שמות 28:4

תנ ך עברי מודרני

ואלה הבגדים אשר יעשו חשן ואפוד ומעיל וכתנת תשבץ מצנפת ואבנט ועשו בגדי קדש לאהרן אחיך ולבניו לכהנו לי׃

משאבים נוספים

פסוקים מקושרים

  • שמ׳ 28:39-40 : 39 ושבצת הכתנת שש ועשית מצנפת שש ואבנט תעשה מעשה רקם׃ 40 ולבני אהרן תעשה כתנת ועשית להם אבנטים ומגבעות תעשה להם לכבוד ולתפארת׃
  • שמ׳ 39:2-5 : 2 ויעש את האפד זהב תכלת וארגמן ותולעת שני ושש משזר׃ 3 וירקעו את פחי הזהב וקצץ פתילם לעשות בתוך התכלת ובתוך הארגמן ובתוך תולעת השני ובתוך השש מעשה חשב׃ 4 כתפת עשו לו חברת על שני קצוותו חבר׃ 5 וחשב אפדתו אשר עליו ממנו הוא כמעשהו זהב תכלת וארגמן ותולעת שני ושש משזר כאשר צוה יהוה את משה׃
  • שמ׳ 39:8-9 : 8 ויעש את החשן מעשה חשב כמעשה אפד זהב תכלת וארגמן ותולעת שני ושש משזר׃ 9 רבוע היה כפול עשו את החשן זרת ארכו וזרת רחבו כפול׃ 10 וימלאו בו ארבעה טורי אבן טור אדם פטדה וברקת הטור האחד׃ 11 והטור השני נפך ספיר ויהלם׃ 12 והטור השלישי לשם שבו ואחלמה׃ 13 והטור הרביעי תרשיש שהם וישפה מוסבת משבצות זהב במלאתם׃ 14 והאבנים על שמת בני ישראל הנה שתים עשרה על שמתם פתוחי חתם איש על שמו לשנים עשר שבט׃ 15 ויעשו על החשן שרשרת גבלת מעשה עבת זהב טהור׃ 16 ויעשו שתי משבצת זהב ושתי טבעת זהב ויתנו את שתי הטבעת על שני קצות החשן׃ 17 ויתנו שתי העבתת הזהב על שתי הטבעת על קצות החשן׃ 18 ואת שתי קצות שתי העבתת נתנו על שתי המשבצת ויתנם על כתפת האפד אל מול פניו׃ 19 ויעשו שתי טבעת זהב וישימו על שני קצות החשן על שפתו אשר אל עבר האפד ביתה׃ 20 ויעשו שתי טבעת זהב ויתנם על שתי כתפת האפד מלמטה ממול פניו לעמת מחברתו ממעל לחשב האפד׃ 21 וירכסו את החשן מטבעתיו אל טבעת האפד בפתיל תכלת להית על חשב האפד ולא יזח החשן מעל האפד כאשר צוה יהוה את משה׃ 22 ויעש את מעיל האפד מעשה ארג כליל תכלת׃
  • שמ׳ 39:25-26 : 25 ויעשו פעמני זהב טהור ויתנו את הפעמנים בתוך הרמנים על שולי המעיל סביב בתוך הרמנים׃ 26 פעמן ורמן פעמן ורמן על שולי המעיל סביב לשרת כאשר צוה יהוה את משה׃
  • שמ׳ 39:28 : 28 ואת המצנפת שש ואת פארי המגבעת שש ואת מכנסי הבד שש משזר׃
  • ויק׳ 8:7-9 : 7 ויתן עליו את הכתנת ויחגר אתו באבנט וילבש אתו את המעיל ויתן עליו את האפד ויחגר אתו בחשב האפד ויאפד לו בו׃ 8 וישם עליו את החשן ויתן אל החשן את האורים ואת התמים׃ 9 וישם את המצנפת על ראשו וישם על המצנפת אל מול פניו את ציץ הזהב נזר הקדש כאשר צוה יהוה את משה׃
  • שמ״א 2:18 : 18 ושמואל משרת את פני יהוה נער חגור אפוד בד׃
  • שמ״א 22:18 : 18 ויאמר המלך לדויג סב אתה ופגע בכהנים ויסב דויג האדמי ויפגע הוא בכהנים וימת ביום ההוא שמנים וחמשה איש נשא אפוד בד׃
  • שמ״א 23:6 : 6 ויהי בברח אביתר בן אחימלך אל דוד קעילה אפוד ירד בידו׃
  • שמ״א 30:7 : 7 ויאמר דוד אל אביתר הכהן בן אחימלך הגישה נא לי האפד ויגש אביתר את האפד אל דוד׃
  • שמ״ב 6:14 : 14 ודוד מכרכר בכל עז לפני יהוה ודוד חגור אפוד בד׃
