יחזקאל 27:3

תנ ך עברי מודרני

ואמרת לצור הישבתי על מבואת ים רכלת העמים אל איים רבים כה אמר אדני יהוה צור את אמרת אני כלילת יפי׃

משאבים נוספים

פסוקים מקושרים

  • יח׳ 27:4 : 4 בלב ימים גבוליך בניך כללו יפיך׃
  • יח׳ 27:10-36 : 10 פרס ולוד ופוט היו בחילך אנשי מלחמתך מגן וכובע תלו בך המה נתנו הדרך׃ 11 בני ארוד וחילך על חומותיך סביב וגמדים במגדלותיך היו שלטיהם תלו על חומותיך סביב המה כללו יפיך׃ 12 תרשיש סחרתך מרב כל הון בכסף ברזל בדיל ועופרת נתנו עזבוניך׃ 13 יון תבל ומשך המה רכליך בנפש אדם וכלי נחשת נתנו מערבך׃ 14 מבית תוגרמה סוסים ופרשים ופרדים נתנו עזבוניך׃ 15 בני דדן רכליך איים רבים סחרת ידך קרנות שן והובנים השיבו אשכרך׃ 16 ארם סחרתך מרב מעשיך בנפך ארגמן ורקמה ובוץ וראמת וכדכד נתנו בעזבוניך׃ 17 יהודה וארץ ישראל המה רכליך בחטי מנית ופנג ודבש ושמן וצרי נתנו מערבך׃ 18 דמשק סחרתך ברב מעשיך מרב כל הון ביין חלבון וצמר צחר׃ 19 ודן ויון מאוזל בעזבוניך נתנו ברזל עשות קדה וקנה במערבך היה׃ 20 דדן רכלתך בבגדי חפש לרכבה׃ 21 ערב וכל נשיאי קדר המה סחרי ידך בכרים ואילים ועתודים בם סחריך׃ 22 רכלי שבא ורעמה המה רכליך בראש כל בשם ובכל אבן יקרה וזהב נתנו עזבוניך׃ 23 חרן וכנה ועדן רכלי שבא אשור כלמד רכלתך׃ 24 המה רכליך במכללים בגלומי תכלת ורקמה ובגנזי ברמים בחבלים חבשים וארזים במרכלתך׃ 25 אניות תרשיש שרותיך מערבך ותמלאי ותכבדי מאד בלב ימים׃ 26 במים רבים הביאוך השטים אתך רוח הקדים שברך בלב ימים׃ 27 הונך ועזבוניך מערבך מלחיך וחבליך מחזיקי בדקך וערבי מערבך וכל אנשי מלחמתך אשר בך ובכל קהלך אשר בתוכך יפלו בלב ימים ביום מפלתך׃ 28 לקול זעקת חבליך ירעשו מגרשות׃ 29 וירדו מאניותיהם כל תפשי משוט מלחים כל חבלי הים אל הארץ יעמדו׃ 30 והשמיעו עליך בקולם ויזעקו מרה ויעלו עפר על ראשיהם באפר יתפלשו׃ 31 והקריחו אליך קרחה וחגרו שקים ובכו אליך במר נפש מספד מר׃ 32 ונשאו אליך בניהם קינה וקוננו עליך מי כצור כדמה בתוך הים׃ 33 בצאת עזבוניך מימים השבעת עמים רבים ברב הוניך ומערביך העשרת מלכי ארץ׃ 34 עת נשברת מימים במעמקי מים מערבך וכל קהלך בתוכך נפלו׃ 35 כל ישבי האיים שממו עליך ומלכיהם שערו שער רעמו פנים׃ 36 סחרים בעמים שרקו עליך בלהות היית ואינך עד עולם׃
  • יח׳ 28:2-3 : 2 בן אדם אמר לנגיד צר כה אמר אדני יהוה יען גבה לבך ותאמר אל אני מושב אלהים ישבתי בלב ימים ואתה אדם ולא אל ותתן לבך כלב אלהים׃ 3 הנה חכם אתה מדנאל כל סתום לא עממוך׃
  • יח׳ 28:12-17 : 12 בן אדם שא קינה על מלך צור ואמרת לו כה אמר אדני יהוה אתה חותם תכנית מלא חכמה וכליל יפי׃ 13 בעדן גן אלהים היית כל אבן יקרה מסכתך אדם פטדה ויהלם תרשיש שהם וישפה ספיר נפך וברקת וזהב מלאכת תפיך ונקביך בך ביום הבראך כוננו׃ 14 את כרוב ממשח הסוכך ונתתיך בהר קדש אלהים היית בתוך אבני אש התהלכת׃ 15 תמים אתה בדרכיך מיום הבראך עד נמצא עולתה בך׃ 16 ברב רכלתך מלו תוכך חמס ותחטא ואחללך מהר אלהים ואבדך כרוב הסכך מתוך אבני אש׃ 17 גבה לבך ביפיך שחת חכמתך על יפעתך על ארץ השלכתיך לפני מלכים נתתיך לראוה בך׃
  • התגל׳ 18:3 : 3 כי מיין חמת זנותה שתו כל הגוים ומלכי ארץ זנו עמה וסחרי ארץ משפעת תענגיה העשירו׃
  • התגל׳ 18:11-15 : 11 וסחרי הארץ בכים ומתאבלים עליה כי עתה לא יקנה עוד איש את משא אניותם׃ 12 את משא זהב וכסף ואבן יקרה ופנינים ובוץ וארגמן ומשי ושני וכל עצי בשם וכל כלי שנהבים וכל כלי עץ יקר וכלי נחשת וברזל ושיש׃ 13 וקנמון וקטרת סמים ומר ולבונה ויין ושמן וסלת וחטים ומקנה וצאן וסוסים ומרכבות וגויות ונפש אדם׃ 14 והמגדים מחמד נפשך אזלו ממך וכל שמן ומצהיר אבד ממך ולא תמצאם עוד׃ 15 ורכליהם אשר העשירו ממנה יעמדו מרחוק מפני אימת ענויה ובכו והתאבלו׃
  • תה׳ 50:2 : 2 מציון מכלל יפי אלהים הופיע׃
  • יש׳ 23:2-3 : 2 דמו ישבי אי סחר צידון עבר ים מלאוך׃ 3 ובמים רבים זרע שחר קציר יאור תבואתה ותהי סחר גוים׃
  • יש׳ 23:8-9 : 8 מי יעץ זאת על צר המעטירה אשר סחריה שרים כנעניה נכבדי ארץ׃ 9 יהוה צבאות יעצה לחלל גאון כל צבי להקל כל נכבדי ארץ׃
  • יש׳ 23:11 : 11 ידו נטה על הים הרגיז ממלכות יהוה צוה אל כנען לשמד מעזניה׃
  • יח׳ 26:17 : 17 ונשאו עליך קינה ואמרו לך איך אבדת נושבת מימים העיר ההללה אשר היתה חזקה בים היא וישביה אשר נתנו חתיתם לכל יושביה׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • יח׳ 27:4
    88%

