ומאה משקלה מזרק אחד כסף שבעים שקל בשקל הקדש שניהם מלאים סלת בלולה בשמן למנחה׃ 14 כף אחת עשרה זהב מלאה קטרת׃ 15 פר אחד בן בקר איל אחד כבש אחד בן שנתו לעלה׃ 16 שעיר עזים אחד לחטאת׃ 17 ולזבח השלמים בקר שנים אילם חמשה עתודים חמשה כבשים בני שנה חמשה זה קרבן נחשון בן עמינדב׃ 18 ביום השני הקריב נתנאל בן צוער נשיא יששכר׃ 19 הקרב את קרבנו קערת כסף אחת שלשים ומאה משקלה מזרק אחד כסף שבעים שקל בשקל הקדש שניהם מלאים סלת בלולה בשמן למנחה׃ 20 כף אחת עשרה זהב מלאה קטרת׃ 21 פר אחד בן בקר איל אחד כבש אחד בן שנתו לעלה׃ 22 שעיר עזים אחד לחטאת׃ 23 ולזבח השלמים בקר שנים אילם חמשה עתודים חמשה כבשים בני שנה חמשה זה קרבן נתנאל בן צוער׃ 24 ביום השלישי נשיא לבני זבולן אליאב בן חלן׃ 25 קרבנו קערת כסף אחת שלשים ומאה משקלה מזרק אחד כסף שבעים שקל בשקל הקדש שניהם מלאים סלת בלולה בשמן למנחה׃ 26 כף אחת עשרה זהב מלאה קטרת׃ 27 פר אחד בן בקר איל אחד כבש אחד בן שנתו לעלה׃ 28 שעיר עזים אחד לחטאת׃ 29 ולזבח השלמים בקר שנים אילם חמשה עתדים חמשה כבשים בני שנה חמשה זה קרבן אליאב בן חלן׃ 30 ביום הרביעי נשיא לבני ראובן אליצור בן שדיאור׃ 31 קרבנו קערת כסף אחת שלשים ומאה משקלה מזרק אחד כסף שבעים שקל בשקל הקדש שניהם מלאים סלת בלולה בשמן למנחה׃ 32 כף אחת עשרה זהב מלאה קטרת׃ 33 פר אחד בן בקר איל אחד כבש אחד בן שנתו לעלה׃ 34 שעיר עזים אחד לחטאת׃ 35 ולזבח השלמים בקר שנים אילם חמשה עתדים חמשה כבשים בני שנה חמשה זה קרבן אליצור בן שדיאור׃ 36 ביום החמישי נשיא לבני שמעון שלמיאל בן צורישדי׃ 37 קרבנו קערת כסף אחת שלשים ומאה משקלה מזרק אחד כסף שבעים שקל בשקל הקדש שניהם מלאים סלת בלולה בשמן למנחה׃ 38 כף אחת עשרה זהב מלאה קטרת׃ 39 פר אחד בן בקר איל אחד כבש אחד בן שנתו לעלה׃ 40 שעיר עזים אחד לחטאת׃ 41 ולזבח השלמים בקר שנים אילם חמשה עתדים חמשה כבשים בני שנה חמשה זה קרבן שלמיאל בן צורישדי׃ 42 ביום הששי נשיא לבני גד אליסף בן דעואל׃ 43 קרבנו קערת כסף אחת שלשים ומאה משקלה מזרק אחד כסף שבעים שקל בשקל הקדש שניהם מלאים סלת בלולה בשמן למנחה׃ 44 כף אחת עשרה זהב מלאה קטרת׃ 45 פר אחד בן בקר איל אחד כבש אחד בן שנתו לעלה׃ 46 שעיר עזים אחד לחטאת׃ 47 ולזבח השלמים בקר שנים אילם חמשה עתדים חמשה כבשים בני שנה חמשה זה קרבן אליסף בן דעואל׃ 48 ביום השביעי נשיא לבני אפרים אלישמע בן עמיהוד׃ 49 קרבנו קערת כסף אחת שלשים ומאה משקלה מזרק אחד כסף שבעים שקל בשקל הקדש שניהם מלאים סלת בלולה בשמן למנחה׃ 50 כף אחת עשרה זהב מלאה קטרת׃ 51 פר אחד בן בקר איל אחד כבש אחד בן שנתו לעלה׃ 52 שעיר עזים אחד לחטאת׃ 53 ולזבח השלמים בקר שנים אילם חמשה עתדים חמשה כבשים בני שנה חמשה זה קרבן אלישמע בן עמיהוד׃ 54 ביום השמיני נשיא לבני מנשה גמליאל בן פדהצור׃ 55 קרבנו קערת כסף אחת שלשים ומאה משקלה מזרק אחד כסף שבעים שקל בשקל הקדש שניהם מלאים סלת בלולה בשמן למנחה׃ 56 כף אחת עשרה זהב מלאה קטרת׃ 57 פר אחד בן בקר איל אחד כבש אחד בן שנתו לעלה׃ 58 שעיר עזים אחד לחטאת׃ 59 ולזבח השלמים בקר שנים אילם חמשה עתדים חמשה כבשים בני שנה חמשה זה קרבן גמליאל בן פדהצור׃ 60 ביום התשיעי נשיא לבני בנימן אבידן