משלי 22:14

תנ ך עברי מודרני

שוחה עמקה פי זרות זעום יהוה יפול שם׃

משאבים נוספים

פסוקים מקושרים

  • מש׳ 23:27 : 27 כי שוחה עמקה זונה ובאר צרה נכריה׃
  • קה׳ 7:26 : 26 ומוצא אני מר ממות את האשה אשר היא מצודים וחרמים לבה אסורים ידיה טוב לפני האלהים ימלט ממנה וחוטא ילכד בה׃
  • מש׳ 6:24-29 : 24 לשמרך מאשת רע מחלקת לשון נכריה׃ 25 אל תחמד יפיה בלבבך ואל תקחך בעפעפיה׃ 26 כי בעד אשה זונה עד ככר לחם ואשת איש נפש יקרה תצוד׃ 27 היחתה איש אש בחיקו ובגדיו לא תשרפנה׃ 28 אם יהלך איש על הגחלים ורגליו לא תכוינה׃ 29 כן הבא אל אשת רעהו לא ינקה כל הנגע בה׃
  • מש׳ 7:5-9 : 5 לשמרך מאשה זרה מנכריה אמריה החליקה׃ 6 כי בחלון ביתי בעד אשנבי נשקפתי׃ 7 וארא בפתאים אבינה בבנים נער חסר לב׃ 8 עבר בשוק אצל פנה ודרך ביתה יצעד׃ 9 בנשף בערב יום באישון לילה ואפלה׃ 10 והנה אשה לקראתו שית זונה ונצרת לב׃ 11 המיה היא וסררת בביתה לא ישכנו רגליה׃ 12 פעם בחוץ פעם ברחבות ואצל כל פנה תארב׃ 13 והחזיקה בו ונשקה לו העזה פניה ותאמר לו׃ 14 זבחי שלמים עלי היום שלמתי נדרי׃ 15 על כן יצאתי לקראתך לשחר פניך ואמצאך׃ 16 מרבדים רבדתי ערשי חטבות אטון מצרים׃ 17 נפתי משכבי מר אהלים וקנמון׃ 18 לכה נרוה דדים עד הבקר נתעלסה באהבים׃ 19 כי אין האיש בביתו הלך בדרך מרחוק׃ 20 צרור הכסף לקח בידו ליום הכסא יבא ביתו׃ 21 הטתו ברב לקחה בחלק שפתיה תדיחנו׃ 22 הולך אחריה פתאם כשור אל טבח יבוא וכעכס אל מוסר אויל׃ 23 עד יפלח חץ כבדו כמהר צפור אל פח ולא ידע כי בנפשו הוא׃ 24 ועתה בנים שמעו לי והקשיבו לאמרי פי׃ 25 אל ישט אל דרכיה לבך אל תתע בנתיבותיה׃ 26 כי רבים חללים הפילה ועצמים כל הרגיה׃ 27 דרכי שאול ביתה ירדות אל חדרי מות׃
  • דב׳ 32:19 : 19 וירא יהוה וינאץ מכעס בניו ובנתיו׃
  • שופ׳ 16:20-21 : 20 ותאמר פלשתים עליך שמשון ויקץ משנתו ויאמר אצא כפעם בפעם ואנער והוא לא ידע כי יהוה סר מעליו׃ 21 ויאחזוהו פלשתים וינקרו את עיניו ויורידו אותו עזתה ויאסרוהו בנחשתים ויהי טוחן בבית האסירים׃
  • נח׳ 13:26 : 26 הלוא על אלה חטא שלמה מלך ישראל ובגוים הרבים לא היה מלך כמהו ואהוב לאלהיו היה ויתנהו אלהים מלך על כל ישראל גם אותו החטיאו הנשים הנכריות׃
  • תה׳ 81:12 : 12 ואשלחהו בשרירות לבם ילכו במועצותיהם׃
  • מש׳ 2:16-19 : 16 להצילך מאשה זרה מנכריה אמריה החליקה׃ 17 העזבת אלוף נעוריה ואת ברית אלהיה שכחה׃ 18 כי שחה אל מות ביתה ואל רפאים מעגלתיה׃ 19 כל באיה לא ישובון ולא ישיגו ארחות חיים׃
  • מש׳ 5:3-9 : 3 כי נפת תטפנה שפתי זרה וחלק משמן חכה׃ 4 ואחריתה מרה כלענה חדה כחרב פיות׃ 5 רגליה ירדות מות שאול צעדיה יתמכו׃ 6 ארח חיים פן תפלס נעו מעגלתיה לא תדע׃ 7 ועתה בנים שמעו לי ואל תסורו מאמרי פי׃ 8 הרחק מעליה דרכך ואל תקרב אל פתח ביתה׃ 9 פן תתן לאחרים הודך ושנתיך לאכזרי׃ 10 פן ישבעו זרים כחך ועצביך בבית נכרי׃ 11 ונהמת באחריתך בכלות בשרך ושארך׃ 12 ואמרת איך שנאתי מוסר ותוכחת נאץ לבי׃ 13 ולא שמעתי בקול מורי ולמלמדי לא הטיתי אזני׃ 14 כמעט הייתי בכל רע בתוך קהל ועדה׃ 15 שתה מים מבורך ונזלים מתוך בארך׃ 16 יפוצו מעינתיך חוצה ברחבות פלגי מים׃ 17 יהיו לך לבדך ואין לזרים אתך׃ 18 יהי מקורך ברוך ושמח מאשת נעורך׃ 19 אילת אהבים ויעלת חן דדיה ירוך בכל עת באהבתה תשגה תמיד׃ 20 ולמה תשגה בני בזרה ותחבק חק נכריה׃ 21 כי נכח עיני יהוה דרכי איש וכל מעגלתיו מפלס׃ 22 עוונותיו ילכדנו את הרשע ובחבלי חטאתו יתמך׃ 23 הוא ימות באין מוסר וברב אולתו ישגה׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • מש׳ 23:27-28
    2 פסוקים
    85%

