שמות 39:4

תנ ך עברי מודרני

כתפת עשו לו חברת על שני קצוותו חבר׃

משאבים נוספים

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • שמ׳ 28:6-8
    3 פסוקים
    87%

    6ועשו את האפד זהב תכלת וארגמן תולעת שני ושש משזר מעשה חשב׃

    7שתי כתפת חברת יהיה לו אל שני קצותיו וחבר׃

    8וחשב אפדתו אשר עליו כמעשהו ממנו יהיה זהב תכלת וארגמן ותולעת שני ושש משזר׃

  • שמ׳ 39:15-25
    11 פסוקים
    83%

    15ויעשו על החשן שרשרת גבלת מעשה עבת זהב טהור׃

    16ויעשו שתי משבצת זהב ושתי טבעת זהב ויתנו את שתי הטבעת על שני קצות החשן׃

    17ויתנו שתי העבתת הזהב על שתי הטבעת על קצות החשן׃

    18ואת שתי קצות שתי העבתת נתנו על שתי המשבצת ויתנם על כתפת האפד אל מול פניו׃

    19ויעשו שתי טבעת זהב וישימו על שני קצות החשן על שפתו אשר אל עבר האפד ביתה׃

    20ויעשו שתי טבעת זהב ויתנם על שתי כתפת האפד מלמטה ממול פניו לעמת מחברתו ממעל לחשב האפד׃

    21וירכסו את החשן מטבעתיו אל טבעת האפד בפתיל תכלת להית על חשב האפד ולא יזח החשן מעל האפד כאשר צוה יהוה את משה׃

    22ויעש את מעיל האפד מעשה ארג כליל תכלת׃

    23ופי המעיל בתוכו כפי תחרא שפה לפיו סביב לא יקרע׃

    24ויעשו על שולי המעיל רמוני תכלת וארגמן ותולעת שני משזר׃

    25ויעשו פעמני זהב טהור ויתנו את הפעמנים בתוך הרמנים על שולי המעיל סביב בתוך הרמנים׃

  • שמ׳ 39:7-9
    3 פסוקים
    81%

    7וישם אתם על כתפת האפד אבני זכרון לבני ישראל כאשר צוה יהוה את משה׃

    8ויעש את החשן מעשה חשב כמעשה אפד זהב תכלת וארגמן ותולעת שני ושש משזר׃

    9רבוע היה כפול עשו את החשן זרת ארכו וזרת רחבו כפול׃

  • שמ׳ 39:5
    81%

    5וחשב אפדתו אשר עליו ממנו הוא כמעשהו זהב תכלת וארגמן ותולעת שני ושש משזר כאשר צוה יהוה את משה׃

  • שמ׳ 39:1-3
    3 פסוקים
    80%

    1¶ ומן התכלת והארגמן ותולעת השני עשו בגדי שרד לשרת בקדש ויעשו את בגדי הקדש אשר לאהרן כאשר צוה יהוה את משה׃

    2ויעש את האפד זהב תכלת וארגמן ותולעת שני ושש משזר׃

    3וירקעו את פחי הזהב וקצץ פתילם לעשות בתוך התכלת ובתוך הארגמן ובתוך תולעת השני ובתוך השש מעשה חשב׃

  • שמ׳ 36:29
    79%

    29והיו תואמם מלמטה ויחדו יהיו תמים אל ראשו אל הטבעת האחת כן עשה לשניהם לשני המקצעת׃

  • שמ׳ 36:16-18
    3 פסוקים
    79%

    16ויחבר את חמש היריעת לבד ואת שש היריעת לבד׃

    17ויעש ללאת חמשים על שפת היריעה הקיצנה במחברת וחמשים ללאת עשה על שפת היריעה החברת השנית׃

