במדבר 20:28

תנ ך עברי מודרני

ויפשט משה את אהרן את בגדיו וילבש אתם את אלעזר בנו וימת אהרן שם בראש ההר וירד משה ואלעזר מן ההר׃

משאבים נוספים

פסוקים מקושרים

  • דב׳ 10:6 : 6 ובני ישראל נסעו מבארת בני יעקן מוסרה שם מת אהרן ויקבר שם ויכהן אלעזר בנו תחתיו׃
  • שמ׳ 29:29-30 : 29 ובגדי הקדש אשר לאהרן יהיו לבניו אחריו למשחה בהם ולמלא בם את ידם׃ 30 שבעת ימים ילבשם הכהן תחתיו מבניו אשר יבא אל אהל מועד לשרת בקדש׃
  • במ׳ 20:26 : 26 והפשט את אהרן את בגדיו והלבשתם את אלעזר בנו ואהרן יאסף ומת שם׃
  • במ׳ 27:16-23 : 16 יפקד יהוה אלהי הרוחת לכל בשר איש על העדה׃ 17 אשר יצא לפניהם ואשר יבא לפניהם ואשר יוציאם ואשר יביאם ולא תהיה עדת יהוה כצאן אשר אין להם רעה׃ 18 ויאמר יהוה אל משה קח לך את יהושע בן נון איש אשר רוח בו וסמכת את ידך עליו׃ 19 והעמדת אתו לפני אלעזר הכהן ולפני כל העדה וצויתה אתו לעיניהם׃ 20 ונתתה מהודך עליו למען ישמעו כל עדת בני ישראל׃ 21 ולפני אלעזר הכהן יעמד ושאל לו במשפט האורים לפני יהוה על פיו יצאו ועל פיו יבאו הוא וכל בני ישראל אתו וכל העדה׃ 22 ויעש משה כאשר צוה יהוה אתו ויקח את יהושע ויעמדהו לפני אלעזר הכהן ולפני כל העדה׃ 23 ויסמך את ידיו עליו ויצוהו כאשר דבר יהוה ביד משה׃
  • במ׳ 33:38-49 : 38 ויעל אהרן הכהן אל הר ההר על פי יהוה וימת שם בשנת הארבעים לצאת בני ישראל מארץ מצרים בחדש החמישי באחד לחדש׃ 39 ואהרן בן שלש ועשרים ומאת שנה במתו בהר ההר׃ 40 וישמע הכנעני מלך ערד והוא ישב בנגב בארץ כנען בבא בני ישראל׃ 41 ויסעו מהר ההר ויחנו בצלמנה׃ 42 ויסעו מצלמנה ויחנו בפונן׃ 43 ויסעו מפונן ויחנו באבת׃ 44 ויסעו מאבת ויחנו בעיי העברים בגבול מואב׃ 45 ויסעו מעיים ויחנו בדיבן גד׃ 46 ויסעו מדיבן גד ויחנו בעלמן דבלתימה׃ 47 ויסעו מעלמן דבלתימה ויחנו בהרי העברים לפני נבו׃ 48 ויסעו מהרי העברים ויחנו בערבת מואב על ירדן ירחו׃ 49 ויחנו על הירדן מבית הישמת עד אבל השטים בערבת מואב׃
  • דב׳ 31:7-8 : 7 ויקרא משה ליהושע ויאמר אליו לעיני כל ישראל חזק ואמץ כי אתה תבוא את העם הזה אל הארץ אשר נשבע יהוה לאבתם לתת להם ואתה תנחילנה אותם׃ 8 ויהוה הוא ההלך לפניך הוא יהיה עמך לא ירפך ולא יעזבך לא תירא ולא תחת׃
  • דב׳ 32:49-50 : 49 עלה אל הר העברים הזה הר נבו אשר בארץ מואב אשר על פני ירחו וראה את ארץ כנען אשר אני נתן לבני ישראל לאחזה׃ 50 ומת בהר אשר אתה עלה שמה והאסף אל עמיך כאשר מת אהרן אחיך בהר ההר ויאסף אל עמיו׃
  • דב׳ 34:5 : 5 וימת שם משה עבד יהוה בארץ מואב על פי יהוה׃
  • דב׳ 34:9 : 9 ויהושע בן נון מלא רוח חכמה כי סמך משה את ידיו עליו וישמעו אליו בני ישראל ויעשו כאשר צוה יהוה את משה׃
  • דה״א 22:11-12 : 11 עתה בני יהי יהוה עמך והצלחת ובנית בית יהוה אלהיך כאשר דבר עליך׃ 12 אך יתן לך יהוה שכל ובינה ויצוך על ישראל ולשמור את תורת יהוה אלהיך׃
  • דה״א 22:17 : 17 ויצו דויד לכל שרי ישראל לעזר לשלמה בנו׃
  • דה״א 28:5-9 : 5 ומכל בני כי רבים בנים נתן לי יהוה ויבחר בשלמה בני לשבת על כסא מלכות יהוה על ישראל׃ 6 ויאמר לי שלמה בנך הוא יבנה ביתי וחצרותי כי בחרתי בו לי לבן ואני אהיה לו לאב׃ 7 והכינותי את מלכותו עד לעולם אם יחזק לעשות מצותי ומשפטי כיום הזה׃ 8 ועתה לעיני כל ישראל קהל יהוה ובאזני אלהינו שמרו ודרשו כל מצות יהוה אלהיכם למען תירשו את הארץ הטובה והנחלתם לבניכם אחריכם עד עולם׃ 9 ואתה שלמה בני דע את אלהי אביך ועבדהו בלב שלם ובנפש חפצה כי כל לבבות דורש יהוה וכל יצר מחשבות מבין אם תדרשנו ימצא לך ואם תעזבנו יזניחך לעד׃
  • מע״ש 20:25-29 : 25 ועתה הנה ידע אנכי כי אתם כלכם אשר התהלכתי בקרבכם הלוך והשמע את מלכות יהוה כי לא תוסיפו עוד ראות פני׃ 26 על כן מעיד אני בכם היום הזה כי נקי אנכי מדמי כלכם׃ 27 כי לא כחדתי מהגיד לכם את עצת האלהים כלה׃ 28 לכן שמרו את נפשותיכם ואת כל העדר אשר הקים אתכם רוח הקדש לפקידים בו לרעות את עדת האלהים אשר קנה לו בדם נפשו׃ 29 כי ידע אני אשר אחרי צאתי יבואו בתוככם זאבים עזים אשר לא יחוסו על העדר׃
  • עבר 7:24-25 : 24 אבל זה בעמדו לעולם יש לו כהנה אשר לא תעבר ממנו׃ 25 אשר על כן יוכל גם להושיע בכל וכל את הנגשים על ידו לאלהים כי חי הוא תמיד להפגיע בעדם׃
  • פט״ב 1:15 : 15 ואשתדל שיהיה לכם תמיד גם אחרי פטירתי זכרון הדברים האלה׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • במ׳ 20:23-27
    5 פסוקים
    91%