בן גדעני׃ 61 קרבנו קערת כסף אחת שלשים ומאה משקלה מזרק אחד כסף שבעים שקל בשקל הקדש שניהם מלאים סלת בלולה בשמן למנחה׃ 62 כף אחת עשרה זהב מלאה קטרת׃ 63 פר אחד בן בקר איל אחד כבש אחד בן שנתו לעלה׃ 64 שעיר עזים אחד לחטאת׃ 65 ולזבח השלמים בקר שנים אילם חמשה עתדים חמשה כבשים בני שנה חמשה זה קרבן אבידן בן גדעני׃ 66 ביום העשירי נשיא לבני דן אחיעזר בן עמישדי׃ 67 קרבנו קערת כסף אחת שלשים ומאה משקלה מזרק אחד כסף שבעים שקל בשקל הקדש שניהם מלאים סלת בלולה בשמן למנחה׃ 68 כף אחת עשרה זהב מלאה קטרת׃ 69 פר אחד בן בקר איל אחד כבש אחד בן שנתו לעלה׃ 70 שעיר עזים אחד לחטאת׃ 71 ולזבח השלמים בקר שנים אילם חמשה עתדים חמשה כבשים בני שנה חמשה זה קרבן אחיעזר בן עמישדי׃ 72 ביום עשתי עשר יום נשיא לבני אשר פגעיאל בן עכרן׃ 73 קרבנו קערת כסף אחת שלשים ומאה משקלה מזרק אחד כסף שבעים שקל בשקל הקדש שניהם מלאים סלת בלולה בשמן למנחה׃ 74 כף אחת עשרה זהב מלאה קטרת׃ 75 פר אחד בן בקר איל אחד כבש אחד בן שנתו לעלה׃ 76 שעיר עזים אחד לחטאת׃ 77 ולזבח השלמים בקר שנים אילם חמשה עתדים חמשה כבשים בני שנה חמשה זה קרבן פגעיאל בן עכרן׃ 78 ביום שנים עשר יום נשיא לבני נפתלי אחירע בן עינן׃ 79 קרבנו קערת כסף אחת שלשים ומאה משקלה מזרק אחד כסף שבעים שקל בשקל הקדש שניהם מלאים סלת בלולה בשמן למנחה׃ 80 כף אחת עשרה זהב מלאה קטרת׃ 81 פר אחד בן בקר איל אחד כבש אחד בן שנתו לעלה׃ 82 שעיר עזים אחד לחטאת׃ 83 ולזבח השלמים בקר שנים אילם חמשה עתדים חמשה כבשים בני שנה חמשה זה קרבן אחירע בן עינן׃ 84 זאת חנכת המזבח ביום המשח אתו מאת נשיאי ישראל קערת כסף שתים עשרה מזרקי כסף שנים עשר כפות זהב שתים עשרה׃ 85 שלשים ומאה הקערה האחת כסף ושבעים המזרק האחד כל כסף הכלים אלפים וארבע מאות בשקל הקדש׃ 86 כפות זהב שתים עשרה מלאת קטרת עשרה עשרה הכף בשקל הקדש כל זהב הכפות עשרים ומאה׃ 87 כל הבקר לעלה שנים עשר פרים אילם שנים עשר כבשים בני שנה שנים עשר ומנחתם ושעירי עזים שנים עשר לחטאת׃ 88 וכל בקר זבח השלמים עשרים וארבעה פרים אילם ששים עתדים ששים כבשים בני שנה ששים זאת חנכת המזבח אחרי המשח אתו׃ 89 ובבא משה אל אהל מועד לדבר אתו וישמע את הקול מדבר אליו מעל הכפרת אשר על ארן העדת מבין שני הכרבים וידבר אליו׃
  • עז׳ 1:4-6 : 4 וכל הנשאר מכל המקמות אשר הוא גר שם ינשאוהו אנשי מקמו בכסף ובזהב וברכוש ובבהמה עם הנדבה לבית האלהים אשר בירושלם׃ 5 ויקומו ראשי האבות ליהודה ובנימן והכהנים והלוים לכל העיר האלהים את רוחו לעלות לבנות את בית יהוה אשר בירושלם׃ 6 וכל סביבתיהם חזקו בידיהם בכלי כסף בזהב ברכוש ובבהמה ובמגדנות לבד על כל התנדב׃
  • עז׳ 2:68-69 : 68 ומראשי האבות בבואם לבית יהוה אשר בירושלם התנדבו לבית האלהים להעמידו על מכונו׃ 69 ככחם נתנו לאוצר המלאכה זהב דרכמונים שש רבאות ואלף וכסף מנים חמשת אלפים וכתנת כהנים מאה׃
  • עז׳ 7:15-16 : 15 ולהיבלה כסף ודהב די מלכא ויעטוהי התנדבו לאלה ישראל די בירושלם משכנה׃ 16 וכל כסף ודהב די תהשכח בכל מדינת בבל עם התנדבות עמא וכהניא מתנדבין לבית אלההם די בירושלם׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • דה״א 28:13-15
    3 פסוקים
    82%