  • יש׳ 11:5 : 5 והיה צדק אזור מתניו והאמונה אזור חלציו׃
  • יש׳ 59:17 : 17 וילבש צדקה כשרין וכובע ישועה בראשו וילבש בגדי נקם תלבשת ויעט כמעיל קנאה׃
  • אפס 6:14 : 14 עמדו נא חגורי מתנים באמת ומלבשים בשריון הצדק׃
  • תס״א 5:8 : 8 ואנחנו בני היום ננזרה נא ונלבש את שריון האמונה והאהבה וככובע את תקות הישועה׃
  • התגל׳ 9:17 : 17 וכן ראיתי במראה את הסוסים ורכביהם אשר שרינותיהם כעין אש ותכלת וגפרית וראשי הסוסים כראשי אריות ותצא מפיהם אש וקיטור וגפרית׃
  • שמ׳ 28:6-9 : 6 ועשו את האפד זהב תכלת וארגמן תולעת שני ושש משזר מעשה חשב׃ 7 שתי כתפת חברת יהיה לו אל שני קצותיו וחבר׃ 8 וחשב אפדתו אשר עליו כמעשהו ממנו יהיה זהב תכלת וארגמן ותולעת שני ושש משזר׃ 9 ולקחת את שתי אבני שהם ופתחת עליהם שמות בני ישראל׃ 10 ששה משמתם על האבן האחת ואת שמות הששה הנותרים על האבן השנית כתולדתם׃ 11 מעשה חרש אבן פתוחי חתם תפתח את שתי האבנים על שמת בני ישראל מסבת משבצות זהב תעשה אתם׃ 12 ושמת את שתי האבנים על כתפת האפד אבני זכרן לבני ישראל ונשא אהרן את שמותם לפני יהוה על שתי כתפיו לזכרן׃ 13 ועשית משבצת זהב׃ 14 ושתי שרשרת זהב טהור מגבלת תעשה אתם מעשה עבת ונתתה את שרשרת העבתת על המשבצת׃ 15 ועשית חשן משפט מעשה חשב כמעשה אפד תעשנו זהב תכלת וארגמן ותולעת שני ושש משזר תעשה אתו׃ 16 רבוע יהיה כפול זרת ארכו וזרת רחבו׃ 17 ומלאת בו מלאת אבן ארבעה טורים אבן טור אדם פטדה וברקת הטור האחד׃ 18 והטור השני נפך ספיר ויהלם׃ 19 והטור השלישי לשם שבו ואחלמה׃ 20 והטור הרביעי תרשיש ושהם וישפה משבצים זהב יהיו במלואתם׃ 21 והאבנים תהיין על שמת בני ישראל שתים עשרה על שמתם פתוחי חותם איש על שמו תהיין לשני עשר שבט׃ 22 ועשית על החשן שרשת גבלת מעשה עבת זהב טהור׃ 23 ועשית על החשן שתי טבעות זהב ונתת את שתי הטבעות על שני קצות החשן׃ 24 ונתתה את שתי עבתת הזהב על שתי הטבעת אל קצות החשן׃ 25 ואת שתי קצות שתי העבתת תתן על שתי המשבצות ונתתה על כתפות האפד אל מול פניו׃ 26 ועשית שתי טבעות זהב ושמת אתם על שני קצות החשן על שפתו אשר אל עבר האפד ביתה׃ 27 ועשית שתי טבעות זהב ונתתה אתם על שתי כתפות האפוד מלמטה ממול פניו לעמת מחברתו ממעל לחשב האפוד׃ 28 וירכסו את החשן מטבעתו אל טבעת האפד בפתיל תכלת להיות על חשב האפוד ולא יזח החשן מעל האפוד׃ 29 ונשא אהרן את שמות בני ישראל בחשן המשפט על לבו בבאו אל הקדש לזכרן לפני יהוה תמיד׃ 30 ונתת אל חשן המשפט את האורים ואת התמים והיו על לב אהרן בבאו לפני יהוה ונשא אהרן את משפט בני ישראל על לבו לפני יהוה תמיד׃ 31 ועשית את מעיל האפוד כליל תכלת׃ 32 והיה פי ראשו בתוכו שפה יהיה לפיו סביב מעשה ארג כפי תחרא יהיה לו לא יקרע׃ 33 ועשית על שוליו רמני תכלת וארגמן ותולעת שני על שוליו סביב ופעמני זהב בתוכם סביב׃ 34 פעמן זהב ורמון פעמן זהב ורמון על שולי המעיל סביב׃ 35 והיה על אהרן לשרת ונשמע קולו בבאו אל הקדש לפני יהוה ובצאתו ולא ימות׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • שמ׳ 31:10
    87%

