בראשית 18:29

תנ ך עברי מודרני

ויסף עוד לדבר אליו ויאמר אולי ימצאון שם ארבעים ויאמר לא אעשה בעבור הארבעים׃

משאבים נוספים

פסוקים מקושרים

  • אפס 6:18 : 18 והתפללו תמיד בכל עת בתפלה ותחנונים ברוח ושקדו והתאמצו על זאת להעתיר תמיד בעד כל הקדשים׃
  • עבר 4:16 : 16 על כן נקרבה בבטחון אל כסא החסד לשאת רחמים ולמצא חסד לעזרה בעתה׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • בר׳ 18:30-33
    4 פסוקים
    92%

    30ויאמר אל נא יחר לאדני ואדברה אולי ימצאון שם שלשים ויאמר לא אעשה אם אמצא שם שלשים׃

    31ויאמר הנה נא הואלתי לדבר אל אדני אולי ימצאון שם עשרים ויאמר לא אשחית בעבור העשרים׃

    32ויאמר אל נא יחר לאדני ואדברה אך הפעם אולי ימצאון שם עשרה ויאמר לא אשחית בעבור העשרה׃

    33וילך יהוה כאשר כלה לדבר אל אברהם ואברהם שב למקמו׃

  • בר׳ 18:19-28
    10 פסוקים
    90%

    19כי ידעתיו למען אשר יצוה את בניו ואת ביתו אחריו ושמרו דרך יהוה לעשות צדקה ומשפט למען הביא יהוה על אברהם את אשר דבר עליו׃

    20ויאמר יהוה זעקת סדם ועמרה כי רבה וחטאתם כי כבדה מאד׃

    21ארדה נא ואראה הכצעקתה הבאה אלי עשו כלה ואם לא אדעה׃

    22ויפנו משם האנשים וילכו סדמה ואברהם עודנו עמד לפני יהוה׃

    23ויגש אברהם ויאמר האף תספה צדיק עם רשע׃

    24אולי יש חמשים צדיקם בתוך העיר האף תספה ולא תשא למקום למען חמשים הצדיקם אשר בקרבה׃

    25חללה לך מעשת כדבר הזה להמית צדיק עם רשע והיה כצדיק כרשע חללה לך השפט כל הארץ לא יעשה משפט׃

    26ויאמר יהוה אם אמצא בסדם חמשים צדיקם בתוך העיר ונשאתי לכל המקום בעבורם׃

    27ויען אברהם ויאמר הנה נא הואלתי לדבר אל אדני ואנכי עפר ואפר׃

    28אולי יחסרון חמשים הצדיקם חמשה התשחית בחמשה את כל העיר ויאמר לא אשחית אם אמצא שם ארבעים וחמשה׃

  • בר׳ 19:16-22
    7 פסוקים
    75%

    16ויתמהמה ויחזקו האנשים בידו וביד אשתו וביד שתי בנתיו בחמלת יהוה עליו ויצאהו וינחהו מחוץ לעיר׃

    17ויהי כהוציאם אתם החוצה ויאמר המלט על נפשך אל תביט אחריך ואל תעמד בכל הככר ההרה המלט פן תספה׃

    18ויאמר לוט אלהם אל נא אדני׃

    19הנה נא מצא עבדך חן בעיניך ותגדל חסדך אשר עשית עמדי להחיות את נפשי ואנכי לא אוכל להמלט ההרה פן תדבקני הרעה ומתי׃

    20הנה נא העיר הזאת קרבה לנוס שמה והיא מצער אמלטה נא שמה הלא מצער הוא ותחי נפשי׃

    21ויאמר אליו הנה נשאתי פניך גם לדבר הזה לבלתי הפכי את העיר אשר דברת׃

    22מהר המלט שמה כי לא אוכל לעשות דבר עד באך שמה על כן קרא שם העיר צוער׃

  • בר׳ 18:17
    70%

    17ויהוה אמר המכסה אני מאברהם אשר אני עשה׃

  • יונה 3:9-10
    2 פסוקים
    68%

    9מי יודע ישוב ונחם האלהים ושב מחרון אפו ולא נאבד׃

    10וירא האלהים את מעשיהם כי שבו מדרכם הרעה וינחם האלהים על הרעה אשר דבר לעשות להם ולא עשה׃