    23ויאמר יהוה אל משה ואל אהרן בהר ההר על גבול ארץ אדום לאמר׃

    24יאסף אהרן אל עמיו כי לא יבא אל הארץ אשר נתתי לבני ישראל על אשר מריתם את פי למי מריבה׃

    25קח את אהרן ואת אלעזר בנו והעל אתם הר ההר׃

    26והפשט את אהרן את בגדיו והלבשתם את אלעזר בנו ואהרן יאסף ומת שם׃

    27ויעש משה כאשר צוה יהוה ויעלו אל הר ההר לעיני כל העדה׃

  • במ׳ 20:29
    81%

    29ויראו כל העדה כי גוע אהרן ויבכו את אהרן שלשים יום כל בית ישראל׃

  • דב׳ 10:6
    80%

    6ובני ישראל נסעו מבארת בני יעקן מוסרה שם מת אהרן ויקבר שם ויכהן אלעזר בנו תחתיו׃

  • במ׳ 33:38-39
    2 פסוקים
    78%

    38ויעל אהרן הכהן אל הר ההר על פי יהוה וימת שם בשנת הארבעים לצאת בני ישראל מארץ מצרים בחדש החמישי באחד לחדש׃

    39ואהרן בן שלש ועשרים ומאת שנה במתו בהר ההר׃

  • ויק׳ 8:13
    78%

    13ויקרב משה את בני אהרן וילבשם כתנת ויחגר אתם אבנט ויחבש להם מגבעות כאשר צוה יהוה את משה׃

  • ויק׳ 16:23
    77%

    23ובא אהרן אל אהל מועד ופשט את בגדי הבד אשר לבש בבאו אל הקדש והניחם שם׃

  • ויק׳ 8:30
    77%

    30ויקח משה משמן המשחה ומן הדם אשר על המזבח ויז על אהרן על בגדיו ועל בניו ועל בגדי בניו אתו ויקדש את אהרן את בגדיו ואת בניו ואת בגדי בניו אתו׃

  • ויק׳ 10:5-6
    2 פסוקים
    77%

    5ויקרבו וישאם בכתנתם אל מחוץ למחנה כאשר דבר משה׃

    6ויאמר משה אל אהרן ולאלעזר ולאיתמר בניו ראשיכם אל תפרעו ובגדיכם לא תפרמו ולא תמתו ועל כל העדה יקצף ואחיכם כל בית ישראל יבכו את השרפה אשר שרף יהוה׃

  • ויק׳ 16:1-2
    2 פסוקים
    75%

    1¶ וידבר יהוה אל משה אחרי מות שני בני אהרן בקרבתם לפני יהוה וימתו׃

    2ויאמר יהוה אל משה דבר אל אהרן אחיך ואל יבא בכל עת אל הקדש מבית לפרכת אל פני הכפרת אשר על הארן ולא ימות כי בענן אראה על הכפרת׃

  • ויק׳ 8:6-7
    2 פסוקים
    75%

    6ויקרב משה את אהרן ואת בניו וירחץ אתם במים׃

    7ויתן עליו את הכתנת ויחגר אתו באבנט וילבש אתו את המעיל ויתן עליו את האפד ויחגר אתו בחשב האפד ויאפד לו בו׃