    10ואת בגדי השרד ואת בגדי הקדש לאהרן הכהן ואת בגדי בניו לכהן׃

  • שמ׳ 29:5-6
    2 פסוקים
    87%

    5ולקחת את הבגדים והלבשת את אהרן את הכתנת ואת מעיל האפד ואת האפד ואת החשן ואפדת לו בחשב האפד׃

    6ושמת המצנפת על ראשו ונתת את נזר הקדש על המצנפת׃

  • שמ׳ 28:39-42
    4 פסוקים
    87%

    39ושבצת הכתנת שש ועשית מצנפת שש ואבנט תעשה מעשה רקם׃

    40ולבני אהרן תעשה כתנת ועשית להם אבנטים ומגבעות תעשה להם לכבוד ולתפארת׃

    41והלבשת אתם את אהרן אחיך ואת בניו אתו ומשחת אתם ומלאת את ידם וקדשת אתם וכהנו לי׃

    42ועשה להם מכנסי בד לכסות בשר ערוה ממתנים ועד ירכים יהיו׃

  • שמ׳ 28:1-3
    3 פסוקים
    86%

    1¶ ואתה הקרב אליך את אהרן אחיך ואת בניו אתו מתוך בני ישראל לכהנו לי אהרן נדב ואביהוא אלעזר ואיתמר בני אהרן׃

    2ועשית בגדי קדש לאהרן אחיך לכבוד ולתפארת׃

    3ואתה תדבר אל כל חכמי לב אשר מלאתיו רוח חכמה ועשו את בגדי אהרן לקדשו לכהנו לי׃

  • שמ׳ 28:5-8
    4 פסוקים
    85%

    5והם יקחו את הזהב ואת התכלת ואת הארגמן ואת תולעת השני ואת השש׃

    6ועשו את האפד זהב תכלת וארגמן תולעת שני ושש משזר מעשה חשב׃

    7שתי כתפת חברת יהיה לו אל שני קצותיו וחבר׃

    8וחשב אפדתו אשר עליו כמעשהו ממנו יהיה זהב תכלת וארגמן ותולעת שני ושש משזר׃

  • שמ׳ 39:27-29
    3 פסוקים
    84%

    27ויעשו את הכתנת שש מעשה ארג לאהרן ולבניו׃

    28ואת המצנפת שש ואת פארי המגבעת שש ואת מכנסי הבד שש משזר׃

    29ואת האבנט שש משזר ותכלת וארגמן ותולעת שני מעשה רקם כאשר צוה יהוה את משה׃

  • שמ׳ 35:19
    84%

    19את בגדי השרד לשרת בקדש את בגדי הקדש לאהרן הכהן ואת בגדי בניו לכהן׃

  • שמ׳ 39:41
    84%

    41את בגדי השרד לשרת בקדש את בגדי הקדש לאהרן הכהן ואת בגדי בניו לכהן׃

  • שמ׳ 39:1-2
    2 פסוקים
    83%

    1¶ ומן התכלת והארגמן ותולעת השני עשו בגדי שרד לשרת בקדש ויעשו את בגדי הקדש אשר לאהרן כאשר צוה יהוה את משה׃

    2ויעש את האפד זהב תכלת וארגמן ותולעת שני ושש משזר׃

  • ויק׳ 8:7
    82%

    7ויתן עליו את הכתנת ויחגר אתו באבנט וילבש אתו את המעיל ויתן עליו את האפד ויחגר אתו בחשב האפד ויאפד לו בו׃

  • שמ׳ 28:15
    81%

    15ועשית חשן משפט מעשה חשב כמעשה אפד תעשנו זהב תכלת וארגמן ותולעת שני ושש משזר תעשה אתו׃

  • ויק׳ 16:4
    81%

    4כתנת בד קדש ילבש ומכנסי בד יהיו על בשרו ובאבנט בד יחגר ובמצנפת בד יצנף בגדי קדש הם ורחץ במים את בשרו ולבשם׃