    18ויעש קרסי נחשת חמשים לחבר את האהל להית אחד׃

  • שמ׳ 28:22-28
    7 פסוקים
    78%

    22ועשית על החשן שרשת גבלת מעשה עבת זהב טהור׃

    23ועשית על החשן שתי טבעות זהב ונתת את שתי הטבעות על שני קצות החשן׃

    24ונתתה את שתי עבתת הזהב על שתי הטבעת אל קצות החשן׃

    25ואת שתי קצות שתי העבתת תתן על שתי המשבצות ונתתה על כתפות האפד אל מול פניו׃

    26ועשית שתי טבעות זהב ושמת אתם על שני קצות החשן על שפתו אשר אל עבר האפד ביתה׃

    27ועשית שתי טבעות זהב ונתתה אתם על שתי כתפות האפוד מלמטה ממול פניו לעמת מחברתו ממעל לחשב האפוד׃

    28וירכסו את החשן מטבעתו אל טבעת האפד בפתיל תכלת להיות על חשב האפוד ולא יזח החשן מעל האפוד׃

  • שמ׳ 36:10-13
    4 פסוקים
    77%

    10ויחבר את חמש היריעת אחת אל אחת וחמש יריעת חבר אחת אל אחת׃

    11ויעש ללאת תכלת על שפת היריעה האחת מקצה במחברת כן עשה בשפת היריעה הקיצונה במחברת השנית׃

    12חמשים ללאת עשה ביריעה האחת וחמשים ללאת עשה בקצה היריעה אשר במחברת השנית מקבילת הללאת אחת אל אחת׃

    13ויעש חמשים קרסי זהב ויחבר את הירעת אחת אל אחת בקרסים ויהי המשכן אחד׃

  • שמ׳ 26:3-6
    4 פסוקים
    77%

    3חמש היריעת תהיין חברת אשה אל אחתה וחמש יריעת חברת אשה אל אחתה׃

    4ועשית ללאת תכלת על שפת היריעה האחת מקצה בחברת וכן תעשה בשפת היריעה הקיצונה במחברת השנית׃

    5חמשים ללאת תעשה ביריעה האחת וחמשים ללאת תעשה בקצה היריעה אשר במחברת השנית מקבילת הללאת אשה אל אחתה׃

    6ועשית חמשים קרסי זהב וחברת את היריעת אשה אל אחתה בקרסים והיה המשכן אחד׃

  • שמ׳ 26:24
    77%

    24ויהיו תאמים מלמטה ויחדו יהיו תמים על ראשו אל הטבעת האחת כן יהיה לשניהם לשני המקצעת יהיו׃

  • שמ׳ 26:10-11
    2 פסוקים
    77%

    10ועשית חמשים ללאת על שפת היריעה האחת הקיצנה בחברת וחמשים ללאת על שפת היריעה החברת השנית׃

    11ועשית קרסי נחשת חמשים והבאת את הקרסים בללאת וחברת את האהל והיה אחד׃

  • שמ׳ 28:13-15
    3 פסוקים
    76%

    13ועשית משבצת זהב׃

    14ושתי שרשרת זהב טהור מגבלת תעשה אתם מעשה עבת ונתתה את שרשרת העבתת על המשבצת׃

    15ועשית חשן משפט מעשה חשב כמעשה אפד תעשנו זהב תכלת וארגמן ותולעת שני ושש משזר תעשה אתו׃

  • שמ׳ 39:27
    75%

    27ויעשו את הכתנת שש מעשה ארג לאהרן ולבניו׃

  • שמ׳ 39:29
    75%

    29ואת האבנט שש משזר ותכלת וארגמן ותולעת שני מעשה רקם כאשר צוה יהוה את משה׃

  • שמ׳ 39:31
    74%

    31ויתנו עליו פתיל תכלת לתת על המצנפת מלמעלה כאשר צוה יהוה את משה׃

  • שמ׳ 28:4
    74%

    4ואלה הבגדים אשר יעשו חשן ואפוד ומעיל וכתנת תשבץ מצנפת ואבנט ועשו בגדי קדש לאהרן אחיך ולבניו לכהנו לי׃