מתי 18:32

תנ ך עברי מודרני

ויקרא אליו אדניו ויאמר לו אתה העבד הרע את כל החוב ההוא השמטתי לך יען אשר בקשת ממני׃

משאבים נוספים

פסוקים מקושרים

  • מתי 25:26 : 26 ויען אדניו ויאמר אליו העבד הרע והעצל אתה ידעת כי קצר אנכי באשר לא זרעתי וכנס מאשר לא פזרתי׃
  • לוק 19:22 : 22 ויאמר אליו מפיך אשפטך העבד הרע אתה ידעת כי אני איש קשה לקח את אשר לא הנחתי וקוצר את אשר לא זרעתי׃
  • רומ 3:19 : 19 ואנחנו ידענו כי כל מה שאמרה התורה מדברת אל אלה אשר תחת התורה למען יסכר כל פה והיה כל העולם מחיב לפני אלהים׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • מתי 18:21-31
    11 פסוקים
    88%

    21ויגש אליו פטרוס ויאמר לו אדני כמה פעמים יחטא לי אחי וסלחתי לו העד שבע פעמים׃

    22ויאמר אליו ישוע לא אמר לך עד שבע פעמים כי אם עד שבעים ושבע׃

    23על כן דומה מלכות השמים למלך בשר ודם אשר חפץ לעשות חשבון עם עבדיו׃

    24וכאשר החל לחשב הובא לפניו איש אשר חיב לו עשרת אלפים ככרי כסף׃

    25ולא היה לו לשלם ויצו אדניו למכר אותו ואת אשתו ואת בניו ואת כל אשר לו וכן ישלם׃

    26ויפל העבד וישתחו לו לאמר אדני הארך לי אפך ואת כל אשלמה לך׃

    27ויהמו רחמי אדוני העבד ההוא ויפטרהו וישמט לו את החוב׃

    28ויצא העבד ההוא מלפניו וימצא אחד מחבריו העבדים והוא חיב לו מאה דינרים ויחזק בו ויחנקהו לאמר שלם את אשר אתה חיב לי׃

    29ויפל חברו לפני רגליו ויבקש ממנו לאמר הארך לי אפך ואשלמה לך הכל׃

    30והוא מאן וילך וישליכהו במשמר עד כי ישלם לו את חובו׃

    31וחבריו העבדים ראו את הנעשה ויעצבו מאד ויבאו ויגידו לאדניהם את כל אשר נעשה׃

  • מתי 18:33-35
    3 פסוקים
    87%

    33הלא היה לך גם אתה לרחם על העבד חברך כאשר רחמתי אני עליך׃

    34ויקצף אדניו ויסגר אותו למיסרים עד כי ישלם את כל חובו׃

    35ככה יעשה לכם גם אבי שבשמים אם לא תסלחו איש איש לאחיו בכל לבבכם את חטאתם׃

  • לוק 19:21-23
    3 פסוקים
    77%

    21מפני יראתי אתך כי אתה איש קשה לקח את אשר לא הנחת וקצר את אשר לא זרעת׃

    22ויאמר אליו מפיך אשפטך העבד הרע אתה ידעת כי אני איש קשה לקח את אשר לא הנחתי וקוצר את אשר לא זרעתי׃

    23ולמה לא נתת את כספי לשלחני ואני בבואי הייתי תובע אותו במרבית׃

  • לוק 16:5
    77%

    5ויקרא אל כל איש אשר נשה בהם אדניו וישאל את הראשון כמה אתה חיב לאדני׃

  • מתי 25:26-27
    2 פסוקים
    75%

    26ויען אדניו ויאמר אליו העבד הרע והעצל אתה ידעת כי קצר אנכי באשר לא זרעתי וכנס מאשר לא פזרתי׃

    27לכן היה עליך לתת את כספי לשלחנים ואני בבואי הייתי לקח את אשר לי בתרבית׃

  • לוק 7:41-43
    3 פסוקים
    75%

    41שני חיבים היו לנשה אחד האחד חיב לו דינרים חמש מאות והשני דינרים חמשים׃

    42ויהי באשר לא השיגה ידם לשלם וישמט את שניהם ועתה אמר נא מי משניהם ירבה לאהבה אתו׃

