קהלת 3:4

תנ ך עברי מודרני

עת לבכות ועת לשחוק עת ספוד ועת רקוד׃

משאבים נוספים

פסוקים מקושרים

  • שמ׳ 15:20 : 20 ותקח מרים הנביאה אחות אהרן את התף בידה ותצאן כל הנשים אחריה בתפים ובמחלת׃
  • רומ 12:15 : 15 שמחו עם השמחים ובכו עם הבכים׃
  • יוח 16:20-22 : 20 אמן אמן אני אמר לכם כי אתם תבכו ותילילו והעולם ישמח הן אתם תעצבו אכן עצבכם יהפך לששון׃ 21 האשה בלדתה עצב לה כי באה עתה ואחרי ילדה את הילד לא תזכר עוד את עצבונה משמחתה כי אדם נולד לעולם׃ 22 וגם אתם כעת תתעצבו אך אשוב אראה אתכם ושש לבכם ואין לקח שמחתכם מכם׃
  • תה׳ 30:5 : 5 כי רגע באפו חיים ברצונו בערב ילין בכי ולבקר רנה׃
  • קור״ב 7:10 : 10 כי העצבת שהיא כרצון אלהים תפעל תשובה לישועה אשר איש לא יתחרט עליה אבל עצבת העולם פעלת את המות׃
  • יעק׳ 4:9 : 9 התענו והתאבלו ובכו שחקכם יהפך לאבל ושמחתכם ליגון׃
  • תה׳ 126:5-6 : 5 הזרעים בדמעה ברנה יקצרו׃ 6 הלוך ילך ובכה נשא משך הזרע בא יבוא ברנה נשא אלמתיו׃
  • יש׳ 22:12-13 : 12 ויקרא אדני יהוה צבאות ביום ההוא לבכי ולמספד ולקרחה ולחגר שק׃ 13 והנה ששון ושמחה הרג בקר ושחט צאן אכל בשר ושתות יין אכול ושתו כי מחר נמות׃
  • מתי 9:15 : 15 ויאמר אליהם ישוע איך יוכלו בני החפה להתאבל בעוד החתן עמהם הנה ימים באים ולקח מאתם החתן ואז יצומו׃
  • מתי 11:17 : 17 חללנו לכם בחלילים ולא רקדתם קוננו לכם קינה ולא ספדתם׃
  • לוק 1:13-14 : 13 ויאמר אליו המלאך אל תירא זכריהו כי נשמעה תפלתך ואלישבע אשתך תלד לך בן וקראת שמו יוחנן׃ 14 והיה לך לשמחה וגיל ורבים ישמחו בהולדו׃
  • לוק 1:58 : 58 וישמעו שכניה וקרוביה כי הגדיל יהוה את חסדו עמה וישמחו אתה׃
  • לוק 6:21-25 : 21 אשריכם הרעבים כעת כי תשבעו אשריכם הבכים כעת כי תשחקו׃ 22 אשריכם אם ישנאו אתכם האנשים ואם ינדו אתכם וחרפו והדיחו את שמכם כשם רע בעבור בן האדם׃ 23 שמחו ביום ההוא ורקדו כי הנה שכרכם רב בשמים כי כזאת עשו אבתיהם לנביאים׃ 24 אך אוי לכם העשירים כי כבר לקחתם את נחמתכם׃ 25 אוי לכם השבעים כי תרעבו אוי לכם השחקים כעת כי תתאבלו ותבכו׃
  • שמ״ב 6:16 : 16 והיה ארון יהוה בא עיר דוד ומיכל בת שאול נשקפה בעד החלון ותרא את המלך דוד מפזז ומכרכר לפני יהוה ותבז לו בלבה׃
  • נח׳ 8:9-9 : 9 ויאמר נחמיה הוא התרשתא ועזרא הכהן הספר והלוים המבינים את העם לכל העם היום קדש הוא ליהוה אלהיכם אל תתאבלו ואל תבכו כי בוכים כל העם כשמעם את דברי התורה׃ 10 ויאמר להם לכו אכלו משמנים ושתו ממתקים ושלחו מנות לאין נכון לו כי קדוש היום לאדנינו ואל תעצבו כי חדות יהוה היא מעזכם׃ 11 והלוים מחשים לכל העם לאמר הסו כי היום קדש ואל תעצבו׃ 12 וילכו כל העם לאכל ולשתות ולשלח מנות ולעשות שמחה גדולה כי הבינו בדברים אשר הודיעו להם׃
  • נח׳ 9:1-9 : 1 ¶ וביום עשרים וארבעה לחדש הזה נאספו בני ישראל בצום ובשקים ואדמה עליהם׃ 2 ויבדלו זרע ישראל מכל בני נכר ויעמדו ויתודו על חטאתיהם ועונות אבתיהם׃ 3 ויקומו על עמדם ויקראו בספר תורת יהוה אלהיהם רבעית היום ורבעית מתודים ומשתחוים ליהוה אלהיהם׃ 4 ויקם על מעלה הלוים ישוע ובני קדמיאל שבניה בני שרביה בני כנני ויזעקו בקול גדול אל יהוה אלהיהם׃ 5 ויאמרו הלוים ישוע וקדמיאל בני חשבניה שרביה הודיה שבניה פתחיה קומו ברכו את יהוה אלהיכם מן העולם עד העולם ויברכו שם כבודך ומרומם על כל ברכה ותהלה׃ 6 אתה הוא יהוה לבדך את עשית את השמים שמי השמים וכל צבאם הארץ וכל אשר עליה הימים וכל אשר בהם ואתה מחיה את כלם וצבא השמים לך משתחוים׃ 7 אתה הוא יהוה האלהים אשר בחרת באברם והוצאתו מאור כשדים ושמת שמו אברהם׃ 8 ומצאת את לבבו נאמן לפניך וכרות עמו הברית לתת את ארץ הכנעני החתי האמרי והפרזי והיבוסי והגרגשי לתת לזרעו