  • שמ׳ 28:35
    74%

    35והיה על אהרן לשרת ונשמע קולו בבאו אל הקדש לפני יהוה ובצאתו ולא ימות׃

  • שמ׳ 29:29-30
    2 פסוקים
    74%

    29ובגדי הקדש אשר לאהרן יהיו לבניו אחריו למשחה בהם ולמלא בם את ידם׃

    30שבעת ימים ילבשם הכהן תחתיו מבניו אשר יבא אל אהל מועד לשרת בקדש׃

  • ויק׳ 10:3
    74%

    3ויאמר משה אל אהרן הוא אשר דבר יהוה לאמר בקרבי אקדש ועל פני כל העם אכבד וידם אהרן׃

  • ויק׳ 9:1
    74%

    1¶ ויהי ביום השמיני קרא משה לאהרן ולבניו ולזקני ישראל׃

  • שמ׳ 31:10
    74%

    10ואת בגדי השרד ואת בגדי הקדש לאהרן הכהן ואת בגדי בניו לכהן׃

  • דב׳ 32:50
    74%

    50ומת בהר אשר אתה עלה שמה והאסף אל עמיך כאשר מת אהרן אחיך בהר ההר ויאסף אל עמיו׃

  • שמ׳ 29:21
    73%

    21ולקחת מן הדם אשר על המזבח ומשמן המשחה והזית על אהרן ועל בגדיו ועל בניו ועל בגדי בניו אתו וקדש הוא ובגדיו ובניו ובגדי בניו אתו׃

  • שמ׳ 4:27-28
    2 פסוקים
    73%

    27ויאמר יהוה אל אהרן לך לקראת משה המדברה וילך ויפגשהו בהר האלהים וישק לו׃

    28ויגד משה לאהרן את כל דברי יהוה אשר שלחו ואת כל האתת אשר צוהו׃

  • במ׳ 27:13
    73%

    13וראיתה אתה ונאספת אל עמיך גם אתה כאשר נאסף אהרן אחיך׃

  • ויק׳ 21:24
    73%

    24וידבר משה אל אהרן ואל בניו ואל כל בני ישראל׃

  • שמ׳ 29:5
    73%

    5ולקחת את הבגדים והלבשת את אהרן את הכתנת ואת מעיל האפד ואת האפד ואת החשן ואפדת לו בחשב האפד׃

  • יהוש׳ 24:33
    73%

    33ואלעזר בן אהרן מת ויקברו אתו בגבעת פינחס בנו אשר נתן לו בהר אפרים׃

  • ויק׳ 8:36
    73%

    36ויעש אהרן ובניו את כל הדברים אשר צוה יהוה ביד משה׃

  • במ׳ 14:5
    72%

    5ויפל משה ואהרן על פניהם לפני כל קהל עדת בני ישראל׃

  • שמ׳ 40:13
    72%

    13והלבשת את אהרן את בגדי הקדש ומשחת אתו וקדשת אתו וכהן לי׃

  • במ׳ 3:1
    72%

    1¶ ואלה תולדת אהרן ומשה ביום דבר יהוה את משה בהר סיני׃

  • שמ׳ 35:19
    72%

    19את בגדי השרד לשרת בקדש את בגדי הקדש לאהרן הכהן ואת בגדי בניו לכהן׃

  • ויק׳ 10:8
    72%

    8וידבר יהוה אל אהרן לאמר׃

  • שמ׳ 28:4
    72%

    4ואלה הבגדים אשר יעשו חשן ואפוד ומעיל וכתנת תשבץ מצנפת ואבנט ועשו בגדי קדש לאהרן אחיך ולבניו לכהנו לי׃

  • במ׳ 3:5
    72%

    5וידבר יהוה אל משה לאמר׃

  • שמ׳ 32:25
    72%

    25וירא משה את העם כי פרע הוא כי פרעה אהרן לשמצה בקמיהם׃

  • שמ׳ 28:41
    72%

    41והלבשת אתם את אהרן אחיך ואת בניו אתו ומשחת אתם ומלאת את ידם וקדשת אתם וכהנו לי׃

  • ויק׳ 10:16
    72%

    16ואת שעיר החטאת דרש דרש משה והנה שרף ויקצף על אלעזר ועל איתמר בני אהרן הנותרם לאמר׃

  • במ׳ 16:46
    72%

    46ויאמר משה אל אהרן קח את המחתה ותן עליה אש מעל המזבח ושים קטרת והולך מהרה אל העדה וכפר עליהם כי יצא הקצף מלפני יהוה החל הנגף׃

  • שמ׳ 24:9
    72%

    9ויעל משה ואהרן נדב ואביהוא ושבעים מזקני ישראל׃

  • שמ׳ 28:43
    71%

    43והיו על אהרן ועל בניו בבאם אל אהל מועד או בגשתם אל המזבח לשרת בקדש ולא ישאו עון ומתו חקת עולם לו ולזרעו אחריו׃

  • שמ׳ 29:8
    71%

    8ואת בניו תקריב והלבשתם כתנת׃