שמואל א׳ 31:8

תנ ך עברי מודרני

ויהי ממחרת ויבאו פלשתים לפשט את החללים וימצאו את שאול ואת שלשת בניו נפלים בהר הגלבע׃

משאבים נוספים

פסוקים מקושרים

  • דה״א 10:8 : 8 ויהי ממחרת ויבאו פלשתים לפשט את החללים וימצאו את שאול ואת בניו נפלים בהר גלבע׃
  • דה״ב 20:25 : 25 ויבא יהושפט ועמו לבז את שללם וימצאו בהם לרב ורכוש ופגרים וכלי חמדות וינצלו להם לאין משא ויהיו ימים שלושה בזזים את השלל כי רב הוא׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • דה״א 10:1-12
    12 פסוקים
    96%

    1¶ ופלשתים נלחמו בישראל וינס איש ישראל מפני פלשתים ויפלו חללים בהר גלבע׃

    2וידבקו פלשתים אחרי שאול ואחרי בניו ויכו פלשתים את יונתן ואת אבינדב ואת מלכי שוע בני שאול׃

    3ותכבד המלחמה על שאול וימצאהו המורים בקשת ויחל מן היורים׃

    4ויאמר שאול אל נשא כליו שלף חרבך ודקרני בה פן יבאו הערלים האלה והתעללו בי ולא אבה נשא כליו כי ירא מאד ויקח שאול את החרב ויפל עליה׃

    5וירא נשא כליו כי מת שאול ויפל גם הוא על החרב וימת׃

    6וימת שאול ושלשת בניו וכל ביתו יחדו מתו׃

    7ויראו כל איש ישראל אשר בעמק כי נסו וכי מתו שאול ובניו ויעזבו עריהם וינסו ויבאו פלשתים וישבו בהם׃

    8ויהי ממחרת ויבאו פלשתים לפשט את החללים וימצאו את שאול ואת בניו נפלים בהר גלבע׃

    9ויפשיטהו וישאו את ראשו ואת כליו וישלחו בארץ פלשתים סביב לבשר את עצביהם ואת העם׃

    10וישימו את כליו בית אלהיהם ואת גלגלתו תקעו בית דגון׃

    11וישמעו כל יביש גלעד את כל אשר עשו פלשתים לשאול׃

    12ויקומו כל איש חיל וישאו את גופת שאול ואת גופת בניו ויביאום יבישה ויקברו את עצמותיהם תחת האלה ביבש ויצומו שבעת ימים׃

  • שמ״א 31:1-7
    7 פסוקים
    87%

    1¶ ופלשתים נלחמים בישראל וינסו אנשי ישראל מפני פלשתים ויפלו חללים בהר הגלבע׃

    2וידבקו פלשתים את שאול ואת בניו ויכו פלשתים את יהונתן ואת אבינדב ואת מלכי שוע בני שאול׃

    3ותכבד המלחמה אל שאול וימצאהו המורים אנשים בקשת ויחל מאד מהמורים׃

    4ויאמר שאול לנשא כליו שלף חרבך ודקרני בה פן יבואו הערלים האלה ודקרני והתעללו בי ולא אבה נשא כליו כי ירא מאד ויקח שאול את החרב ויפל עליה׃

    5וירא נשא כליו כי מת שאול ויפל גם הוא על חרבו וימת עמו׃

    6וימת שאול ושלשת בניו ונשא כליו גם כל אנשיו ביום ההוא יחדו׃

    7ויראו אנשי ישראל אשר בעבר העמק ואשר בעבר הירדן כי נסו אנשי ישראל וכי מתו שאול ובניו ויעזבו את הערים וינסו ויבאו פלשתים וישבו בהן׃

  • שמ״א 31:9-13
    5 פסוקים
    83%

    9ויכרתו את ראשו ויפשיטו את כליו וישלחו בארץ פלשתים סביב לבשר בית עצביהם ואת העם׃

    10וישמו את כליו בית עשתרות ואת גויתו תקעו בחומת בית שן׃

    11וישמעו אליו ישבי יביש גלעד את אשר עשו פלשתים לשאול׃

    12ויקומו כל איש חיל וילכו כל הלילה ויקחו את גוית שאול ואת גוית בניו מחומת בית שן ויבאו יבשה וישרפו אתם שם׃

    13ויקחו את עצמתיהם ויקברו תחת האשל ביבשה ויצמו שבעת ימים׃

  • שמ״א 28:3-4
    2 פסוקים
    78%

    3ושמואל מת ויספדו לו כל ישראל ויקברהו ברמה ובעירו ושאול הסיר האבות ואת הידענים מהארץ׃