ותקם את דבריך כי צדיק אתה׃ 9 ותרא את עני אבתינו במצרים ואת זעקתם שמעת על ים סוף׃ 10 ותתן אתת ומפתים בפרעה ובכל עבדיו ובכל עם ארצו כי ידעת כי הזידו עליהם ותעש לך שם כהיום הזה׃ 11 והים בקעת לפניהם ויעברו בתוך הים ביבשה ואת רדפיהם השלכת במצולת כמו אבן במים עזים׃ 12 ובעמוד ענן הנחיתם יומם ובעמוד אש לילה להאיר להם את הדרך אשר ילכו בה׃ 13 ועל הר סיני ירדת ודבר עמהם משמים ותתן להם משפטים ישרים ותורות אמת חקים ומצות טובים׃ 14 ואת שבת קדשך הודעת להם ומצוות וחקים ותורה צוית להם ביד משה עבדך׃ 15 ולחם משמים נתתה להם לרעבם ומים מסלע הוצאת להם לצמאם ותאמר להם לבוא לרשת את הארץ אשר נשאת את ידך לתת להם׃ 16 והם ואבתינו הזידו ויקשו את ערפם ולא שמעו אל מצותיך׃ 17 וימאנו לשמע ולא זכרו נפלאתיך אשר עשית עמהם ויקשו את ערפם ויתנו ראש לשוב לעבדתם במרים ואתה אלוה סליחות חנון ורחום ארך אפים ורב וחסד ולא עזבתם׃ 18 אף כי עשו להם עגל מסכה ויאמרו זה אלהיך אשר העלך ממצרים ויעשו נאצות גדלות׃ 19 ואתה ברחמיך הרבים לא עזבתם במדבר את עמוד הענן לא סר מעליהם ביומם להנחתם בהדרך ואת עמוד האש בלילה להאיר להם ואת הדרך אשר ילכו בה׃ 20 ורוחך הטובה נתת להשכילם ומנך לא מנעת מפיהם ומים נתתה להם לצמאם׃ 21 וארבעים שנה כלכלתם במדבר לא חסרו שלמתיהם לא בלו ורגליהם לא בצקו׃ 22 ותתן להם ממלכות ועממים ותחלקם לפאה ויירשו את ארץ סיחון ואת ארץ מלך חשבון ואת ארץ עוג מלך הבשן׃ 23 ובניהם הרבית כככבי השמים ותביאם אל הארץ אשר אמרת לאבתיהם לבוא לרשת׃ 24 ויבאו הבנים ויירשו את הארץ ותכנע לפניהם את ישבי הארץ הכנענים ותתנם בידם ואת מלכיהם ואת עממי הארץ לעשות בהם כרצונם׃ 25 וילכדו ערים בצרות ואדמה שמנה ויירשו בתים מלאים כל טוב ברות חצובים כרמים וזיתים ועץ מאכל לרב ויאכלו וישבעו וישמינו ויתעדנו בטובך הגדול׃ 26 וימרו וימרדו בך וישלכו את תורתך אחרי גום ואת נביאיך הרגו אשר העידו בם להשיבם אליך ויעשו נאצות גדולת׃ 27 ותתנם ביד צריהם ויצרו להם ובעת צרתם יצעקו אליך ואתה משמים תשמע וכרחמיך הרבים תתן להם מושיעים ויושיעום מיד צריהם׃ 28 וכנוח להם ישובו לעשות רע לפניך ותעזבם ביד איביהם וירדו בהם וישובו ויזעקוך ואתה משמים תשמע ותצילם כרחמיך רבות עתים׃ 29 ותעד בהם להשיבם אל תורתך והמה הזידו ולא שמעו למצותיך ובמשפטיך חטאו בם אשר יעשה אדם וחיה בהם ויתנו כתף סוררת וערפם הקשו ולא שמעו׃ 30 ותמשך עליהם שנים רבות ותעד בם ברוחך ביד נביאיך ולא האזינו ותתנם ביד עמי הארצת׃ 31 וברחמיך הרבים לא עשיתם כלה ולא עזבתם כי אל חנון ורחום אתה׃ 32 ועתה אלהינו האל הגדול הגבור והנורא שומר הברית והחסד אל ימעט לפניך את כל התלאה אשר מצאתנו למלכינו לשרינו ולכהנינו ולנביאנו ולאבתינו ולכל עמך מימי מלכי אשור עד היום הזה׃ 33 ואתה צדיק על כל הבא עלינו כי אמת עשית ואנחנו הרשענו׃ 34 ואת מלכינו שרינו כהנינו ואבתינו לא עשו תורתך ולא הקשיבו אל מצותיך ולעדותיך אשר העידת בהם׃ 35 והם במלכותם ובטובך הרב אשר נתת להם ובארץ הרחבה והשמנה אשר נתת לפניהם לא עבדוך ולא שבו ממעלליהם הרעים׃ 36 הנה אנחנו היום עבדים והארץ אשר נתתה לאבתינו לאכל את פריה ואת טובה הנה אנחנו עבדים עליה׃ 37 ותבואתה מרבה למלכים אשר נתתה עלינו בחטאותינו ועל גויתינו משלים ובבהמתנו כרצונם ובצרה גדולה אנחנו׃ 38 ובכל זאת אנחנו כרתים אמנה וכתבים ועל החתום שרינו לוינו כהנינו׃
  • תה׳ 126:1-2 : 1 ¶ שיר המעלות בשוב יהוה את שיבת ציון היינו כחלמים׃ 2 אז ימלא שחוק פינו ולשוננו רנה אז יאמרו בגוים הגדיל יהוה לעשות עם אלה׃
  • בר׳ 21:6 : 6 ותאמר שרה צחק עשה לי אלהים כל השמע יצחק לי׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • קה׳ 3:1-3
    3 פסוקים
    86%