    27כי שוחה עמקה זונה ובאר צרה נכריה׃

    28אף היא כחתף תארב ובוגדים באדם תוסף׃

  • מש׳ 5:2-6
    5 פסוקים
    79%

    2לשמר מזמות ודעת שפתיך ינצרו׃

    3כי נפת תטפנה שפתי זרה וחלק משמן חכה׃

    4ואחריתה מרה כלענה חדה כחרב פיות׃

    5רגליה ירדות מות שאול צעדיה יתמכו׃

    6ארח חיים פן תפלס נעו מעגלתיה לא תדע׃

  • מש׳ 2:16-18
    3 פסוקים
    78%

    16להצילך מאשה זרה מנכריה אמריה החליקה׃

    17העזבת אלוף נעוריה ואת ברית אלהיה שכחה׃

    18כי שחה אל מות ביתה ואל רפאים מעגלתיה׃

  • מש׳ 7:5
    77%

    5לשמרך מאשה זרה מנכריה אמריה החליקה׃

  • מש׳ 6:24-26
    3 פסוקים
    77%

    24לשמרך מאשת רע מחלקת לשון נכריה׃

    25אל תחמד יפיה בלבבך ואל תקחך בעפעפיה׃

    26כי בעד אשה זונה עד ככר לחם ואשת איש נפש יקרה תצוד׃

  • מש׳ 23:33
    76%

    33עיניך יראו זרות ולבך ידבר תהפכות׃

  • מש׳ 5:20
    75%

    20ולמה תשגה בני בזרה ותחבק חק נכריה׃

  • קה׳ 7:26
    73%

    26ומוצא אני מר ממות את האשה אשר היא מצודים וחרמים לבה אסורים ידיה טוב לפני האלהים ימלט ממנה וחוטא ילכד בה׃

