מרקוס 14:35

תנ ך עברי מודרני

ויעבר משם מעט והלאה ויפל ארצה ויתפלל אשר אם יוכל היות תעבר נא מעליו השעה הזאת׃

משאבים נוספים

פסוקים מקושרים

  • מרק 14:41 : 41 ויבא פעם שלישית ויאמר אליהם מעתה נומו ונוחו רב לי כי באה השעה הנה בן האדם נמסר בידי חטאים׃
  • עבר 5:7 : 7 אשר בימי היותו בבשר הקריב תפלות ותחנונים בצעקה גדולה ובדעות לפני מי שיכול להושיעו ממות ויעתר לו מפני יראתו׃
  • התגל׳ 4:10 : 10 אז יפלו עשרים וארבעה הזקנים על פניהם לפני הישב על הכסא והשתחוו לחי עולמי העולמים ושמו את עטרותיהם לפני הכסא לאמר׃
  • התגל׳ 5:14 : 14 ותאמרנה ארבע החיות אמן ועשרים וארבעה הזקנים נפלו על פניהם וישתחוו לחי עולמי העולמים׃
  • לוק 17:15-16 : 15 ואחד מהם בראתו כי נרפא וישב וישבח את האלהים בקול גדול׃ 16 ויפל על פניו לרגליו ויודה לו והוא היה שמרוני׃
  • מע״ש 10:25-26 : 25 ויהי כבוא פטרוס ויצא קרניליוס לקראתו ויפל לרגליו וישתחו׃ 26 ויקם אותו פטרוס ויאמר קום כי גם אני אנוש אנכי׃
  • בר׳ 17:3 : 3 ויפל אברם על פניו וידבר אתו אלהים לאמר׃
  • דב׳ 9:18 : 18 ואתנפל לפני יהוה כראשנה ארבעים יום וארבעים לילה לחם לא אכלתי ומים לא שתיתי על כל חטאתכם אשר חטאתם לעשות הרע בעיני יהוה להכעיסו׃
  • דה״א 21:15-16 : 15 וישלח האלהים מלאך לירושלם להשחיתה וכהשחית ראה יהוה וינחם על הרעה ויאמר למלאך המשחית רב עתה הרף ידך ומלאך יהוה עמד עם גרן ארנן היבוסי׃ 16 וישא דויד את עיניו וירא את מלאך יהוה עמד בין הארץ ובין השמים וחרבו שלופה בידו נטויה על ירושלם ויפל דויד והזקנים מכסים בשקים על פניהם׃
  • דה״ב 7:3 : 3 וכל בני ישראל ראים ברדת האש וכבוד יהוה על הבית ויכרעו אפים ארצה על הרצפה וישתחוו והודות ליהוה כי טוב כי לעולם חסדו׃
  • מתי 26:39 : 39 וילך מעט האלה ויפל על פניו ויתפלל לאמר אבי אם יוכל להיות תעבר נא מעלי הכוס הזאת אך לא כרצוני כי אם כרצונך׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • מתי 26:36-46
    11 פסוקים
    92%

    36אחרי כן בא אתם ישוע אל חצר הנקרא גת שמני ויאמר אל התלמידים שבו לכם פה עד אשר אלך שמה והתפללתי׃

    37ויקח אתו את פטרוס ואת שני בני זבדי ויחל להעצב ולמוג׃

    38ויאמר להם נפשי מרה לי עד מות עמדו פה ושקדו עמי׃

    39וילך מעט האלה ויפל על פניו ויתפלל לאמר אבי אם יוכל להיות תעבר נא מעלי הכוס הזאת אך לא כרצוני כי אם כרצונך׃

    40ויבא אל התלמידים וימצאם ישנים ויאמר אל פטרוס הנה לא היה ביכלתכם לשקד עמי שעה אחת׃

    41שקדו והתפללו פן תבאו לידי נסיון הן הרוח היא חפצה והבשר הוא רפה׃

    42ויוסף ללכת לו שנית ויתפלל לאמר אבי אם לא תוכל הכוס הזאת לעבר ממני מבלי שתותי אתה יהי כרצונך׃

    43ויבא וימצאם גם בפעם הזאת ישנים כי עיניהם היו כבדות׃

    44ויניחם ויוסף ללכת ויתפלל שלישית באמרו עוד הפעם כדבר הזה׃

    45ויבא אל התלמידים ויאמר אליהם נומו מעתה ונוחו הנה השעה קרובה ובן האדם נמסר לידי חטאים׃

    46קומו ונלכה הנה הלך וקרב המסר אותי׃

  • מרק 14:36-42
    7 פסוקים
    89%

    36ויאמר אבא אבי הכל תוכל העבר נא מעלי את הכוס הזאת אך לא את אשר אני רוצה כי אם את אשר אתה׃

    37ויבא וימצאם ישנים ויאמר אל פטרוס שמעון התישן הכי לא יכלת לשקד שעה אחת׃

    38שקדו והתפללו פן תבאו לידי נסיון הן הרוח היא חפצה והבשר רפה׃

    39ויסף לסור ויתפלל באמרו עוד הפעם כדברים ההמה׃

    40וישב וימצאם שנית ישנים כי עיניהם היו כבדות ולא ידעו מה יענהו׃

    41ויבא פעם שלישית ויאמר אליהם מעתה נומו ונוחו רב לי כי באה השעה הנה בן האדם נמסר בידי חטאים׃

