לוקס 15:27

תנ ך עברי מודרני

ויאמר אליו כי בא אחיך ויטבח אביך את עגל המרבק על אשר הושב לו שלם׃

משאבים נוספים

פסוקים מקושרים

  • לוק 15:30 : 30 ויבא בנך זה אשר בלע את נחלתך עם הזנות ותזבח לו את עגל המרבק׃
  • מע״ש 9:17 : 17 וילך חנניה ויבא הביתה וישם את ידיו עליו ויאמר שאול אחי האדון ישוע הנראה אליך בדרך אשר באת בה שלחני למען תשוב ותראה ותמלא רוח הקדש׃
  • מע״ש 22:13 : 13 ויבא אלי ויעמד ויאמר אלי שאול אחי שוב ראה ובשעה ההיא נפקחו עיני וראיתיהו׃
  • פילמ 1:16 : 16 ומעתה לא כעבד כי אם למעלה מעבד כאח אהוב שכן הוא לי ביותר ואף כי לך הן בבשר הן באדון׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • לוק 15:28-32
    5 פסוקים
    85%

    28ויחר לו ולא אבה לבוא הביתה ויצא אביו וידבר על לבו׃

    29ויען ויאמר אל אביו הנה זה שנים רבות אני עבד אתך ומימי לא עברתי את מצותך ומימי לא נתת לי גדי למען אשיש עם רעי׃

    30ויבא בנך זה אשר בלע את נחלתך עם הזנות ותזבח לו את עגל המרבק׃

    31ויאמר אליו בני אתה תמיד עמדי וכל אשר לי לך הוא׃

    32אבל נכון לשוש ולשמח כי אחיך זה היה מת ויחי ואבד היה וימצא׃

  • לוק 15:9-26
    18 פסוקים
    84%

    9והיה כמצאה אותו תקרא לרעותיה ולשכנותיה לאמר שמחנה אתי כי מצאתי את הדרכמון אשר אבד לי׃

    10כן אני אמר לכם תהיה שמחה לנפי מלאכי אלהים על חוטא אחד אשר שב מחטאו׃

    11ויאמר איש אחד היו לו שני בנים׃

    12ויאמר הצעיר אל אביו אבי תנה לי את חלק הרכוש אשר יפל לי ויחלק להם את הנחלה׃

    13ויהי מקץ ימים ויאסף הבן הצעיר את הכל וילך אל ארץ רחוקה ושם פזר את רכשו וילך בדרך סובאים וזוללים׃

    14ואחרי כלותו את הכל היה רעב חזק בארץ ההיא ויחל להיות חסר לחם׃

    15וילך וידבק באחד מבני המדינה בארץ ההיא וישלח אותו אל שדותיו לרעות חזירים׃

    16ויתאו למלא את בטנו בחרובים אשר יאכלו החזירים ואין נתן לו׃

    17וישב אל לבו ויאמר מה רבו שכירי אבי ויש להם לחם לשבע ואני אבד ברעב׃

    18אקומה נא ואלכה אל אבי ואמר אליו אבי חטאתי לשמים ולפניך׃

    19ונקלתי מהקרא עוד בנך שימני כאשר שכיריך׃

    20ויקם ויבא אל אביו עודנו מרחוק ואביו ראהו ויהמו מעיו וירץ ויפל על צואריו וישקהו׃

    21ויאמר אליו הבן אבי חטאתי לשמים ולפניך ואני נקלתי מהקרא עוד בנך׃

    22ויאמר האב אל עבדיו הוציאו את השמלה הטובה מכלן והלבישהו ותנו טבעת על ידו ונעלים ברגליו׃

    23והביאו את עגל המרבק וטבחו אתו ונאכלה ונשמח׃

    24כי זה בני היה מת ויחי ואובד היה וימצא ויחלו לשמח׃

    25ובנו הגדול היה בשדה ויהי כאשר בא ויקרב אל הבית וישמע קול זמרה ומחלות׃

    26ויקרא אל אחד הנערים וישאל מה זאת׃

  • לוק 15:3-7
    5 פסוקים
    75%

    3וידבר אליהם את המשל הזה לאמר׃

    4מי זה האיש מכם אשר לו מאה כבשים ואבד לו אחד מהם ולא יטוש את התשעים ותשעה במדבר והלך אחרי האבד עד כי ימצאהו׃