  • עמ׳ 7:3
    67%

    3נחם יהוה על זאת לא תהיה אמר יהוה׃

  • בר׳ 19:28-29
    2 פסוקים
    67%

    28וישקף על פני סדם ועמרה ועל כל פני ארץ הככר וירא והנה עלה קיטר הארץ כקיטר הכבשן׃

    29ויהי בשחת אלהים את ערי הככר ויזכר אלהים את אברהם וישלח את לוט מתוך ההפכה בהפך את הערים אשר ישב בהן לוט׃

  • בר׳ 19:7
    67%

    7ויאמר אל נא אחי תרעו׃

  • דב׳ 9:25
    67%

    25ואתנפל לפני יהוה את ארבעים היום ואת ארבעים הלילה אשר התנפלתי כי אמר יהוה להשמיד אתכם׃

  • יח׳ 22:30
    67%

    30ואבקש מהם איש גדר גדר ועמד בפרץ לפני בעד הארץ לבלתי שחתה ולא מצאתי׃

  • יונה 4:11
    67%

    11ואני לא אחוס על נינוה העיר הגדולה אשר יש בה הרבה משתים עשרה רבו אדם אשר לא ידע בין ימינו לשמאלו ובהמה רבה׃

  • יונה 3:4
    67%

    4ויחל יונה לבוא בעיר מהלך יום אחד ויקרא ויאמר עוד ארבעים יום ונינוה נהפכת׃

  • בר׳ 24:39
    67%

    39ואמר אל אדני אלי לא תלך האשה אחרי׃

  • בר׳ 19:13
    66%

    13כי משחתים אנחנו את המקום הזה כי גדלה צעקתם את פני יהוה וישלחנו יהוה לשחתה׃

  • בר׳ 18:3
    66%

    3ויאמר אדני אם נא מצאתי חן בעיניך אל נא תעבר מעל עבדך׃

  • יר׳ 26:3
    66%

    3אולי ישמעו וישבו איש מדרכו הרעה ונחמתי אל הרעה אשר אנכי חשב לעשות להם מפני רע מעלליהם׃

  • שמ׳ 32:14
    66%

    14וינחם יהוה על הרעה אשר דבר לעשות לעמו׃

  • עמ׳ 7:6
    66%

    6נחם יהוה על זאת גם היא לא תהיה אמר אדני יהוה׃

  • בר׳ 6:3
    66%

    3ויאמר יהוה לא ידון רוחי באדם לעלם בשגם הוא בשר והיו ימיו מאה ועשרים שנה׃

  • לוק 18:4
    65%

    4וימאן מיום אל יום ואחרי כן אמר בנפשו גם כי את האלהים אינני ירא ולאדם לא אשא פנים׃

  • מל״ב 1:13
    65%

    13וישב וישלח שר חמשים שלשים וחמשיו ויעל ויבא שר החמשים השלישי ויכרע על ברכיו לנגד אליהו ויתחנן אליו וידבר אליו איש האלהים תיקר נא נפשי ונפש עבדיך אלה חמשים בעיניך׃

  • דב׳ 29:23
    65%

    23גפרית ומלח שרפה כל ארצה לא תזרע ולא תצמח ולא יעלה בה כל עשב כמהפכת סדם ועמרה אדמה וצביים אשר הפך יהוה באפו ובחמתו׃

  • עמ׳ 6:9
    65%

    9והיה אם יותרו עשרה אנשים בבית אחד ומתו׃

  • יר׳ 50:40
    65%

    40כמהפכת אלהים את סדם ואת עמרה ואת שכניה נאם יהוה לא ישב שם איש ולא יגור בה בן אדם׃

  • יר׳ 18:10
    65%

    10ועשה הרעה בעיני לבלתי שמע בקולי ונחמתי על הטובה אשר אמרתי להיטיב אותו׃

  • יר׳ 18:8
    65%

    8ושב הגוי ההוא מרעתו אשר דברתי עליו ונחמתי על הרעה אשר חשבתי לעשות לו׃

  • איוב 40:5
    65%

    5אחת דברתי ולא אענה ושתים ולא אוסיף׃