    13ולמחלקות הכהנים והלוים ולכל מלאכת עבודת בית יהוה ולכל כלי עבודת בית יהוה׃

    14לזהב במשקל לזהב לכל כלי עבודה ועבודה לכל כלי הכסף במשקל לכל כלי עבודה ועבודה׃

    15ומשקל למנרות הזהב ונרתיהם זהב במשקל מנורה ומנורה ונרתיה ולמנרות הכסף במשקל למנורה ונרתיה כעבודת מנורה ומנורה׃

  • דה״א 29:6-7
    2 פסוקים
    81%

    6ויתנדבו שרי האבות ושרי שבטי ישראל ושרי האלפים והמאות ולשרי מלאכת המלך׃

    7ויתנו לעבודת בית האלהים זהב ככרים חמשת אלפים ואדרכנים רבו וכסף ככרים עשרת אלפים ונחשת רבו ושמונת אלפים ככרים וברזל מאה אלף ככרים׃

  • דה״א 29:2-4
    3 פסוקים
    81%

    2וככל כחי הכינותי לבית אלהי הזהב לזהב והכסף לכסף והנחשת לנחשת הברזל לברזל והעצים לעצים אבני שהם ומלואים אבני פוך ורקמה וכל אבן יקרה ואבני שיש לרב׃

    3ועוד ברצותי בבית אלהי יש לי סגלה זהב וכסף נתתי לבית אלהי למעלה מכל הכינותי לבית הקדש׃