    43ויען שמעון ויאמר אחשב כי האיש ההוא אשר הרבה להשמיט לו ויאמר אליו כן שפטת׃

  • מתי 6:12
    72%

    12וסלח לנו את חבותינו כאשר סלחנו גם אנחנו לחיבינו׃

  • מע״ש 8:22
    72%

    22ועתה שוב מרעתך זאת והתחנן אל האלהים אולי תסלח לך מזמת לבבך׃

  • מתי 25:18-19
    2 פסוקים
    72%

    18אך לקח האחת הלך ויחפר באדמה ויטמן את כסף אדניו׃

    19ואחרי ימים רבים בא אדוני העבדים ההם ויעש חשבון עמהם׃

  • לוק 16:2-3
    2 פסוקים
    72%

    2ויקרא אתו ויאמר אליו מה זאת שמעתי עליך תן חשבון פקדתך כי לא תוכל להיות עוד פקיד׃

    3ויאמר הפקיד בלבו מה אעשה כי יקח אדני ממני את הפקדה לעדר לא אוכל ולשאל על הפתחים אני בוש׃

  • לוק 17:4
    71%

    4ואם יחטא לך שבע פעמים ביום ושב אליך שבע פעמים ביום ואמר נחמתי וסלחת לו׃

  • מתי 6:14-15
    2 פסוקים
    71%

    14כי אם תסלחו לבני אדם את חטאתם אביכם שבשמים יסלח גם לכם׃

    15ואם לא תסלחו לבני אדם גם אביכם לא יסלח לכם את חטאתיכם׃

  • לוק 17:7-9
    3 פסוקים
    71%

    7מי הוא זה מכם ולו עבד חרש או רעה אשר בבאו מן השדה יאמר אליו מהר גשה הנה והסב׃

    8הלא יאמר אליו הכן לי ארוחת הערב וחגר מתניך ושרתני עד אם כליתי לאכל ולשתות ואחר תאכל ותשתה גם אתה׃

    9הגם יתן תודה לעבד על עשתו את אשר צוהו אמרתי לא יתן׃

  • מרק 11:25-26
    2 פסוקים
    71%

    25וכי תעמדו להתפלל תסלחו לכל איש את אשר בלבבכם עליו למען יסלח לכם אביכם שבשמים אף הוא את פשעיכם׃

    26ואתם אם לא תסלחו אף אביכם שבשמים לא יסלח לכם את פשעיכם׃

  • לוק 12:46-47
    2 פסוקים
    71%

    46בוא יבוא אדני העבד ההוא ביום לא יצפה ובשעה לא ידע וישסף אותו וישים את חלקו עם הסוררים׃

    47]84-74[ והעבד ההוא אשר ידע את רצון אדניו ולא הכין ולא עשה כרצונו יכה מכות רבות, ואשר לא ידע ועשה דברים אשר עליהם בן הכות הוא לא יכה כי אם מעט כי כל איש אשר נתן לו הרבה דרוש ידרש ממנו הרבה ואשר הפקידו בידו הרבה ישאלו מאתו יותר׃

  • מתי 25:30
    71%

    30ואת עבד הבליעל השליכו אל החשך החיצון שם תהיה היללה וחרק השנים׃

  • לוק 11:4
    70%

    4וסלח לנו את חובתנו כי סלחים גם אנחנו לכל החיב לנו ואל תביאנו לידי נסיון כי אם הצילנו מן הרע׃

  • מתי 25:24
    70%

    24ויגש גם הלקח את הככר האחת ויאמר אדני ידעתיך כי איש קשה אתה קצר באשר לא זרעת וכנס מאשר לא פזרת׃

  • קור״ב 2:10
    70%

    10ואיש אשר תסלחו לו אסלח לו גם אני כי גם אנכי אם סלחתי דבר סלחתי לו למענכם בפני המשיח׃

  • לוק 14:21-22
    2 פסוקים
    70%

    21ויבא העבד ויגד את הדברים האלה לאדניו ויקצף בעל הבית ויאמר לעבדו מהר צא אל רחבות העיר ואל הוצותיה והבא הנה את העניים ואת הנשברים ואת העורים ואת הפסחים׃

    22ויאמר העבד אדני כאשר צוית כן נעשה ויש עוד מקום׃

  • לוק 15:18
    70%

    18אקומה נא ואלכה אל אבי ואמר אליו אבי חטאתי לשמים ולפניך׃

  • מתי 24:48
    69%

    48ואם העבד הרע יאמר בלבו בשש אדני לבוא׃

  • מתי 22:13
    69%

    13ויאמר המלך למשרתים אסרו ידיו ורגליו ונשאתם והשלכתם אותו אל החשך החיצון שם תהיה היללה וחרק השנים׃

  • לוק 19:15
    69%

    15ויהי אחרי קחתו את הממלכה וישב ויאמר לקרא את העבדים ההם אשר נתן להם את הכסף למען ידע מה הרויח כל אחד במסחרו׃

  • אפס 4:32
    69%

    32והיו טובים איש אל רעהו ורחמנים וסלחים איש לאחיו כאשר סלח לכם האלהים במשיח׃