    4בלב ימים גבוליך בניך כללו יפיך׃

  • יח׳ 28:11-12
    2 פסוקים
    86%

    11ויהי דבר יהוה אלי לאמר׃

    12בן אדם שא קינה על מלך צור ואמרת לו כה אמר אדני יהוה אתה חותם תכנית מלא חכמה וכליל יפי׃

  • יח׳ 27:1-2
    2 פסוקים
    85%

    1¶ ויהי דבר יהוה אלי לאמר׃

    2ואתה בן אדם שא על צר קינה׃

  • יח׳ 27:31-35
    5 פסוקים
    81%

    31והקריחו אליך קרחה וחגרו שקים ובכו אליך במר נפש מספד מר׃

    32ונשאו אליך בניהם קינה וקוננו עליך מי כצור כדמה בתוך הים׃

    33בצאת עזבוניך מימים השבעת עמים רבים ברב הוניך ומערביך העשרת מלכי ארץ׃

    34עת נשברת מימים במעמקי מים מערבך וכל קהלך בתוכך נפלו׃

    35כל ישבי האיים שממו עליך ומלכיהם שערו שער רעמו פנים׃

  • יח׳ 26:2-5
    4 פסוקים
    80%

    2בן אדם יען אשר אמרה צר על ירושלם האח נשברה דלתות העמים נסבה אלי אמלאה החרבה׃

    3לכן כה אמר אדני יהוה הנני עליך צר והעליתי עליך גוים רבים כהעלות הים לגליו׃

    4ושחתו חמות צר והרסו מגדליה וסחיתי עפרה ממנה ונתתי אותה לצחיח סלע׃

    5משטח חרמים תהיה בתוך הים כי אני דברתי נאם אדני יהוה והיתה לבז לגוים׃

  • יח׳ 26:14-18
    5 פסוקים
    80%

    14ונתתיך לצחיח סלע משטח חרמים תהיה לא תבנה עוד כי אני יהוה דברתי נאם אדני יהוה׃

    15כה אמר אדני יהוה לצור הלא מקול מפלתך באנק חלל בהרג הרג בתוכך ירעשו האיים׃

    16וירדו מעל כסאותם כל נשיאי הים והסירו את מעיליהם ואת בגדי רקמתם יפשטו חרדות ילבשו על הארץ ישבו וחרדו לרגעים ושממו עליך׃

    17ונשאו עליך קינה ואמרו לך איך אבדת נושבת מימים העיר ההללה אשר היתה חזקה בים היא וישביה אשר נתנו חתיתם לכל יושביה׃