  • שמ׳ 28:31-32
    2 פסוקים
    81%

    31ועשית את מעיל האפוד כליל תכלת׃

    32והיה פי ראשו בתוכו שפה יהיה לפיו סביב מעשה ארג כפי תחרא יהיה לו לא יקרע׃

  • שמ׳ 29:8-9
    2 פסוקים
    80%

    8ואת בניו תקריב והלבשתם כתנת׃

    9וחגרת אתם אבנט אהרן ובניו וחבשת להם מגבעת והיתה להם כהנה לחקת עולם ומלאת יד אהרן ויד בניו׃

  • שמ׳ 40:13-14
    2 פסוקים
    80%

    13והלבשת את אהרן את בגדי הקדש ומשחת אתו וקדשת אתו וכהן לי׃

    14ואת בניו תקריב והלבשת אתם כתנת׃

  • שמ׳ 29:29-30
    2 פסוקים
    80%

    29ובגדי הקדש אשר לאהרן יהיו לבניו אחריו למשחה בהם ולמלא בם את ידם׃

    30שבעת ימים ילבשם הכהן תחתיו מבניו אשר יבא אל אהל מועד לשרת בקדש׃

  • שמ׳ 39:8
    80%

    8ויעש את החשן מעשה חשב כמעשה אפד זהב תכלת וארגמן ותולעת שני ושש משזר׃

  • שמ׳ 28:28
    79%

    28וירכסו את החשן מטבעתו אל טבעת האפד בפתיל תכלת להיות על חשב האפוד ולא יזח החשן מעל האפוד׃

  • ויק׳ 8:13
    78%

    13ויקרב משה את בני אהרן וילבשם כתנת ויחגר אתם אבנט ויחבש להם מגבעות כאשר צוה יהוה את משה׃

  • שמ׳ 39:5
    77%

    5וחשב אפדתו אשר עליו ממנו הוא כמעשהו זהב תכלת וארגמן ותולעת שני ושש משזר כאשר צוה יהוה את משה׃

  • שמ׳ 39:21-22
    2 פסוקים
    77%

    21וירכסו את החשן מטבעתיו אל טבעת האפד בפתיל תכלת להית על חשב האפד ולא יזח החשן מעל האפד כאשר צוה יהוה את משה׃

    22ויעש את מעיל האפד מעשה ארג כליל תכלת׃

  • יח׳ 42:14
    76%

    14בבאם הכהנים ולא יצאו מהקדש אל החצר החיצונה ושם יניחו בגדיהם אשר ישרתו בהן כי קדש הנה ילבשו בגדים אחרים וקרבו אל אשר לעם׃

  • יח׳ 44:19
    76%

    19ובצאתם אל החצר החיצונה אל החצר החיצונה אל העם יפשטו את בגדיהם אשר המה משרתם בם והניחו אותם בלשכת הקדש ולבשו בגדים אחרים ולא יקדשו את העם בבגדיהם׃

  • שמ׳ 30:30
    76%

    30ואת אהרן ואת בניו תמשח וקדשת אתם לכהן לי׃

  • ויק׳ 16:32
    75%

    32וכפר הכהן אשר ימשח אתו ואשר ימלא את ידו לכהן תחת אביו ולבש את בגדי הבד בגדי הקדש׃

  • שמ׳ 29:21
    75%

    21ולקחת מן הדם אשר על המזבח ומשמן המשחה והזית על אהרן ועל בגדיו ועל בניו ועל בגדי בניו אתו וקדש הוא ובגדיו ובניו ובגדי בניו אתו׃

  • שמ׳ 28:37
    75%

    37ושמת אתו על פתיל תכלת והיה על המצנפת אל מול פני המצנפת יהיה׃

  • ויק׳ 16:23
    75%

    23ובא אהרן אל אהל מועד ופשט את בגדי הבד אשר לבש בבאו אל הקדש והניחם שם׃

  • שמ׳ 25:4
    75%

    4ותכלת וארגמן ותולעת שני ושש ועזים׃

  • במ׳ 4:19
    75%

    19וזאת עשו להם וחיו ולא ימתו בגשתם את קדש הקדשים אהרן ובניו יבאו ושמו אותם איש איש על עבדתו ואל משאו׃

  • שמ׳ 35:6
    75%

    6ותכלת וארגמן ותולעת שני ושש ועזים׃

  • שמ׳ 28:13
    75%

    13ועשית משבצת זהב׃

  • שמ׳ 26:31
    74%

    31ועשית פרכת תכלת וארגמן ותולעת שני ושש משזר מעשה חשב יעשה אתה כרבים׃