    42קומו ונלכה הנה המוסר אותי קרב׃

  • לוק 22:39-46
    8 פסוקים
    86%

    39ויצא וילך כיום ביום על הר הזיתים וילכו אחריו גם תלמידיו׃

    40ויבא אל המקום ויאמר אליהם התפללו לבלתי בוא לידי נסיון׃

    41והוא נפרד מהם הרחק כקלע אבן ויכרע על ברכיו ויתפלל לאמר׃

    42אבי אם רצונך להעביר מעלי את הכוס הזאת אך אל יהי כרצוני כי אם כרצונך׃

    43וירא אליו מלאך מן השמים ויחזקהו׃

    44ויבאו עליו חבלי מות ויוסף להתפלל בחזקה ותהי זעתו כנטפי דם ירדים לארץ׃

    45ויקם מהתפלל ויבא אל התלמידים וימצאם ישנים מיגון׃

    46]74-64[ ויאמר אליהם למה תישנו קומו והתפללו אשר לא תבאו לידי נסיונ, עודנו מדבר והנה המון ואחד משנים העשר הנקרא יהודה הלך לפניהם ויקרב אל ישוע לנשק לו׃

  • מרק 14:31-34
    4 פסוקים
    85%

    31והוא התחזק ויוסף לדבר ויאמר גם כי יהיה עלי למות אתך כחש לא אכחש בך וכן אמרו גם כלם׃

    32ויבאו אל חצר גת שמני שמו ויאמר אל תלמידיו שבו לכם פה עד אשר אתפלל׃

    33ויקח אתו את פטרוס ואת יעקב ואת יוחנן ויחל להשמים ולמוג׃

    34ויאמר אליהם נפשי מרה לי עד מות עמדו פה ושקדו׃

  • מרק 1:35
    75%

    35וישכם ממחרת בעוד לילה ויצא וילך אל מקום חרבה ויתפלל שם׃

  • עבר 5:7
    75%

    7אשר בימי היותו בבשר הקריב תפלות ותחנונים בצעקה גדולה ובדעות לפני מי שיכול להושיעו ממות ויעתר לו מפני יראתו׃

  • יוח 12:27
    75%

    27עתה נבהלה נפשי ומה אמר הושיעני אבי מן השעה הזאת אך על כן באתי אל השעה הזאת׃

  • לוק 6:12
    73%

    12ויהי בימים ההם ויצא ההרה להתפלל ויעמד כל הלילה בתפלה לאלהים׃

  • מתי 26:53-54
    2 פסוקים
    71%

    53או היחשב לבך כי לא יכלתי לשאל עתה מאת אבי והוא יצוה לי יותר משנים עשר לגיונות של מלאכים׃

    54ואיככה אפוא ימלאו הכתובים כי כן היה תהיה׃

  • לוק 5:16
    71%

    16והוא סר אל המדברות ויתפלל׃

  • יוח 18:1
    71%

    1¶ ויהי ככלות ישוע לדבר את הדברים האלה ויצא החוצה עם תלמידיו מעבר לנחל קדרון ושם גן ויבא בו הוא ותלמידיו׃

  • מרק 15:34
    71%

    34ובשעה התשיעית ויצעק ישוע בקול גדול אלהי אלהי למה שבקתני אשר פרושו אלי אלי למה עזבתני׃

  • מרק 14:26
    71%

    26ואחרי גמרם את ההלל ויצאו אל הר הזיתים׃

  • מתי 14:23
    71%

    23ואחרי שלחו את העם עלה ההרה בדד להתפלל ויהי ערב והוא לבדו שמה׃

  • מתי 17:14
    70%

    14ויהי כבואם אל המון העם ויגש אליו איש ויכרע על ברכיו לנגדו׃

  • מרק 14:21
    70%

    21הן בן האדם הלך ילך כאשר כתוב עליו אבל אוי לאיש ההוא אשר על ידו ימסר בן האדם טוב לאיש ההוא שלא נולד׃

  • מתי 27:46
    69%

    46וכעת השעה התשיעית ויצעק ישוע בקול גדול אלי אלי למה שבקתני ותרגומו אלי אלי למה עזבתני׃

  • לוק 21:36
    69%

    36לכן שקדו בכל עת והתפללו למען תעצרו כח להמלט מכל העתידות האלה ולהתיצב לפני בן האדם׃

  • יוח 17:1
    69%

    1¶ את אלה דבר ישוע וישא עיניו השמימה ויאמר אבי הנה באה השעה פאר את בנך למען גם בנך יפארך׃

  • יוח 19:17
    69%

    17וישא את צלבו ויצא אל המקום הנקרא מקום הגלגלת ובלשונם גלגלתא׃

  • לוק 22:22
    69%

    22כי הן בן האדם הלך לו כפי אשר נחרץ עליו אבל אוי לאיש ההוא אשר על ידו ימסר׃

  • תה׳ 22:1
    69%

    1¶ למנצח על אילת השחר מזמור לדוד אלי אלי למה עזבתני רחוק מישועתי דברי שאגתי׃

  • לוק 11:1
    69%

    1¶ ויהי הוא מתפלל במקום אחד ויאמר אליו אחד מתלמידיו אחרי כלותו אדני למדנו להתפלל כאשר למד גם יוחנן את תלמידיו׃