  • מש׳ 7:25-27
    3 פסוקים
    72%

    25אל ישט אל דרכיה לבך אל תתע בנתיבותיה׃

    26כי רבים חללים הפילה ועצמים כל הרגיה׃

    27דרכי שאול ביתה ירדות אל חדרי מות׃

  • מש׳ 5:8
    72%

    8הרחק מעליה דרכך ואל תקרב אל פתח ביתה׃

  • יח׳ 16:32
    72%

    32האשה המנאפת תחת אישה תקח את זרים׃

  • מש׳ 7:10-12
    3 פסוקים
    72%

    10והנה אשה לקראתו שית זונה ונצרת לב׃

    11המיה היא וסררת בביתה לא ישכנו רגליה׃

    12פעם בחוץ פעם ברחבות ואצל כל פנה תארב׃

  • מש׳ 7:21-23
    3 פסוקים
    72%

    21הטתו ברב לקחה בחלק שפתיה תדיחנו׃

    22הולך אחריה פתאם כשור אל טבח יבוא וכעכס אל מוסר אויל׃

    23עד יפלח חץ כבדו כמהר צפור אל פח ולא ידע כי בנפשו הוא׃

  • מש׳ 18:7
    71%

    7פי כסיל מחתה לו ושפתיו מוקש נפשו׃

  • מש׳ 11:22
    71%

    22נזם זהב באף חזיר אשה יפה וסרת טעם׃

  • מש׳ 30:20
    71%

    20כן דרך אשה מנאפת אכלה ומחתה פיה ואמרה לא פעלתי און׃

  • מיכ׳ 7:5
    70%

    5אל תאמינו ברע אל תבטחו באלוף משכבת חיקך שמר פתחי פיך׃

  • תה׳ 7:15
    70%

    15בור כרה ויחפרהו ויפל בשחת יפעל׃

  • מש׳ 22:5
    70%

    5צנים פחים בדרך עקש שומר נפשו ירחק מהם׃

  • מש׳ 17:20
    70%

    20עקש לב לא ימצא טוב ונהפך בלשונו יפול ברעה׃

  • מש׳ 26:27
    70%

    27כרה שחת בה יפל וגלל אבן אליו תשוב׃

  • מש׳ 20:16
    70%

    16לקח בגדו כי ערב זר ובעד נכרים חבלהו׃

  • מש׳ 14:1
    70%

    1¶ חכמות נשים בנתה ביתה ואולת בידיה תהרסנו׃

  • מש׳ 22:13
    70%

    13אמר עצל ארי בחוץ בתוך רחבות ארצח׃

  • מש׳ 4:24
    70%

    24הסר ממך עקשות פה ולזות שפתים הרחק ממך׃

  • מש׳ 18:4
    70%

    4מים עמקים דברי פי איש נחל נבע מקור חכמה׃

  • מש׳ 27:13
    70%

    13קח בגדו כי ערב זר ובעד נכריה חבלהו׃

  • מש׳ 9:13-14
    2 פסוקים
    69%

    13אשת כסילות המיה פתיות ובל ידעה מה׃

    14וישבה לפתח ביתה על כסא מרמי קרת׃

  • מש׳ 6:32
    69%

    32נאף אשה חסר לב משחית נפשו הוא יעשנה׃

  • קה׳ 10:12
    69%

    12דברי פי חכם חן ושפתות כסיל תבלענו׃

  • מש׳ 21:9
    69%

    9טוב לשבת על פנת גג מאשת מדונים ובית חבר׃

  • מש׳ 19:14
    69%

    14בית והון נחלת אבות ומיהוה אשה משכלת׃

  • מש׳ 10:14
    69%

    14חכמים יצפנו דעת ופי אויל מחתה קרבה׃

  • מש׳ 28:10
    69%

    10משגה ישרים בדרך רע בשחותו הוא יפול ותמימים ינחלו טוב׃