    4שלשת אלפים ככרי זהב מזהב אופיר ושבעת אלפים ככר כסף מזקק לטוח קירות הבתים׃

  • שמ׳ 35:5
    79%

    5קחו מאתכם תרומה ליהוה כל נדיב לבו יביאה את תרומת יהוה זהב וכסף ונחשת׃

  • שמ׳ 35:32-33
    2 פסוקים
    78%

    32ולחשב מחשבת לעשת בזהב ובכסף ובנחשת׃

    33ובחרשת אבן למלאת ובחרשת עץ לעשות בכל מלאכת מחשבת׃

  • דה״א 22:14-16
    3 פסוקים
    78%

    14והנה בעניי הכינותי לבית יהוה זהב ככרים מאה אלף וכסף אלף אלפים ככרים ולנחשת ולברזל אין משקל כי לרב היה ועצים ואבנים הכינותי ועליהם תוסיף׃

    15ועמך לרב עשי מלאכה חצבים וחרשי אבן ועץ וכל חכם בכל מלאכה׃

    16לזהב לכסף ולנחשת ולברזל אין מספר קום ועשה ויהי יהוה עמך׃

  • שמ׳ 31:4-5
    2 פסוקים
    78%

    4לחשב מחשבת לעשות בזהב ובכסף ובנחשת׃

    5ובחרשת אבן למלאת ובחרשת עץ לעשות בכל מלאכה׃

  • שמ׳ 25:3
    77%

    3וזאת התרומה אשר תקחו מאתם זהב וכסף ונחשת׃

  • עז׳ 8:25-26
    2 פסוקים
    77%

    25ואשקולה להם את הכסף ואת הזהב ואת הכלים תרומת בית אלהינו ההרימו המלך ויעציו ושריו וכל ישראל הנמצאים׃

    26ואשקלה על ידם כסף ככרים שש מאות וחמשים וכלי כסף מאה לככרים זהב מאה ככר׃

  • דה״ב 2:7
    77%

    7ועתה שלח לי איש חכם לעשות בזהב ובכסף ובנחשת ובברזל ובארגון וכרמיל ותכלת וידע לפתח פתוחים עם החכמים אשר עמי ביהודה ובירושלם אשר הכין דויד אבי׃

  • שמ׳ 38:24
    76%

    24כל הזהב העשוי למלאכה בכל מלאכת הקדש ויהי זהב התנופה תשע ועשרים ככר ושבע מאות ושלשים שקל בשקל הקדש׃

  • יר׳ 10:9
    76%

    9כסף מרקע מתרשיש יובא וזהב מאופז מעשה חרש וידי צורף תכלת וארגמן לבושם מעשה חכמים כלם׃

  • עז׳ 7:15-16
    2 פסוקים
    76%

    15ולהיבלה כסף ודהב די מלכא ויעטוהי התנדבו לאלה ישראל די בירושלם משכנה׃

    16וכל כסף ודהב די תהשכח בכל מדינת בבל עם התנדבות עמא וכהניא מתנדבין לבית אלההם די בירושלם׃

  • עז׳ 1:6
    76%

    6וכל סביבתיהם חזקו בידיהם בכלי כסף בזהב ברכוש ובבהמה ובמגדנות לבד על כל התנדב׃

  • שמ׳ 25:39
    76%

    39ככר זהב טהור יעשה אתה את כל הכלים האלה׃

  • עז׳ 2:69
    76%

    69ככחם נתנו לאוצר המלאכה זהב דרכמונים שש רבאות ואלף וכסף מנים חמשת אלפים וכתנת כהנים מאה׃

  • יש׳ 40:19
    76%

    19הפסל נסך חרש וצרף בזהב ירקענו ורתקות כסף צורף׃

  • עז׳ 8:28
    76%

    28ואמרה אלהם אתם קדש ליהוה והכלים קדש והכסף והזהב נדבה ליהוה אלהי אבתיכם׃

  • יהוש׳ 6:19
    75%

    19וכל כסף וזהב וכלי נחשת וברזל קדש הוא ליהוה אוצר יהוה יבוא׃

  • שמ׳ 35:22
    75%

    22ויבאו האנשים על הנשים כל נדיב לב הביאו חח ונזם וטבעת וכומז כל כלי זהב וכל איש אשר הניף תנופת זהב ליהוה׃