    1¶ לכל זמן ועת לכל חפץ תחת השמים׃

    2עת ללדת ועת למות עת לטעת ועת לעקור נטוע׃

    3עת להרוג ועת לרפוא עת לפרוץ ועת לבנות׃

  • קה׳ 3:5-13
    9 פסוקים
    85%

    5עת להשליך אבנים ועת כנוס אבנים עת לחבוק ועת לרחק מחבק׃

    6עת לבקש ועת לאבד עת לשמור ועת להשליך׃

    7עת לקרוע ועת לתפור עת לחשות ועת לדבר׃

    8עת לאהב ועת לשנא עת מלחמה ועת שלום׃

    9מה יתרון העושה באשר הוא עמל׃

    10ראיתי את הענין אשר נתן אלהים לבני האדם לענות בו׃

    11את הכל עשה יפה בעתו גם את העלם נתן בלבם מבלי אשר לא ימצא האדם את המעשה אשר עשה האלהים מראש ועד סוף׃

    12ידעתי כי אין טוב בם כי אם לשמוח ולעשות טוב בחייו׃

    13וגם כל האדם שיאכל ושתה וראה טוב בכל עמלו מתת אלהים היא׃

  • קה׳ 7:2-4
    3 פסוקים
    74%

    2טוב ללכת אל בית אבל מלכת אל בית משתה באשר הוא סוף כל האדם והחי יתן אל לבו׃

    3טוב כעס משחק כי ברע פנים ייטב לב׃

    4לב חכמים בבית אבל ולב כסילים בבית שמחה׃

  • יעק׳ 4:9
    72%

    9התענו והתאבלו ובכו שחקכם יהפך לאבל ושמחתכם ליגון׃

  • קה׳ 8:14-15
    2 פסוקים
    72%

    14יש הבל אשר נעשה על הארץ אשר יש צדיקים אשר מגיע אלהם כמעשה הרשעים ויש רשעים שמגיע אלהם כמעשה הצדיקים אמרתי שגם זה הבל׃

    15ושבחתי אני את השמחה אשר אין טוב לאדם תחת השמש כי אם לאכול ולשתות ולשמוח והוא ילונו בעמלו ימי חייו אשר נתן לו האלהים תחת השמש׃

