בראשית 19:13

תנ ך עברי מודרני

כי משחתים אנחנו את המקום הזה כי גדלה צעקתם את פני יהוה וישלחנו יהוה לשחתה׃

משאבים נוספים

פסוקים מקושרים

  • בר׳ 18:20 : 20 ויאמר יהוה זעקת סדם ועמרה כי רבה וחטאתם כי כבדה מאד׃
  • דה״א 21:15-16 : 15 וישלח האלהים מלאך לירושלם להשחיתה וכהשחית ראה יהוה וינחם על הרעה ויאמר למלאך המשחית רב עתה הרף ידך ומלאך יהוה עמד עם גרן ארנן היבוסי׃ 16 וישא דויד את עיניו וירא את מלאך יהוה עמד בין הארץ ובין השמים וחרבו שלופה בידו נטויה על ירושלם ויפל דויד והזקנים מכסים בשקים על פניהם׃
  • תה׳ 11:5-6 : 5 יהוה צדיק יבחן ורשע ואהב חמס שנאה נפשו׃ 6 ימטר על רשעים פחים אש וגפרית ורוח זלעפות מנת כוסם׃
  • יש׳ 3:11 : 11 אוי לרשע רע כי גמול ידיו יעשה לו׃
  • יש׳ 36:10 : 10 ועתה המבלעדי יהוה עליתי על הארץ הזאת להשחיתה יהוה אמר אלי עלה אל הארץ הזאת והשחיתה׃
  • יש׳ 37:36 : 36 ויצא מלאך יהוה ויכה במחנה אשור מאה ושמנים וחמשה אלף וישכימו בבקר והנה כלם פגרים מתים׃
  • יח׳ 9:5-6 : 5 ולאלה אמר באזני עברו בעיר אחריו והכו על תחס עיניכם ואל תחמלו׃ 6 זקן בחור ובתולה וטף ונשים תהרגו למשחית ועל כל איש אשר עליו התו אל תגשו וממקדשי תחלו ויחלו באנשים הזקנים אשר לפני הבית׃
  • מתי 13:41-42 : 41 בן האדם ישלח את מלאכיו ולקטו ממלכותו את כל המכשלות ואת כל פעלי האון׃ 42 והשליכו אתם אל תנור האש שם תהיה היללה וחרק השנים׃
  • מתי 13:49-50 : 49 כן יהיה בקץ העולם יצאו המלאכים והבדילו את הרשעים מתוך הצדיקים׃ 50 והשליכום אל תנור האש שם תהיה היללה וחרק השנים׃
  • מע״ש 12:23 : 23 ויכהו מלאך יהוה פתאם עקב אשר לא נתן הכבוד לאלהים ויאכלהו תולעים ויגוע׃
  • רומ 3:8-9 : 8 ולא נעשה כדבר מחרפינו ומקצת מוציאי דבה עלינו לאמר הנה אמרים נעשה הרע למען יצא הטוב אשר דינם יבא עליהם בצדק׃ 9 ועתה מה הוא היש לנו מעלה יתרה לא במאומה כבר הוכחנו כי גם היהודים גם היונים כלם הם תחת החטא׃
  • יעק׳ 5:4 : 4 הנה שכר הפעלים אספי קציר שדתיכם אשר עשקתם צעק עליכם וצעקת הקוצרים באה באזני יהוה צבאות׃
  • יהו׳ 1:7 : 7 כאשר סדום ועמרה והערים סביבותיהן אשר הזנו כמוהם וילכו אחרי בשר זר נהיו כראי כי נמסרו למוסר אש עולם׃
  • התגל׳ 16:1-9 : 1 ¶ ואשמע קול גדול מן ההיכל האמר אל שבעת המלאכים לכו ושפכו את קערת חמת האלהים ארצה׃ 2 וילך הראשון וישפך את קערתו על הארץ ויהי שהין רע ומכאיב באנשים אשר עליהם תו החיה ובמשתחוים לצלמה׃ 3 וישפך השני את קערתו על הים ויהי לדם כדם חלל ותמת כל נפש חיה אשר בים׃ 4 וישפך השלישי את קערתו בנהרות ובמעינות המים ויהיו לדם׃ 5 ואשמע את מלאך המים אמר צדיק אתה ההוה והיה והקדוש כי כן שפטת׃ 6 כי דם קדשים ונביאים שפכו ודם השקיתם כי גמול ידם הוא׃ 7 ואשמע את המזבח אמר אמנם כן יהוה אלהים צבאות אמת וצדק משפטיך׃ 8 וישפך המלאך הרביעי את קערתו על השמש וינתן לו לצרב את בני אדם באש׃ 9 ויצרבו בני אדם בחם גדול ויגדפו את שם אלהים אשר לו הממשלה על המכות האלה ולא שבו לתת לו הכבוד׃ 10 וישפך החמישי את קערתו על כסא החיה ותחשך מלכותה וינשכו מכאב לב את לשונם׃ 11 ויגדפו את אלהי השמים ממכאבם ושחינם ולא שבו ממעשיהם׃ 12 וישפך הששי את קערתו על הנהר הגדול נהר פרת ויחרבו מימיו למען תישר מסלה למלכים אשר ממזרח שמש׃
  • בר׳ 13:13 : 13 ואנשי סדם רעים וחטאים ליהוה מאד׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • בר׳ 19:4-12
    9 פסוקים
    85%