    5והיה כמצאו אתו ישימנו על כתפיו בשמחה׃

    6ובא אל ביתו וקרא לאהביו ולשכניו יחד לאמר שמחו אתי כי מצאתי את שיי האבד׃

    7אני אמר לכם כי כן תהיה שמחה בשמים על חוטא אחד השב יותר מעל תשעים ותשעה צדיקים אשר לא יצטרכו לתשובה׃

  • בר׳ 27:18
    71%

    18ויבא אל אביו ויאמר אבי ויאמר הנני מי אתה בני׃

  • לוק 16:27
    70%

    27ויאמר אם כן אבי שאל אני מאתך כי תשלח אתו אל בית אבי׃

  • לוק 19:15
    69%

    15ויהי אחרי קחתו את הממלכה וישב ויאמר לקרא את העבדים ההם אשר נתן להם את הכסף למען ידע מה הרויח כל אחד במסחרו׃

  • בר׳ 27:35
    68%

    35ויאמר בא אחיך במרמה ויקח ברכתך׃

  • מתי 18:13
    68%

    13והיה כאשר ימצאהו אמן אמר אני לכם כי ישמח עליו יותר מעל התשעים ותשעה אשר לא תעו׃

  • בר׳ 47:5
    68%

    5ויאמר פרעה אל יוסף לאמר אביך ואחיך באו אליך׃

  • איוב 1:18
    68%

    18עד זה מדבר וזה בא ויאמר בניך ובנותיך אכלים ושתים יין בבית אחיהם הבכור׃

  • לוק 19:10
    68%

    10כי בא בן האדם לבקש ולהושיע את האבד׃

  • לוק 14:15-17
    3 פסוקים
    68%

    15וישמע זאת אחד מן המסבים ויאמר אליו אשרי האכל לחם במלכות האלהים׃

    16והוא אמר אליו איש אחד עשה סעודה גדולה ויקרא לרבים׃

    17וישלח את עבדו לעת הסעודה לאמר אל הקרואים באו כי כבר מוכן הכל׃

  • מתי 18:11
    67%

    11כי בא בן האדם להושיע את האבד׃

  • בר׳ 45:4
    67%

    4ויאמר יוסף אל אחיו גשו נא אלי ויגשו ויאמר אני יוסף אחיכם אשר מכרתם אתי מצרימה׃

  • מתי 18:15
    67%

    15וכי יחטא לך אחיך לך והוכחת אותו בינך ובינו לבדו ואם ישמע אליך קנית לך אחיך׃

  • לוק 19:6
    67%

    6וימהר וירד ויאספהו בשמחה׃

  • לוק 14:21
    67%

    21ויבא העבד ויגד את הדברים האלה לאדניו ויקצף בעל הבית ויאמר לעבדו מהר צא אל רחבות העיר ואל הוצותיה והבא הנה את העניים ואת הנשברים ואת העורים ואת הפסחים׃

  • מתי 21:28
    67%

    28אבל מה דעתכם איש היה ולו שני בנים ויגש אל הראשון ויאמר בני לך היום ועבד בכרמי׃

  • מתי 22:4
    67%

    4ויסף שלח עבדים אחרים לאמר אמרו אל הקרואים הנה ערכתי את סעודתי שורי ומריאי טבוחים והכל מוכן באו אל החתנה׃

  • בר׳ 29:13
    66%

    13ויהי כשמע לבן את שמע יעקב בן אחתו וירץ לקראתו ויחבק לו וינשק לו ויביאהו אל ביתו ויספר ללבן את כל הדברים האלה׃

  • בר׳ 27:26-27
    2 פסוקים
    66%

    26ויאמר אליו יצחק אביו גשה נא ושקה לי בני׃

    27ויגש וישק לו וירח את ריח בגדיו ויברכהו ויאמר ראה ריח בני כריח שדה אשר ברכו יהוה׃

  • בר׳ 27:31
    66%

    31ויעש גם הוא מטעמים ויבא לאביו ויאמר לאביו יקם אבי ויאכל מציד בנו בעבור תברכני נפשך׃