  • עז׳ 7:18-19
    2 פסוקים
    75%

    18ומה די עליך ועל אחיך ייטב בשאר כספא ודהבה למעבד כרעות אלהכם תעבדון׃

    19ומאניא די מתיהבין לך לפלחן בית אלהך השלם קדם אלה ירושלם׃

  • מל״ב 22:5-6
    2 פסוקים
    74%

    5ויתנה על יד עשי המלאכה המפקדים בבית יהוה ויתנו אתו לעשי המלאכה אשר בבית יהוה לחזק בדק הבית׃

    6לחרשים ולבנים ולגדרים ולקנות עצים ואבני מחצב לחזק את הבית׃

  • שמ׳ 36:1
    74%

    1¶ ועשה בצלאל ואהליאב וכל איש חכם לב אשר נתן יהוה חכמה ותבונה בהמה לדעת לעשת את כל מלאכת עבדת הקדש לכל אשר צוה יהוה׃

  • עז׳ 1:4
    74%

    4וכל הנשאר מכל המקמות אשר הוא גר שם ינשאוהו אנשי מקמו בכסף ובזהב וברכוש ובבהמה עם הנדבה לבית האלהים אשר בירושלם׃

  • דה״א 28:17
    74%

    17והמזלגות והמזרקות והקשות זהב טהור ולכפורי הזהב במשקל לכפור וכפור ולכפורי הכסף במשקל לכפור וכפור׃

  • שמ׳ 35:29
    74%

    29כל איש ואשה אשר נדב לבם אתם להביא לכל המלאכה אשר צוה יהוה לעשות ביד משה הביאו בני ישראל נדבה ליהוה׃

  • שמ׳ 35:35
    73%

    35מלא אתם חכמת לב לעשות כל מלאכת חרש וחשב ורקם בתכלת ובארגמן בתולעת השני ובשש וארג עשי כל מלאכה וחשבי מחשבת׃

  • שמ׳ 35:24
    73%

    24כל מרים תרומת כסף ונחשת הביאו את תרומת יהוה וכל אשר נמצא אתו עצי שטים לכל מלאכת העבדה הביאו׃

  • שמ׳ 37:24
    73%

    24ככר זהב טהור עשה אתה ואת כל כליה׃

  • שמ׳ 38:27
    73%

    27ויהי מאת ככר הכסף לצקת את אדני הקדש ואת אדני הפרכת מאת אדנים למאת הככר ככר לאדן׃

  • מל״ב 12:11
    73%

    11ונתנו את הכסף המתכן על יד עשי המלאכה הפקדים בית יהוה ויוציאהו לחרשי העץ ולבנים העשים בית יהוה׃

  • דה״ב 34:10
    73%

    10ויתנו על יד עשה המלאכה המפקדים בבית יהוה ויתנו אתו עושי המלאכה אשר עשים בבית יהוה לבדוק ולחזק הבית׃

  • דה״א 29:16
    73%

    16יהוה אלהינו כל ההמון הזה אשר הכיננו לבנות לך בית לשם קדשך מידך היא ולך הכל׃

  • דה״ב 24:12
    73%

    12ויתנהו המלך ויהוידע אל עושה מלאכת עבודת בית יהוה ויהיו שכרים חצבים וחרשים לחדש בית יהוה וגם לחרשי ברזל ונחשת לחזק את בית יהוה׃

  • מל״ב 12:14
    73%

    14כי לעשי המלאכה יתנהו וחזקו בו את בית יהוה׃

  • תה׳ 135:15
    73%

    15עצבי הגוים כסף וזהב מעשה ידי אדם׃