    4טרם ישכבו ואנשי העיר אנשי סדם נסבו על הבית מנער ועד זקן כל העם מקצה׃

    5ויקראו אל לוט ויאמרו לו איה האנשים אשר באו אליך הלילה הוציאם אלינו ונדעה אתם׃

    6ויצא אלהם לוט הפתחה והדלת סגר אחריו׃

    7ויאמר אל נא אחי תרעו׃

    8הנה נא לי שתי בנות אשר לא ידעו איש אוציאה נא אתהן אליכם ועשו להן כטוב בעיניכם רק לאנשים האל אל תעשו דבר כי על כן באו בצל קרתי׃

    9ויאמרו גש הלאה ויאמרו האחד בא לגור וישפט שפוט עתה נרע לך מהם ויפצרו באיש בלוט מאד ויגשו לשבר הדלת׃

    10וישלחו האנשים את ידם ויביאו את לוט אליהם הביתה ואת הדלת סגרו׃

    11ואת האנשים אשר פתח הבית הכו בסנורים מקטן ועד גדול וילאו למצא הפתח׃

    12ויאמרו האנשים אל לוט עד מי לך פה חתן ובניך ובנתיך וכל אשר לך בעיר הוצא מן המקום׃

  • בר׳ 19:14-18
    5 פסוקים
    82%

    14ויצא לוט וידבר אל חתניו לקחי בנתיו ויאמר קומו צאו מן המקום הזה כי משחית יהוה את העיר ויהי כמצחק בעיני חתניו׃

    15וכמו השחר עלה ויאיצו המלאכים בלוט לאמר קום קח את אשתך ואת שתי בנתיך הנמצאת פן תספה בעון העיר׃

    16ויתמהמה ויחזקו האנשים בידו וביד אשתו וביד שתי בנתיו בחמלת יהוה עליו ויצאהו וינחהו מחוץ לעיר׃

    17ויהי כהוציאם אתם החוצה ויאמר המלט על נפשך אל תביט אחריך ואל תעמד בכל הככר ההרה המלט פן תספה׃

    18ויאמר לוט אלהם אל נא אדני׃

  • בר׳ 18:20-21
    2 פסוקים
    78%

    20ויאמר יהוה זעקת סדם ועמרה כי רבה וחטאתם כי כבדה מאד׃

    21ארדה נא ואראה הכצעקתה הבאה אלי עשו כלה ואם לא אדעה׃

  • לוק 17:28-29
    2 פסוקים
    78%

    28וכאשר היה בימי לוט אכל ושתה קנה ומכר נטע ובנה׃

    29ויהי ביום אשר יצא לוט מסדום וימטר אש וגפרית מן השמים וישחת את כלם׃

  • בר׳ 19:28-31
    4 פסוקים
    77%

    28וישקף על פני סדם ועמרה ועל כל פני ארץ הככר וירא והנה עלה קיטר הארץ כקיטר הכבשן׃