  • מש׳ 14:13
    71%

    13גם בשחוק יכאב לב ואחריתה שמחה תוגה׃

  • קה׳ 2:1-2
    2 פסוקים
    71%

    1¶ אמרתי אני בלבי לכה נא אנסכה בשמחה וראה בטוב והנה גם הוא הבל׃

    2לשחוק אמרתי מהולל ולשמחה מה זה עשה׃

  • קה׳ 8:6
    70%

    6כי לכל חפץ יש עת ומשפט כי רעת האדם רבה עליו׃

  • תה׳ 30:11
    70%

    11הפכת מספדי למחול לי פתחת שקי ותאזרני שמחה׃

  • איכה 5:15
    70%

    15שבת משוש לבנו נהפך לאבל מחלנו׃

  • קה׳ 3:16-17
    2 פסוקים
    69%

    16ועוד ראיתי תחת השמש מקום המשפט שמה הרשע ומקום הצדק שמה הרשע׃

    17אמרתי אני בלבי את הצדיק ואת הרשע ישפט האלהים כי עת לכל חפץ ועל כל המעשה שם׃

  • קה׳ 7:14
    69%

    14ביום טובה היה בטוב וביום רעה ראה גם את זה לעמת זה עשה האלהים על דברת שלא ימצא האדם אחריו מאומה׃

  • קה׳ 3:22
    69%

    22וראיתי כי אין טוב מאשר ישמח האדם במעשיו כי הוא חלקו כי מי יביאנו לראות במה שיהיה אחריו׃

  • יר׳ 31:13
    69%

    13אז תשמח בתולה במחול ובחרים וזקנים יחדו והפכתי אבלם לששון ונחמתים ושמחתים מיגונם׃

  • קה׳ 8:9
    68%

    9את כל זה ראיתי ונתון את לבי לכל מעשה אשר נעשה תחת השמש עת אשר שלט האדם באדם לרע לו׃

  • מש׳ 15:13
    68%

    13לב שמח ייטב פנים ובעצבת לב רוח נכאה׃

  • קה׳ 11:8-10
    3 פסוקים
    68%

    8כי אם שנים הרבה יחיה האדם בכלם ישמח ויזכר את ימי החשך כי הרבה יהיו כל שבא הבל׃

    9שמח בחור בילדותיך ויטיבך לבך בימי בחורותך והלך בדרכי לבך ובמראי עיניך ודע כי על כל אלה יביאך האלהים במשפט׃

    10והסר כעס מלבך והעבר רעה מבשרך כי הילדות והשחרות הבל׃

  • מש׳ 17:22
    68%

    22לב שמח ייטב גהה ורוח נכאה תיבש גרם׃

  • איוב 3:22
    67%

    22השמחים אלי גיל ישישו כי ימצאו קבר׃

  • תה׳ 126:5
    67%

    5הזרעים בדמעה ברנה יקצרו׃

  • רומ 12:15
    67%

    15שמחו עם השמחים ובכו עם הבכים׃

  • קה׳ 9:3
    67%

    3זה רע בכל אשר נעשה תחת השמש כי מקרה אחד לכל וגם לב בני האדם מלא רע והוללות בלבבם בחייהם ואחריו אל המתים׃

  • קה׳ 9:7
    67%

    7לך אכל בשמחה לחמך ושתה בלב טוב יינך כי כבר רצה האלהים את מעשיך׃

  • קה׳ 4:1
    67%

    1¶ ושבתי אני ואראה את כל העשקים אשר נעשים תחת השמש והנה דמעת העשקים ואין להם מנחם ומיד עשקיהם כח ואין להם מנחם׃

  • איוב 8:21
    67%

    21עד ימלה שחוק פיך ושפתיך תרועה׃

  • תה׳ 149:3
    67%

    3יהללו שמו במחול בתף וכנור יזמרו לו׃

  • יש׳ 24:8
    67%

    8שבת משוש תפים חדל שאון עליזים שבת משוש כנור׃

  • מתי 5:4
    67%

    4אשרי האבלים כי הם ינחמו׃

  • קה׳ 2:24
    66%

    24אין טוב באדם שיאכל ושתה והראה את נפשו טוב בעמלו גם זה ראיתי אני כי מיד האלהים היא׃

  • איוב 21:12
    66%

    12ישאו כתף וכנור וישמחו לקול עוגב׃

  • מתי 11:17
    66%

    17חללנו לכם בחלילים ולא רקדתם קוננו לכם קינה ולא ספדתם׃

  • קה׳ 7:6
    66%

    6כי כקול הסירים תחת הסיר כן שחק הכסיל וגם זה הבל׃

  • קה׳ 2:26
    66%

    26כי לאדם שטוב לפניו נתן חכמה ודעת ושמחה ולחוטא נתן ענין לאסוף ולכנוס לתת לטוב לפני האלהים גם זה הבל ורעות רוח׃