    4ויקבצו פלשתים ויבאו ויחנו בשונם ויקבץ שאול את כל ישראל ויחנו בגלבע׃

  • שמ״ב 21:12-13
    2 פסוקים
    77%

    12וילך דוד ויקח את עצמות שאול ואת עצמות יהונתן בנו מאת בעלי יביש גלעד אשר גנבו אתם מרחב בית שן אשר תלום שם הפלשתים ביום הכות פלשתים את שאול בגלבע׃

    13ויעל משם את עצמות שאול ואת עצמות יהונתן בנו ויאספו את עצמות המוקעים׃

  • שמ״א 28:19
    76%

    19ויתן יהוה גם את ישראל עמך ביד פלשתים ומחר אתה ובניך עמי גם את מחנה ישראל יתן יהוה ביד פלשתים׃

  • שמ״ב 1:6
    76%

    6ויאמר הנער המגיד לו נקרא נקריתי בהר הגלבע והנה שאול נשען על חניתו והנה הרכב ובעלי הפרשים הדבקהו׃

  • שמ״א 13:22
    75%

    22והיה ביום מלחמת ולא נמצא חרב וחנית ביד כל העם אשר את שאול ואת יונתן ותמצא לשאול וליונתן בנו׃

  • שמ״ב 1:4
    75%

    4ויאמר אליו דוד מה היה הדבר הגד נא לי ויאמר אשר נס העם מן המלחמה וגם הרבה נפל מן העם וימתו וגם שאול ויהונתן בנו מתו׃

  • שמ״ב 1:12
    75%

    12ויספדו ויבכו ויצמו עד הערב על שאול ועל יהונתן בנו ועל עם יהוה ועל בית ישראל כי נפלו בחרב׃

  • שמ״ב 1:21
    74%

    21הרי בגלבע אל טל ואל מטר עליכם ושדי תרומת כי שם נגעל מגן גבורים מגן שאול בלי משיח בשמן׃

  • שמ״א 17:19
    74%

    19ושאול והמה וכל איש ישראל בעמק האלה נלחמים עם פלשתים׃

  • שמ״א 13:16-17
    2 פסוקים
    74%

    16ושאול ויונתן בנו והעם הנמצא עמם ישבים בגבע בנימן ופלשתים חנו במכמש׃

    17ויצא המשחית ממחנה פלשתים שלשה ראשים הראש אחד יפנה אל דרך עפרה אל ארץ שועל׃

  • שמ״ב 1:25
    74%

    25איך נפלו גברים בתוך המלחמה יהונתן על במותיך חלל׃

  • שמ״א 14:46
    74%

    46ויעל שאול מאחרי פלשתים ופלשתים הלכו למקומם׃

  • שמ״א 13:4
    74%

    4וכל ישראל שמעו לאמר הכה שאול את נציב פלשתים וגם נבאש ישראל בפלשתים ויצעקו העם אחרי שאול הגלגל׃

  • שמ״א 17:57
    74%

    57וכשוב דוד מהכות את הפלשתי ויקח אתו אבנר ויבאהו לפני שאול וראש הפלשתי בידו׃

  • שמ״ב 1:17
    74%

    17ויקנן דוד את הקינה הזאת על שאול ועל יהונתן בנו׃

  • שמ״ב 1:1
    73%

    1¶ ויהי אחרי מות שאול ודוד שב מהכות את העמלק וישב דוד בצקלג ימים שנים׃

  • שמ״א 17:52
    73%

    52ויקמו אנשי ישראל ויהודה וירעו וירדפו את הפלשתים עד בואך גיא ועד שערי עקרון ויפלו חללי פלשתים בדרך שערים ועד גת ועד עקרון׃

  • שמ״א 17:2-3
    2 פסוקים
    73%

    2ושאול ואיש ישראל נאספו ויחנו בעמק האלה ויערכו מלחמה לקראת פלשתים׃

    3ופלשתים עמדים אל ההר מזה וישראל עמדים אל ההר מזה והגיא ביניהם׃

  • שמ״א 14:21
    73%

    21והעברים היו לפלשתים כאתמול שלשום אשר עלו עמם במחנה סביב וגם המה להיות עם ישראל אשר עם שאול ויונתן׃

  • שמ״א 11:5
    73%

    5והנה שאול בא אחרי הבקר מן השדה ויאמר שאול מה לעם כי יבכו ויספרו לו את דברי אנשי יביש׃

  • שמ״ב 1:19
    72%

    19הצבי ישראל על במותיך חלל איך נפלו גבורים׃

  • שמ״א 11:11
    72%

    11ויהי ממחרת וישם שאול את העם שלשה ראשים ויבאו בתוך המחנה באשמרת הבקר ויכו את עמון עד חם היום ויהי הנשארים ויפצו ולא נשארו בם שנים יחד׃