    18עתה יחרדו האין יום מפלתך ונבהלו האיים אשר בים מצאתך׃

  • יח׳ 28:1-2
    2 פסוקים
    80%

    1¶ ויהי דבר יהוה אלי לאמר׃

    2בן אדם אמר לנגיד צר כה אמר אדני יהוה יען גבה לבך ותאמר אל אני מושב אלהים ישבתי בלב ימים ואתה אדם ולא אל ותתן לבך כלב אלהים׃

  • יח׳ 16:13-14
    2 פסוקים
    78%

    13ותעדי זהב וכסף ומלבושך ששי ומשי ורקמה סלת ודבש ושמן אכלתי ותיפי במאד מאד ותצלחי למלוכה׃

    14ויצא לך שם בגוים ביפיך כי כליל הוא בהדרי אשר שמתי עליך נאם אדני יהוה׃

  • יח׳ 27:25-27
    3 פסוקים
    77%

    25אניות תרשיש שרותיך מערבך ותמלאי ותכבדי מאד בלב ימים׃

    26במים רבים הביאוך השטים אתך רוח הקדים שברך בלב ימים׃

    27הונך ועזבוניך מערבך מלחיך וחבליך מחזיקי בדקך וערבי מערבך וכל אנשי מלחמתך אשר בך ובכל קהלך אשר בתוכך יפלו בלב ימים ביום מפלתך׃

  • יח׳ 27:7-9
    3 פסוקים
    77%

    7שש ברקמה ממצרים היה מפרשך להיות לך לנס תכלת וארגמן מאיי אלישה היה מכסך׃

    8ישבי צידון וארוד היו שטים לך חכמיך צור היו בך המה חבליך׃

    9זקני גבל וחכמיה היו בך מחזיקי בדקך כל אניות הים ומלחיהם היו בך לערב מערבך׃

  • זכ׳ 9:2-3
    2 פסוקים
    76%

    2וגם חמת תגבל בה צר וצידון כי חכמה מאד׃

    3ותבן צר מצור לה ותצבר כסף כעפר וחרוץ כטיט חוצות׃

  • יש׳ 23:1-2
    2 פסוקים
    76%

    1¶ משא צר הילילו אניות תרשיש כי שדד מבית מבוא מארץ כתים נגלה למו׃

    2דמו ישבי אי סחר צידון עבר ים מלאוך׃

  • יש׳ 23:5-8
    4 פסוקים
    76%

    5כאשר שמע למצרים יחילו כשמע צר׃

    6עברו תרשישה הילילו ישבי אי׃

    7הזאת לכם עליזה מימי קדם קדמתה יבלוה רגליה מרחוק לגור׃

    8מי יעץ זאת על צר המעטירה אשר סחריה שרים כנעניה נכבדי ארץ׃

  • עמ׳ 1:9-10
    2 פסוקים
    74%

    9כה אמר יהוה על שלשה פשעי צר ועל ארבעה לא אשיבנו על הסגירם גלות שלמה לאדום ולא זכרו ברית אחים׃

    10ושלחתי אש בחומת צר ואכלה ארמנותיה׃

  • יח׳ 27:11-12
    2 פסוקים
    73%

    11בני ארוד וחילך על חומותיך סביב וגמדים במגדלותיך היו שלטיהם תלו על חומותיך סביב המה כללו יפיך׃

    12תרשיש סחרתך מרב כל הון בכסף ברזל בדיל ועופרת נתנו עזבוניך׃

  • יח׳ 27:16
    73%

    16ארם סחרתך מרב מעשיך בנפך ארגמן ורקמה ובוץ וראמת וכדכד נתנו בעזבוניך׃

  • יח׳ 28:7
    73%

    7לכן הנני מביא עליך זרים עריצי גוים והריקו חרבותם על יפי חכמתך וחללו יפעתך׃

  • יר׳ 25:22
    72%

    22ואת כל מלכי צר ואת כל מלכי צידון ואת מלכי האי אשר בעבר הים׃

  • יח׳ 28:17
    72%

    17גבה לבך ביפיך שחת חכמתך על יפעתך על ארץ השלכתיך לפני מלכים נתתיך לראוה בך׃

  • יח׳ 26:7
    72%

    7כי כה אמר אדני יהוה הנני מביא אל צר נבוכדראצר מלך בבל מצפון מלך מלכים בסוס וברכב ובפרשים וקהל ועם רב׃

  • יש׳ 23:17
    72%

    17והיה מקץ שבעים שנה יפקד יהוה את צר ושבה לאתננה וזנתה את כל ממלכות הארץ על פני האדמה׃

  • יח׳ 28:5
    71%

    5ברב חכמתך ברכלתך הרבית חילך ויגבה לבבך בחילך׃

  • יש׳ 23:15
    71%

    15והיה ביום ההוא ונשכחת צר שבעים שנה כימי מלך אחד מקץ שבעים שנה יהיה לצר כשירת הזונה׃

  • יח׳ 28:20
    70%

    20ויהי דבר יהוה אלי לאמר׃