    29ויהי בשחת אלהים את ערי הככר ויזכר אלהים את אברהם וישלח את לוט מתוך ההפכה בהפך את הערים אשר ישב בהן לוט׃

    30ויעל לוט מצוער וישב בהר ושתי בנתיו עמו כי ירא לשבת בצוער וישב במערה הוא ושתי בנתיו׃

    31ותאמר הבכירה אל הצעירה אבינו זקן ואיש אין בארץ לבוא עלינו כדרך כל הארץ׃

  • בר׳ 19:24-25
    2 פסוקים
    76%

    24ויהוה המטיר על סדם ועל עמרה גפרית ואש מאת יהוה מן השמים׃

    25ויהפך את הערים האל ואת כל הככר ואת כל ישבי הערים וצמח האדמה׃

  • בר׳ 13:12-13
    2 פסוקים
    76%

    12אברם ישב בארץ כנען ולוט ישב בערי הככר ויאהל עד סדם׃

    13ואנשי סדם רעים וחטאים ליהוה מאד׃

  • דב׳ 29:23
    73%

    23גפרית ומלח שרפה כל ארצה לא תזרע ולא תצמח ולא יעלה בה כל עשב כמהפכת סדם ועמרה אדמה וצביים אשר הפך יהוה באפו ובחמתו׃

  • בר׳ 19:1-2
    2 פסוקים
    73%

    1¶ ויבאו שני המלאכים סדמה בערב ולוט ישב בשער סדם וירא לוט ויקם לקראתם וישתחו אפים ארצה׃

    2ויאמר הנה נא אדני סורו נא אל בית עבדכם ולינו ורחצו רגליכם והשכמתם והלכתם לדרככם ויאמרו לא כי ברחוב נלין׃

  • בר׳ 13:10
    73%

    10וישא לוט את עיניו וירא את כל ככר הירדן כי כלה משקה לפני שחת יהוה את סדם ואת עמרה כגן יהוה כארץ מצרים באכה צער׃

  • יר׳ 50:40
    73%

    40כמהפכת אלהים את סדם ואת עמרה ואת שכניה נאם יהוה לא ישב שם איש ולא יגור בה בן אדם׃

  • פט״ב 2:6-7
    2 פסוקים
    72%

    6ואת ערי סדום ועמרה הפך לאפר והאשימם במהפכה וישימם למשל לאשר עתידים לעשות זמה׃

    7ויצל את לוט הצדיק אשר הלאוהו אנשי בליעל ההם בדרך זמתם׃

  • יר׳ 49:18
    72%

    18כמהפכת סדם ועמרה ושכניה אמר יהוה לא ישב שם איש ולא יגור בה בן אדם׃

  • בר׳ 19:22
    71%

    22מהר המלט שמה כי לא אוכל לעשות דבר עד באך שמה על כן קרא שם העיר צוער׃

  • שופ׳ 19:22
    71%

    22המה מיטיבים את לבם והנה אנשי העיר אנשי בני בליעל נסבו את הבית מתדפקים על הדלת ויאמרו אל האיש בעל הבית הזקן לאמר הוצא את האיש אשר בא אל ביתך ונדענו׃

  • בר׳ 18:23
    70%

    23ויגש אברהם ויאמר האף תספה צדיק עם רשע׃

  • בר׳ 14:12
    70%

    12ויקחו את לוט ואת רכשו בן אחי אברם וילכו והוא ישב בסדם׃

  • שופ׳ 20:9
    70%

    9ועתה זה הדבר אשר נעשה לגבעה עליה בגורל׃

  • יהו׳ 1:7
    70%

    7כאשר סדום ועמרה והערים סביבותיהן אשר הזנו כמוהם וילכו אחרי בשר זר נהיו כראי כי נמסרו למוסר אש עולם׃

  • יש׳ 13:19
    70%

    19והיתה בבל צבי ממלכות תפארת גאון כשדים כמהפכת אלהים את סדם ואת עמרה׃

  • דב׳ 3:6
    70%

    6ונחרם אותם כאשר עשינו לסיחן מלך חשבון החרם כל עיר מתם הנשים והטף׃